¹ Holo luyebeko ba mpangi, (saamu yeka hoya ku baatu ba bazeye mi tsiiku) na mitsiiku miaka takisa muutu mu ntangu yaakulu yi kekene zinga. ² Hakana, n'keto longo kene wu tatamana kwe yakala diandi mu mitsiiku mu ntangu keka zinga yakala, kasi na yakala fwidi, katuki mu n'tsiiku longo. ³ Disongidila na ntangu yi yakala mu luzingu, na we monga bayakala ba hika, ban'tela ndumba. kaasi na yakala fwidi, mitsiiku mi sumbuki, keku diaka ndumba ata we monga bayakala bahika. ⁴ Bwabuna ba mpangi, benu phe, munzila lutu lu Yezu ba lusidi lufwa mukusia na lukuma baatu ba hika, kwe wuna wu futumuka ku bafwa mukusia ne tubuta mbuna samu di Nzaambi. ⁵ Saamu hatukala dihika mukin'suni, nzala zi lutu zisadi bwingi mu bito bilutu mu mitsiiku mukusia na zi buta lufwa. ⁶ Buntwene mi tsiiku mi tusumbuka, saamu tufwa mu mitsiiku mi mitu kweteke mukusia na tu sala kisalu mu mpeve yi mpa, keku mu mpeve yi nkulu. ⁷ Bwetu hoya? mi tsiiku mia disumu mu miawene? Lo! na hakaloko mitsiiku, yi nka yaba moko ma masumu. Ata bizola-zola bi lutu inka zaya bioko na mitsiiku mi hoya bwoko: Kadiki bizola-zola. ⁸ Kasi masumu hadi mwene tubu ku nima di mitsiiku, di mbutidi bizola-zola bi piila ye piila. Saamu naheku mitsiiku, masumu phe makaloko. ⁹ Yikala zinga wukonda mitsiiku, kaasi buna mi kota mitsiiku, masumu ma kabukidi kuzinga phe me mfidi. ¹⁰ Mitsiiku mi tuzeye na mi nka ndatina luzingu, mana misa peka lufwa. ¹¹ Saamu ma masumu ha mamwene ntangu bunkete, ma mpukumuni minzila mitsiiku phe ma mpondisi. ¹² Bwabuna, mitsiiku mwene santu, masonga ye bunkete. ¹³ Nki piila kima kikie kibunkete kifweti nata lufwa saamu di mene? Lo keku kuna! mitsiiku, kasi masumu, mukusia madimonikisa na mene ma masumu munzila mamboti ma nete lufwa saamu di mene. Masalami bwabuna mukusia ne munzila mitsiiku masumu makuma makieleke hana ntandu. ¹⁴ Tuzeye na mitsiiku miene mpeve, mana mene yene ye lutu lu masumu. ba nteka mu kihika ki masumu. ¹⁵ Saamu yidi zayaku mu makieleka nki bi salaka. Saamu ma nzodi yisala yeka sala moko, ma yibusa kusala, ¹⁶ Mana na yisala mana nzodiku, ntambusi na mitsiiku mie mi bunkete. ¹⁷ Kinga keku mene yi sala mambu mana, kaasi disumu di dizingaka mukati di mene. ¹⁸ Saamu nzeye na mukati di mene, bi biene mu lutu lu mene, mungieku ata kima kikitoko. Saamu nzala kusala mamboti ye yawu, kasi yi kwe zodiku yisala. ¹⁹ Saamu mamboti mayi kwe zodi yi sala moko, yikwe sadi mambi mayi kwe zodiku. ²⁰ Lutala, na yisala mana nzodiku, keku mene tsadi mo, kasi masumu ma meka zinga mukati di mene. ²¹ Yi mona mukati di mene mitsiiku miami; na zodi yi sala mamboti, mambi mene kaka konsu ntangu ye mene. ²² Saamu yi yuka kiesi mu mambu matadidi mi tsiiku mi Nzaambi mu mbundu mene. ²³ Kaasi n'tsiiku hika weka yala mu bito bi lutu lumene bi bieka busa mitsiiku mi mpa buna yizayila, miaka nkumisa yaba muutu boloko mu mitsiiku mi masumu ma mene mu bito bilutu lumene. ²⁴ Muutu mpasi yaba mene! na mbikisa mu lutu lwalu lu baatu bafwa? ²⁵ Lukumu ku Nzaambi mu zina di Yezu Kristu Pfumuetu. Hakana, ndemvuki kwa ma mu mitsiiku mi Nzaambi buna mbwene. Hakana mun'suni mene, ye hika wu mitsiiku mi masumu.