¹ Ntang ni Mpeve e Nzama me twa Yezu leboo e dzel itsen satan omek nde. ² Ntang Yezu me kiende lanza nshu adjum ini lini, mbi ti otshu, nza mokir za nde. ³ Satan me za nde pipi la Yezu ndamugne:" odzuk yobuyi van Nzama, tib ya otar ngena ikum mamapa". ⁴ Yezu nde: ile nga son lonkan Enzama: wur apo zing ke a mampa nge lande be, kansi mpi lotib kakin e Nzama". ⁵ Ntang na Satan me twande Yezu Yeruzalem, waa e santu, mo tshuk nde lotuono evle e Nzama Ayuda, ⁶ Nda mugne: ozuk yole van Mzama, sang ngwa, kwa le boo. Itsen ile nga son lonkan enzam ke " Nzama kakab nde Awanzio ende emie kakiewa itsen la yia: kovir wa ya lengwa, mpi eku eya epotam nsa livi be". ⁷ Yezu mokab ndamugne: ile mpi nga son lonkan e Nzama: ape mek Nzam nk'mu eyia be". ⁸ Satan me twande diak Yezu ledzuk engum etaa,molak nde kiyek e boo kansa ti nkembo eza. ⁹ Satan nda mugne:"kakin nge yen ya na, kopa me yia za ozuk e mfukam yia mpi e nsam yia me". ¹⁰ Yezu mokal ndamugne:" lim, Satan! Ile nga son lonkan e Nzama: ye fetel lesam Nzam nk'mu, Nzam eyia> Ke nde efetele ya lesam!" ¹¹ Ntang ngeni, Satan mosang nde; Awanzio mezil wa Yezu mpi me bagne wa lo sadil nde. ¹² Ntang nge me zuk Yezu nde wa me tsuk Jang lolok, me kande le boo e Galileya. ¹³ Nda te kie nshu olal le Nazaret be, kansi me keing nde le Kapernaum, lisang ewaa evey e Galileya, leboo e Zabulon ti Neftali. ¹⁴ Eshuong na ekwa za,itsen lelag eshuong nge tib mbikur Ezayi, ndamugne: ¹⁵ Yia Zabulon, yia Neftali, a boo ngele lakur evey enen, lisum enzaa Yordani. Yia Galileya,boo avar ngele mpa Yuda be, waa ampagna. ¹⁶ Avar nge zing lepib, ka yen wa nsem enen!Kazawa avar nge zing lepib ti lepib ewa nge kayen nsem ngeni!. ¹⁷ Bagne ntang ngeni, Yezu e bagne nde lelong nda mugne:" Tshim etum, ok'mu e Nzama epe kum pipi!" ¹⁸ Ntang ngi sum Yezu lenkwal evey ezang e Galileya, me yen nde atung ampam ape, Simo ( nge paviwa Pier0 ti Andre, okwom Simo. We tom asim levey, itsen eyiwa andob nse. ¹⁹ Yezu makab nda mugne:"zondab no, ka lok me no lale lob avar. ²⁰ Me meng wa ivang esim wa, mpi malab wande. ²¹ Ntang nge yi Yezu lontar, me yen nde atung ampam ape diak, Yakobo ti Jang avan a Zebede. Eyiwa lengab ti taa wa Zebede. We pung e sim ewa. Yezu ma vinde. ²² Me meng wa ngab ti taa wa, ivang, molab Yezu.