¹ Poyi masonga mu zina di Kristu. Puniku ye mbunduama yeke ndungisa mu nzila mpeve santu,. ² Na samu di mene hene ye kiadi kingi ye bulu bukonda tsuka ku mbundu. ³ Saamu yi zola ba nsinga ye ba nkabisa ye Kristu kikuma ku lutondu lu bampangi bama, ba balutu lwama mu kin'suni. ⁴ Bene bisi Izalayele. Bakota mukikanda ki Yezu, lukumu, mukuvukana, kabu di mitsiiku, ku fwokamana Nzaambi ye bilashi. ⁵ Ye ba nkaka ba babuta Yezu mu kin'suni; yandi we Nzaambi ha ntandu bima biakulu, ban'kembisa mvula ye mvula, Bwabuna. ⁶ Bwabuna buhoyiku na bilashi bi Nzaambi bi beba. Saamu keku baatu baakulu mu tsii Izalayela ba beku bisi Izalayela. ⁷ Keku phe baatu baakulu ba kikanda kia Abalami ba bene baana bandi ba makieleke, kaasi "munzila Izaki kanda di ngeyi diakulu batelami." ⁸ Disongidila, baana ba kin'suni beku baana ba Nzaambi, Kaasi bene baana ba kilashi ba bamonga yaba bana ba kikanda. ⁹ Bwabuna masonama mu ndinga: "munsungi yayii, yi kwisa phe mwana mosi wu yakala butuka mukifundu ki Sara." ¹⁰ Keku bwabuna kaka, kaasi kunima Sara kamongi kifundu kwe yakala mosi, taata betu Izaki; ¹¹ Saamu baana bakala ba butukweku kene phe kasadieku mambu mambi to ma bunkete, mukusia ne luzolo lu Nzaambi, mukusia kusolama ku kukisama; keku samu di bisalu kasi kikuma ki luzolo lu wuna wun'tela. ¹² Ban'kamba bwabu: "Tsomi kasadila n'leke." ¹³ Makala buna masonama: "Tsoodi Jacobu yi busi Ezawu." ¹⁴ Nki tu hoya? diadina kwe kukonda kabisa kati-kati ku nzaambi? Bwabuna busalamiku dihika. ¹⁵ Saamu kahoya kwe Moyize: "yi fwila n'kenda kwe wuna nzodi phe yi kabisa kiadi kwe wuna nzodi." ¹⁶ Mamana butadiku wuna zodi, keku phe wuna we wuka nkufi, kaasi kikuma ki, Nzaambi fwidi n'kenda. ¹⁷ Masonama mahoya kwe Farawon: "yi kutombula saamu di kisalu kiaki mukisia na ngolu zi mene zi monika mwe ngeyi phe zina di mene di zayana mu tsi ntoto yakulu." ¹⁸ Hakana, Nzaambi ka fwilaka n'kenda kwe muutu wu kazodi phe kakwetikaka wuna ka zodi. ¹⁹ Kumanima nkamba: "Samu di nki weka mona bifu? Na wu busi ata mbala mosi mu luzolu lu Nzaambi? ²⁰ Mu makieleka, Muutu na kene muku busa buna kazodi Nzaambi? Bima ba niki ku machini bi fwene bikamba wuna sadi bio: "Nki tsadidi bwabu?" ²¹ N'bumbi mafu ma tuma keku ye n'sua mu kibuma mukusia na kasala konso kima kina kazodi? Dilonga di ntalu na lo dilonga di ba senzi. ²² Nki lu hoya buntwene na Nzaambi zodi kasongila nkabu phe ngolu zi yandi, mukusia wu kubikama ye kulembika mbundu, n'langi nkabu bayidika samu di kubebisa? ²³ Nki tuhoya naka kasadi mukusia luzaya kimvuama ki nkembu yandi mu n'langi n'kenda, wu kayidiki tuka ntama samu di lukumu lwandi? ²⁴ Nki tu hoya na kasadi phe bwabu saamu di betu, na katela phe keku ba Juifi kaka, kasi ye ba mpani? ²⁵ Bwosu kahoyi dihika mukanda Oze: "Yitela kanda diama bana bakaloko kanda di mene, phe yitela bana yi zolaka bana yi zodiku. ²⁶ Makala bwabuna mukizika kina yibakamba: lweku kanda di mlene," hakana, ba batela bana wu Nzaambi wu moyi." ²⁷ Ezayi didi kikuma ki Izalayele: "Na ntalu yi bana ba Izalayele yikala na tsenga zi nzadi mungu, bu nkakala mwa ndambu yi nka bika; ²⁸ Saamu Pfumu busele bunkeke ka kukisa ndingandi mu tsi n'toto buna bufwene. ²⁹ Ye buna kahoya Ezayi kuntwala: "Na Pfumu Nzaambi wu bintumba kasisoko ma kanda ma baatu ki nima di betu, ntu nka kuma yaba Sodomo ye Gomorrhé." ³⁰ Nki tu hoya? ba mpani ba bakala sosoko masonga, bakuma baatu ba masonga munzila lukwikilu. ³¹ Izalayele ba baye dingi mitsiiku mli masonga ba kuka mioko. ³² Saamu di nki na lo? mudiambu bakala dinga moko ye lukwikilu kaasi munzila kisalu. Bakoti munzila zi masumu. ³³ Buna masonama: "Lumwene tsiidi kuna Siyoni kima kiki lunata kumasumu ye kiki lu nata mu nzila zi masumu. Wuna kwikila mwe yandi kawoko tsoni."