¹ Nki tuhoya mana? tuzakala kaka mu masumu mukusia na lutondo lu Nzaambi lubasa? ² Lo Keku bwabuna! betu tu fwa kumasumu, nki piilatuzinga dihika mu masumu? ³ luyeboko na baakulu ba batoma mu Yezu kristu, ba botama phe mu lufwa lwandi? ⁴ Tukala baku zika ye yandi munzila mbotika lufwa. Mambu ma makumi, mukusia na buna kafutumuki Yezu mu hakati di zi mvumbi mu nkembu Nzaambi, betu phe, tukangala munzila luzingu lumpa. ⁵ Saamu na tukala kukimosi ye yandi munzila lufwa lu lufwanana ye lulu yandi, tukala phe kukimosi ye yandi mu lufutumuku lwandi. ⁶ Tuzeye na, muutu wunkulu wu kala mu kati betu ba n'koma hana kulunzi ye yandi, mukusia ne lutu lu masumu lufwa. Mambu ma makumimukusia ne tukadiku dihika bahika ba masumu. ⁷ Wuna wu fwa kumi muutu masonga kuntwala masumu. ⁸ Natu fwa ye Yezu, twe ye kiitu na tuzinga dihika ye yandi. ⁹ Tuzeye na kristu wufutumuka mukati di zimvumbi phe kasaloko kufwa dihika. Lufwa lufweneko dihika lusala kima yandi ata bu nke. ¹⁰ Saamu wu fwa, kikuma ki masumu kafwila mbaala mosi mukimakulu; Kasi keka zinga ye kikuma ki Nzaambi keka zingila. ¹¹ Piila mosi, lufweti dimonga bonso baatu bafwa ku masumu, phe yaba baatu ba zingaa kikuma Nzaambi munzila Yezu kristu. ¹² Luhaniku n'swa ku masumu mayala lutu lwaku lu lufwa mukusia na lu lemvukiku ku bizola-zola bi nzala lutu. ¹³ Bito bilutu lweno luhani bioku mukusala masumu bikuma yaba na bisalulu bi konda masonga. Kasi ludihana benwenu kwe Nzaambi bonso baatu bafwa ba bekene zinga buntwene. Phe luhana bito bilutu lweno yaba ne bisalulu bi masonga saamu di NZaambi. ¹⁴ Luzodiku masamu ma luyala, samu lweku mu ntangu mi tsiiku, kasi mu ntangu matondo ma Nzaambi. ¹⁵ Nki dihika? tufeti sala masumu saamu tweku muntangu mitsiiku, kasi mu ntangu matondo? Lo! ¹⁶ Luyebeku na ku muutu wu lweka dihana bonso bansadi yandi phe wu lufweti lemvikila, yandi wu lulemvukila? makieleka ma, lukala mu bisalu bi masumu bi binatisaka kulufwa, ho lo mu bisalu bi lemvo bibi nata ku masonga. ¹⁷ Lukumu ku Nzaambi! saamu lukala bahika ba masumu, kasi lu lemvuki mu nsi mbundu zeno mu mbandu zi malongi ma baluheka. ¹⁸ Ba luhulusa mu masumu ye balusadi bahika ba masonga. ¹⁹ Yekana hoya muki muutu saamu di kuzonga ku lutu lweno. Piila mosi, luhana bito bi lutu lweno yaba bahika ba bisalu bi mbi ye kukonda ku busantu, Buntwene, luhana bito bii lutu lweno bonso na bahika ba masonga ye ba santu. ²⁰ Saamu ha lukala bahika ba masumu, lukaloko ye bizitu kuntwala masonga. ²¹ Mu ntangu yayina, nki mbuma lu buti mu bima biabina bilu wila nsoni buntwene? Saamu mvutu bima bima yene lufwa. ²² Buntwene bu lukatuka ku masumu ye ludikumisa bahika ba Nzaambi, lukumi ba santu. Mvutu, yene luzingu lukonda tsuka. ²³ Saamu lufutu lu muutu masumu lwene lufwa, mana kabu di nkatu di Nzaambi, lwene luzingu lukonda tsuka mu Yezu Kristu Pfumuetu.