¹ Obia kieno etshia e Nzama itsen lelang leveyi avar kakin. Ozuk ekieno otin ngeni, taa no ngele ledzuk apa pano matabisi ata itsi be. ² Otin emwa, ozuk yepa makab lewa povre, ope wuk evi be; ngeni otin pakie anga luvun lemvle Inzama ewa ti la babal itsen avar apawa luzir. Me nta kab no dji-dji: wa me vey letan matabisi ewa. ³ Kansi, ozuk yepa makab lewa ngo mboo, kie ngele ata ewur eyia penza akwan leyia. ⁴ Otin ngeni,makab eya epopwe leveyi avar be. ke Taa ya ledzuk, nge payen eshuong eya oziyi, ka yiande lopaya matabisi. ⁵ Ozuk no esam no Nzama,obia zano nse anga ishu. Palang wa leya onzuma itsen le sama lemvle Inzama ti la aku e mbok itsen avar kanso ayen. ⁶ Kansi, ozuk yeling lesama, swe levle, kang efuk, sam Taa yia ngele ape monika be. Ke nde Taa za nge payen eshuong pakie ya loziyi, kopande matabisi. ⁷ Ozuk esamno, obia kieno ozuk olal nse ampagna. Pa bansa wa wamugne Nzama kazuk nde wa itsen la bisam ewa ita-taa. ⁸ Obia zano nse wa, itsen Taa no payiende ko su eshuong nge leno naza mfun, ntang nge leno opang aling ntete be. ⁹ Zuk no otin ka fetel no le sam Nzama: Taa su ngele ledzuk, dzen eya e santu ipwe ekuk, ¹⁰ Ok'mu eyia ize, luzol eyia isalama awa ana leboo ti ledzuk. ¹¹ Pa avar lwana olil nge lang so. ¹² Lolul so avar a masum, otin nge lolul so mpi avar nge yakie so ipwa. ¹³ Obia miang avar leyena mpasi otin ngena, kansi lim avar lengwa ewur epwa. ¹⁴ "Itsen, avar amwa ngele amakieno ipwa,ozuk no alolul no wa, Taa no ngele ledzuk mpi ka lolul nde no. ¹⁵ Kansi,kozuk ope lolul no avar amwa be, Taa no apa lolul no be" ¹⁶ "Ozuk etun no lalela itsen no esam no Nzama, obia zano ngi-ngi nse anga luvun; pa tshim wa etum ewa, itsen avar ayia wa mugne, wa me tun lela itsen itsen lale sam Nzama. Me ntakab dji-dji otin ngena: wa me veya matabisi ewa letan. ¹⁷ Ozuk ometun lela fug mbugne, sam awu eyia. ¹⁸ Otin ngeni, avar amwa apo yia be ke yome kel olil; ke Taa yia ngele ape monika be ngeni, kayiende. Ke Taa yia nge payen kakin pakieya loziyi, kopande matabisi". ¹⁹ Obia wum no kimvuam leboo na. Leboo ngena aniam palawa za, pakwa za atar, angawum paswe wa ibir-ibir lemvle itsen le yuong. ²⁰ Kansi wum no kimvuam ledzuk; luna aniam ape lia za be, ipe kuwu ikwe atar be; anga wum ape len leswe leyuong be. ²¹ Itsen oka ngele kimvuam iyia, otum eyia mpi ile lebu. ²² Dzeyi ile mwin e dzunga. kozuk dzeyi ile nsa, dzung okin ile ngayu la nsem. ²³ Kansi kozuk dzeyi pale nsa be dzung kokin kazawa lepib! Ozuk nsem ngele leti otum eyia ile kepib, epib ni kazaza mbwa onsun! ²⁴ "Opelen osadil ank'mu ape be, itsen katun yia ngena mpi kalang yia ngeni, kalemfuk nde la ngena, kansi katun ngeni. Ope kuwu osadil no lentang emwotuk Nzama ti kimvuam be". ²⁵ Nduk ekwa,me ntakab mbon: obia yen no mpasi leyul lwana su la nge, su nwa nge, itsen le luzing eno, no payen no mpasi be,itsen le luzing eno, no payen no. Ke moy pane ling olil lamfun be? ke dzunga mpa me ling alama lamfun be? ²⁶ No eyen no anen: wa pe kun be, wa pelim abim lelivel be, elewa loka lewum be. Ke Taa no ledzuk papande wa olil! Keno pomeling no amf'le lemfun be? ²⁷ Wur ni leti eno akum leying eshu emwatuk le luzing ende, ozuk nda metshuk mbwa ngin okamwatuk? ²⁸ Itsen lange patsuk ngin ke lalama? kiang no bintuntu loshi mpil patsun za: eleza epe kie be, epe tuung alama mpi be. ²⁹ Ke me ntakab no: ata nde Salomo lekuk nge kiende lonk'mu, nda le lwar alam awuo be, nse kintuntu ngele leti e bintuntu ngena. ³⁰ Nkey ngele loswi lwan, ntang kabiak ampegne lale toma letshia, Nzama wur ngelwar wa otin ni. Itsen, kozuk ndelwar nkey mbwini,ke ndape kuwu lalwar no enga shun be? ³¹ Obia yen no mpasi leyul: nge kala so? nge kanwa so? Nge kalwar so? ³² Ampagna avar paling abim ni ntang konso. Ke no, Taa no ledzuk eyia nde nolano lamfun abim konso ni. ³³ Kansi kob no leling ok'mu ende ti a bim palang nde, mpi kayig nde no abim ni kanso. ³⁴ Nduk za, obia yen no mpasi leshuong ngize ampegne; ampegne kazaza ti mpasi eza diak otin. Konso eshu payil ndavar mpasi, mfun leying diak a mpasi inki be.