¹ nkiakina nzambi katutambusilaka kikuma kilukwikilu lweeto, phe ntaangu hi, beetu ntwene ye ngeemba ye yandi kikuma ki pfumueto yezu klistu. ² Sambu di lukwikilu lweto, wisa tunatina luzolo lumboti lu nzambi, luzolo luna twelwau ntangu yayi. ntweka mona kiesi samu tusha mbundu ne tumonga ndambu lukumu munakati di lukumu lu nzambi. ³ dihika, ntweka mona kiesi ata ntweka ziinga mumpasi, samu tuyebe ne, ho muutu kamona mpasi kayaba kukaanga mbundu. ⁴ ho muutu kakasa mdundu, kayaba phe kukala ye ngoolo ketebwe kekene mona pasi maana, na muutu kakala ye ngoolo kete bwe kekene mona pasi, kayaba phe kushia. ⁵ natushia kitu ntwekene dihunoko, samu nzambi kasidi luzolu ye mbuunduandi kwe beto mulusadisu lu mpeve yaandi yii katuheka. ⁶ Saamu hatukala ba zeba, Kristu wu fwa mu ntangu yi fwana kikuma ki masumu. ⁷ Saamu muutu mosi wu fwidi m ye mpasi zaakulu kikuma ki muutu masonga. Disongidila, muutu mosi wu nka meka kufwa saamu di mutu bunkete. ⁸ Kasi Nzaambi songidi lutondo lwandi kwe betu, saamu ntaangu yi tukala batu ba masumu, Kristu wufwa samu di betu. ⁹ Amana haka twene yekinunga buntwene na tu tambusami mu menga mandi, tu huluka muna nzila yandi Yezu ku nkaabu zi Nzaambi. ¹⁰ Saamu, na hatukala ba mbeni, lufwa lu mwanandi Yezu lutu kabusidi ngemba ye Nzaambi, bakwa kunima kukabusa ngemba, tukahuluka munzila luzingu lwandi. ¹¹ Ke bwabuna kaka, kasi betu tudukumisaka phe mu Nzaambi muzina di Pfumuetu Yezu Kristu mwe yandi tumongina kukabusa kinduku (ngeemba) ye Nzaambi. ¹² Saamu masumu ma kooti mu tsi munzila muutu mosi, hakana phe lufwa lukoti munzila masamu. Ye lufwa lu mwangani ku baatu baakulu mudiambu baatu baakulu basala masumu. ¹³ Saamu, tii kumisa lubuka mitsiiku masumu makala mu tsi, ba fweneko bakutangila disumu na heku ye mitsiiku. ¹⁴ Ata bwabuna, lufwa lu yandiki tuka Adamu ye kuna Moyize, kete kwe bana bakonda sala masumu maku konda ku lemvuka bonso Adamu, yandi kene kifwanusu ki muutu wu nkakwisa. ¹⁵ Tii ye bubuntwene, kabu di nkatu dieku yaba na ndinga zi mbi. Saamu, munzila di sumu di mutu mosi baatu bingi bafwa, mbala kwa mamboti ma Nzaambi ye kabu di motondu di muutu mosi, Yezu Kristu di ntembukidi kwe baakulu. ¹⁶ Saamu kabu dieku yeba mvutu yi muutu wu nete disumu. Saamu, Kunaku hika, nzengolo n'kanu wukibela yituka munzila masumu ma muutu mosi; kasi, kabu di nkatu di dibuta kutambusama di kwisakunima masumu miingi. ¹⁷ Saamu, na mu ndinga zi masumu ma muutu, lufwa luyadi lwabene, amana nkiki teso ba mongaka kunembukila ku matondu ye kabu di masonga bifwene bi yala munzila luzingu lu muutu mosi, Yezu Kristu. ¹⁸ Bwabuna, munzila masumu baatu bakulu ba bazengila n'kanu kibela, piila mosi, munzila masonga kutambusama ku koti mu luzingu lubatu baakulu. ¹⁹ Saamu, muku konda kulemvuka ku muutu mosi, baatu baakulu bakuma bakwa masumu, piila mosi phe muku lemvuka ku muutu mosi, baatu baakulu ba batambusa. ²⁰ Kaasi, n'tsiku wulubuka mukusia ne masumu ma baasa. Mana hana habasa masumu, lutondo lu Nzaambi phe lubese dihika bwingi. ²¹ Mambu mamakumi saamu masumu ma yala mu lufwa, lutondo lu Nzambi phe luyala mu masonga samu di luzingu lukonda tsuka munzila Yezu Pfumuetu.