1
Luzolo lu meene ye bisamabu ku Nzaambi ba huuluka.
2
Beene ye kudihana mukisalu ki Nzaambi, kaka kukonda ku ngaangu.
3
Saamu beeka lala masonga ma Nzambi, beka meka bashia ma bawu ma bumutu, beeka lemvuka mu masonga ma Nzaambi.
4
Yezu Klistu kisakukisa mitsiiku samu kabikisa konso muutu kwikila.
5
Samu Moyize kasoniki mitsiiku wuna sadila mio kazinga.
6
Masoonga ma lukwikilu mahoyi bwabu: hoyiiku kumbundu ngeyi na maata ku zulu? kuna kwe ku kulumuna Klistu;
7
na lowa, na kulumuka bwa mu buulu? kwe kutombula Klistu mukati di ba mvumbi .
8
Mana masoonga nki ma hoya? ndiinga Nzaambi yeene bela bela ye beno, mu nwa, ku mbundu zeeno. yina ndinga lu kwikilu. Samu na weka tambusa ye nwaku na Yezu kene Pfumu,
9
phe na weeka kwikila kumbundu na Nzaambiwun'futumuna mu lufwa, huluka.
10
Saamu muutu ka kwikila kumbundu, kunwa keka tambusa samu di lukwikilu.
11
Ndiinga Nzaambi yihoyi muutu wakulu wu kwikila kwe yanda kawaku tsoni.
12
Heeku ye luswasanu ye ba Juifi ti ba Greki. Nzaambi kene kaka mosi samu di baatu baakulu.
13
Saamu konso wuna teela zina di Nzaambi kahuluka.
14
Nkii piila ba m'saambila, yandi wu bakonda tambusila? nkii piila ba kwikila kwe yaandi, yaandi bakonda wa ata ku ndinga? nkii piila wa na heeku ye muutu longa?
15
Nki piila hakaala ye balongi na kabahitikiku Nzaambi? ma sonama: maalu ma bayee bunkeete baaba mwaanga ngeemba yi tsangu zi binkete.
16
Maana baakulu ba lemvukoko mu tsaangu zi bunkeete. ngunza Izayi kahiyi: "Pfumu nawu kwikila mu ndinga betu?"
17
Maana, lukwikilu lu kwisaka muku wa, matuwa, mundinga Yezu Klistu.
18
Maana yeka hoya bawudiku? bungumba saamu ndiinga zibawu ziwisani n'tooto waakulu ye muna mu tsukina tsii.
19
Maana, Izalayele, kazayoko na Moyize kahoyi muutu nteete: yii sota kiphala ki beno saamu lweku Haata phe yii tombula n'kaabu zi benu baatu ba haata di konda nduka
20
Izayi keye kikeesa ka hoya: "yii lubuki kwe baatu bakondi tsoosa ba mbwene yii disongidi kwe baana bakondi n'teela"
21
Mana saamu di Isalayele ka hoya: yii kangudi moko kilumbu kiakulu kwe baatu ba konda tumakana phe bilawu