¹ Buntwene hekudihika ndola ku bana bene mukati di Yezu Kristu. ² Saamu mitsiiku mi luzingu wu kimpeve mu Yezu Kristu tsumbuki n'tsiiku masumu ye lufwa. ³ Mana kakukoko mitsiiku mukusala saamu di kuzeba ku lutu, Nzaambi wu lungisamo. Katumi mwanan'di mu n'suni wufwanana wu baatu ba masumu saamu kakala kimenga ki masumu, phe katudi masumu mu lutu lu muutu. ⁴ Kasadi bwabuna mukusia na mana malombidi mitsiiku malungisama mukati di beto, betu batu kangala keku mukin'suni, kaasi muki mpeve. ⁵ Bana ba zinga mukin'suni ba sepidila phe bima bikin'suni, mana ba bazinga muki mpeve ba sepidila phe ma kimpeve. ⁶ Saamu na hudi hana mukin'suni lwe lufwa, kaasi na widihana mukimpeve lwe luzingu ye ngemba. ⁷ Saamu na wudihana mukin'suni Nzaambi kazola bwoku, saamu kazitisaku mitsiiku mi Nzaambi ka fwene bwoku kasadila bwo ata bu nke. ⁸ Ba bazinga mukin'suni ba fweneko ban'heka Nzaambi kiesi. ⁹ Bwabuna, lweku lu kin'suni, kasi mukimpeve, na ma masonga mpeve Nzaambi yi zinga mukati di benu. Na muutu keku mpeve Kristu, keku wu yandi. ¹⁰ Na Kristiu ke ye benu, lutu lufwa kikuma ki masumu, kaasi mpeve yi zinga kikuma ki masaonga. ¹¹ na mpeve yi futumuna yezu hakati di bafwa yi zinga kwe benu, wuna wufutumuna Kristu mukati di bafwa kahana dihika luzingu kulutu lwetu lulu fwa, munzila mpeve yandi, yi yaka zinga mukati di benu. ¹² Hakana phe, twe ye mfuka, keku yi n'suni saamu tuzinga mukin'suni. ¹³ Saamu na luzinga mukin'suni, lu fwa, mana na mu mpeve lwekene honda mambu ma lutu, lu zinga. ¹⁴ Saamu biingi bekene kangala mu ngolu zi kimpeve Nzaambi, ba bana be baana ba Nzaambi. ¹⁵ Samu di benu, lumongoko mpeve yi kusadila benu ye yi kubanga. Mu makieleka, lumonga mpeve yi ku tsasa ba kwenu, hakana lu hoyilaka: "ha taata, taata!" ¹⁶ mpeve ya wene yeka tambusa ye mpeve betu ne twe bana ba Nzaambi. ¹⁷ Na twe bana ba Nzaambi, twene dihika ba sadidi kimvuama ki Nzaambi. Phe bakabana kimvuama ye Yezu, na makieleka tweka mona mpasi ye yandi mukusia tu kala mu nkembu ye yandi. ¹⁸ Yeka mona yaba ne mpasi zi ntangu yayi zi fwananiku ye biesi bi batu songila. ¹⁹ Saamu kusalama kweka hingila ye ku lepika mbundu kumonisa ku mambu ma bana ba Nzaambi. ²⁰ Kusalama kukumi kima ki mpamba (vanité) keku muzolo lu yandi, kasi mu luzolo lu wuna wukumisi dio bwabuna. kie kiitu kifwene kutambusila. ²¹ Kusalama kwa bene kuhanama mu kimpika ki bwifi, ye ba yambudila kio mulukumu lu nkembu baana ba Nzaambi. ²² Saamu tuzeye ne kusalama kwakulu kukala mu mpasi ye kubokuta tii ye buntwene. ²³ Keku bwabuna kaka, betwetu phe batwe ye mbuma zi nete zi mpev tweka bokuta mukati di betwetu, mukuhingila kukota mu kikanda ki Yezu phe lusumbamu lu lutu lwetu. ²⁴ Saamu tu huluka kiitu. Kaasi mu biabina twe kasia mbundu mana tu monie bioko, Saamu na shia mbundu mukina ka mwene kene? ²⁵ Kaasi na tu shia mbundu mu kina tu monieku kene, tweka hingila ye kubwisa mbundu. ²⁶ Piila mosi, mpeve ye katusadisa muku zonga ku lutu. Saamu tuzeyeku bwe ba sambaka Nzaambi, mpeve ya wene yitusadisaka munzila ngindu zin'kati zi tukukaku ku lubula. ²⁷ Yandi wu tesa mbundu zeye ngindu zi kimpeve, Saamu kasambila mudiambu di bana bakwikilaka mu luzolo lu Nzaambi. ²⁸ Tuzeye na mambu makulu Nzambi kasalaka mu mamboti ma bana ban'zolaka phe ba batela mu kulungisa luzolu lwandi. ²⁹ Saamu ba bateka yaba ntete, kaba hitika mukusia bakala kifwanisu ki mwanan'di, mukusia na kakala mwana ntete mukubutuka hanakati di ba mpangi zandi. ³⁰ Bana kasia mu luyandiku bene phe baatu ba katela. Bana katela, wuba tambusa, bana katambusa wu baheka lukumu. ³¹ Nki tuhoya samu di mambu mama? Na Nzaambi kene ye betu, na konda tuzola betu? ³² Yandi wukonda sweka mwanan'di, kaasi wu n'kaba kikuma ki betu kulu, bwe kakonda tuhele ye malembi maakulu konso kima kina ke kiawu. ³³ Na funda bana kasodi Nzaambi? Nzaambi tambusa baatu. ³⁴ Na zengila baatu n'kanu? Kristu yandi wu fwa kikuma ki betu, phe n'funu wingi wufutumuka. Keka yala ye Nzaambi hana kiti ki kipfumu kinkembu, phe keka sambila samu di betu. ³⁵ na tu hambasa mu lutondu lu Kristu? mpasi, to kiadi, bintumba, nzala, nkonga, kihonsa to mbele lunianga? ³⁶ Bwoso masonama: "kikuma kingeyi tu fwidi. bakala tumongaka bonso ma meme mabanete ku kizika kibahondila mo." ³⁷ Mu bima bi biakulu, ntwene ye kinunga munzila muutu wu tuzola. ³⁸ Saamu ye ye kusukisama ku mbundu na keku lufwa, luzingu, ba wanzio, kipfumu ki tsi ntoto, bima bi ntangu yayi, bima bi tsi yi kkwisa, keku phe ngolu. ³⁹ Keku kiana ki zulu, diingu, keku kima kiakulu ki salama, bi kukoko bitu kabisa ye lutondo lu Nzaambi, lu kasongila mu Yezu Kristu Pfumuetu.