¹ Ntang ni, Jang-Batisi me kende le boo edzel e Yudea, me long nda mugne. ² " ITshim no etum itsen ok'mu e Nzama eme kum pipi. ³ Jang ale wur nge kab mbikur Esayi ntang nge tib nda mugne: wur emwa eti tib bir le boo e dzel: pung no mbok enk'mu, kwom no ambok ende. ⁴ Jang eyinde elwar ilam evieyi e niam pavi wa Shamo ti okab nde mpi ke niam. Eyinde ela mpey ti oyui. ⁵ Avar ngeza wande efiwa Yeruzalem, le boo e Yudea ti lawaa ngeyi likur, evey Yordani. ⁶ Eyiwa eyir masum ewa lembal avar, ke Jang eyinde opa wa mbotik le Yordani. ⁷ Jang me yende Amfarizi ivre ti a Sadise ize levey mbotik lewande. Ke nde makab nde wa mbon: no aniam ngena, wur nga lak no lelur ntang Nzama kazuk nde nki ne ? ⁸ Kieno eshuong nge lak ke no me tshim no etum. ⁹ sang abansa no na mugne no me vug no ozuk no tib mamugne: Abrama wur ngele nkaa so. Itsen me nta kab ke, lati atar ngena Nzama ekug nge lekie avan itsen la Abrama. ¹⁰ Sesep na Nzama ame vey ishwa itsen lebiak esung lesim eza, osung kakin ngele ape wur mbur iwuo be, Nzama ka biak nde za,katom nde za letshia. ¹¹ Me, ma pano mbotik e vey, itsen lale lak ke nome shwom no etum; ke wur ngize lembeyi eme ngeni, apa no mbotik e mpeve santu ti e tshia. Nda me nshun me labir; me mpe kuwu ata lesur sandal ende be. ¹² Kakir nde muyungul lewua itsen lepon a mpey e bule nge me r nde. Kavey nde ambur inde itsen lewuma kaka levle, kansi kabwol nde ampey le tshia ngele ape dum be!. ¹³ Ntang me fa Yezu Galileya,me kiende le nzaa e Yordani levey mbotik lewa Jang. ¹⁴ Ke Jang eyinde etun ndamugne:" me wur ngivey mbotik lewa ya, ke yia ope ya wame!" ¹⁵ Yezu ndamugne:" ziza kotin me salama za ntang na. Ilotin nga kieso luzolo e Nzama". Jang mpi me yir nde.