¹ Ntang nge yen Yezu mbal avar, me ke zande ledzuk engum. Alongoki ende mezo tan wa, ² mpi me bagne nde lalong wa mbon: ³ kiese lavar ngeyia letum ewa ke wabuyi kiben ansiona, itsen ok'mu e Nzama ile wa. ⁴ Kiese lavar ngeli, itsen Nzama kalim nde wa lengi!. ⁵ Kiese lavar ngele dju, itsen kavey wa boo nge sil Nzama itsen lawa! ⁶ Kiese lavar ngepa zuk elegne olal lekie eshuong nge palang Nzama. Itsen Nzama kapande wa engakuk. ⁷ Kiese lavar ngepa zuk amwa ngi, itsen Nzama mpi kazuk nde wa ngi! ⁸ Kiese lavar ngele etum sii,itsen kayen wa Nzama. ⁹ Kiese lavar paswer ngem leti avar amwa, itsen Nzama kavinde wa avan ande! ¹⁰ Kiese lavar nge niokol wa itsen lambok ewuo nge lab wa, itsen kimfum e Nzama ile ewa! ¹¹ " Kiese iza ozuk wa twa no, ozuk wapa-no mpasi, wa eshwom no avi, ti eluvun, ti e mpil la mpil, itsen no buyi no alongoki eme. ¹² Sepel no, mpi zuk no nsa, itsen kava no nzaab, matabisi enen ledzuk. A mbikur ngeni losu eno, ayien wuwa mpi mpasi. ¹³ No buyi no nse okuwu itsen lavar. Ozuk nken okuwu emesia, otin nge kakiewa lekal diak djiak za? okkuwu ngeni ile diak lamfun be, wa fetel letom za lelien; avar wa nier. ¹⁴ "No buyi bonso mwin itsen lavar. Waa ngele zuk engum, epe kuwu iza loziyi be. ¹⁵ Eluwa ape pelsa mwin be itsen lodub diak kantin, kansi pozab wa le mesa, itsen zipel lavar kanso ngele leti evle. ¹⁶ otin emwatuk,mwin eno efetel lepel leveyi avar. otin ngeni, kayen wa eshuong ensa nge kieno, mpi kapiwa lokum lewa ngele lezuk". ¹⁷ "Sang abansa no mamugne mezeme itsen lale bugn ansik e Moyize ti malong a mbikur. Pe zama lebung za be, kansi lale tendul za nsa-nsa. ¹⁸ Me nta kabno eshuong ngele lembok. Kotin ngele zuk ti boo ibuyi, wape kuwu lelim nse mie itshi lewa nsik be; katshik za kumbwin lensuk eshuong kakin. ¹⁹ Wur kakin ngele ape lab eshuong na ata nsi-tshi be lewa nsik ngena, pa long nde mpi avar amwa lalekie otin ngeni, nda poza wur emfun kiben be lok'mu Enzama. ²⁰ Me nta kab no mbon: ozuk no ta wum no malong ensik ti Amfarizi be, lale kie eshuong nge lang Nzama, no posweno lonkum e Nzam be. ²¹ "No me zuk no ke Nzama ekab nde ankaa su nda mugne: ope djak wur be. konso wur kadjak wur inki, ko sambisa wa nde". ²² Kansi me nta kab no mbon: wur kakin nga dzuk otung ende nki, ko sambisa wa nde; konso wur nga tib ndotung ende nda mugne: yole wur empa-mpam, ko sambisa wa nde lembal avar Ayuda; wur kanso ngatib ndotung ke: yole zob, nda me kuwu leka letshia ebulung. ²³ Mpi ozuk yotwa makab eya lewa Nzama, ozuk yo mepwe losu e mesa; yo me za kan ya mugne otung eyia ale nda nki ndayia, ²⁴ Miang makab eya losu e mesa e santu, kawakan osu ti otung za; lembeyi, pa makab eyia. ²⁵ "Ozuk wur amofun ya, ndamo twa le tribunal> Yokan yande ivang ntang ngele no le mbok. Ozuk be, nde kapande lewa zuze, zuze kopande lewampulsi, ke mpulsi kotom nde lolok". ²⁶ Me ntkab mbwa dji-dji: wa poper yia be tii ntang kafre yia ekre kakin. ²⁷ "No me zuk no nge me tib Nzama: ope kie ndum be". ²⁸ Ke me nte tib mano mbon: wur nga kiang wal wur langin loyong nde, nda me kie pite ti nde lotum le ntang ngeni. ²⁹ Ozuk dzey eyia ewum obin lekie masum, lim za mpi fam za ntu! kazawa nsal lewul elim eya edzung, ke Nzama letom dzung eya okin le bilung. ³⁰ Otin emwatuk, ozuk ewa eye ewum otib lekie masum, biak za, fam za ntu! kazawa nsa lewul elim eya edzung, ke lewul dzung okin leka bilung" ³¹ Nzama akab nde no nda mugne: wur nge me sang wal nde, afetel lopande onkan la ke iva emesia. ³² Kansi me ntakab no mbon: onkar ngele pite ape kiebe, ozuk wum amosang, mpam ngeni ame swer onkar ngeni mpi nga kwel ti onkar nge sang mpam emwa, nda me kie pite. ³³ "No ke zuk mpi nge tib Nzama nda nkano: ope sil epu-epu be emie nge kan ya lekie,kansi kie abim nge sil yia e Nzam ke ya kakie za". ³⁴ Kansi me nte tib otin na: ope biak Nzama be ntang nge sil yia. obia tang dzen e zuk, itsen zuk ile nse kiti ende ok'mu; ³⁵ Obia tang dzen e boo, itsen boo ile nse oka pab nde nku; obia dzen e Yeruzalem; itsen zile waa e nk'mu enen. ³⁶ Obia tang dzen otia eyia mpi, itsen yopo tshim ata oley eyia otia be kezikum si to pio. ³⁷ Tib kaka:"E", "to be", eshuong emwa nge len ya letib pafiza lewa wur epwa". ³⁸ "No ke zuk no nge tib Nzama: dzey la dzey, idzen lidzen". ³⁹ Kansi me nta kab otin na: ozuk wur amokie ipwa,yopo kal nde diak ipwa be. Ozuk wur amo nuk mbar litam ewum, pande diak itam iwal nda pe nuk. ⁴⁰ Ozuk wur eling lofu yia itsen levey simisi eya, pande mpi kazak. ⁴¹ Ozuk Soda okab ya lovir sak ende lesiyi e kilometre emwatuk, vir za le kilometre emwa diak. ⁴² Ozuk wur amoling emie, pande ozuk wur eling ledefa emie lewa ya, defisa nde za". ⁴³ "No ke zuk no nge tib nda no: lang otung eyia, kansi kayina ya mben eya. ⁴⁴ Kansi me ntakab mbon: lang no amben eno, sam no Nzama itsen lavar nga pano mpasi. ⁴⁵ Otin ngeni, kazano mbwa avan o Taa no ngele ledzuk. Itsen nde pa pwe ledzuk itsen lavar epwa ti avar ansa, pa niol nde mvia lewaa avar pakie eshuong ensa ti pakie ipwa. ⁴⁶ Ozuk palang no kavar nge lang no, otin nge Nzama afetellapa no matabisi? Ata akalak nge pafur atara, palang wa mpi kavar nge pa lang wa! ⁴⁷ Ozuk pa pano mbor ke lewa atung ano, eme nge pakieno, ngele avar amwa ape kiebe? Ata avar ngele ape yia Nzam be, pa-pa wa bor lewa avar pa-pa wa mbor! ⁴⁸ Obia zing no la kifu, otin emwotuk Taa no ngele ledzuk kifu mpi be.