¹ Bwe n'tuhoya disonga ne Abalami n'kaketo wu ntama? Nki kamongi ? ² Samu ne Abalami ban'tambusa Samu di bisalu bi mboti, bufwene mboti kadigheka lukumu ,Mana keko ku n'twa la Nzambi. ³ Mû bwabuna nki basonika ? Abalami wukwikila mû Nzambi, bwabuna bu ban'tombula mû masonga. " ⁴ Buntwene, kuwuna wekene sala, lufutu batanga lwoko bwoso kabu dikugheka ,Kasi bwoso kima kibafweti sala ku mutu wu sadiku kisalu ki bunkete, ⁵ bwene bunkete kakwikila mû wuna sambisa peve zimbi, lukwikilu lwandi lutangama mû masonga. ⁶ Davidi kahoyi dighika masakumuni ma mutu yakala wu kazengidi nzambi masonga makonda kisalu mû kuhoya ne. ⁷ "Kiese ku batu ba bakwa lukabu luhebuka babaloluka ye baghika masumu mabawu Nzambi finingi mo. ⁸ Kasakumuka mutu wu mfunu kan'tangidiku disumu.", ⁹ Masakumuni ma mana mène samu dibawu babakota nkanda gho dighika babakonda kota n'kanda ? Samu n'tuhoya ne "Abalami lukwikilu luzengila masonga." ¹⁰ Bwe pe mana lum'onisisa? Ghakala Abalami wu kuyotisa gho Ghakala n'sutu ? Kakala ntete ban'yotisieku,n'sutu. ¹¹ Abalami mongi kidimbu ki kuyotisa bwoso kinieminu ki masonga ma lukwikilu kikamonga kele ntama tuka buna kakala n'sutu Mukusia ne kakala tata wu batubakulu babakwikila mû Nzambi, pe batu bakatambusa Nzambi kete buna bene bakonda kuyotisa, ¹² Yandi kene pe tata wu batu ba bayotisa,Kasi Samu babalanda mbandu yi lukwikilu lu tata Abalami kakala lwawu,gha kakala ntete ban'yotisieku. ¹³ Nzambi ghakana kilasi ku Abalami ye batu bandi babutuka mû kanda diyandi ne. nsi n'toto yakulu yikala yi bawu .kilasi kiene, Nzambi kaghanina kioko ne Samu Abalami kayandiki minsiku, Kasi Nzambi kaghanina kio kikuma kanz'odiki Abalami Samu di lukwikilu lwandi. ¹⁴ Batu balandi minsiku ne bawu n'kutu bafweti monga mambu mana kasila Nzambi. ¹⁵ Mutu wuna ghondi minsiku Nzambi kan'kula nkabu, Kasi ne beko minsiku, pila gheko Mukusia na batu Bakulu bakulu bakululaka mio. ¹⁶ Ghakana batu kikuma ki lukwikilu lubawu Nzambi wubagheka kilasi Mukusia ne makala Samu di batu Bakulu bana babutuka mû kanda di Abalami, dieko Samu di batu Babalandaku minsiku, Kasi bwene pe Samu di batu ba bene ye lukwikilu bwoso kakala lwawu Abalami. Abalami kene tata wu beto kulu. ¹⁷ Bwoso basonika mû n'kanda Nzambi ne " yiku sola mukukala tata wu makanda mingi,ma batu" Abalami kene tata wu beto kulu ku n'twa la Nzambi wukasila mbundu, Nzambi wutelemisaka batu ku lufwa, pe wusala bima bina badieku kele. ¹⁸ Abalami kakala ye lukwikilu mû kimutu kiandi, mukalako ye pila yi kusia mbundu, Mana kasidi kaka mbundu kiakina kakitukila, tata wu makanda mingi ma batu. Bwoso basonika mû n'kanda Nzambi ne batu banà babutuka mû kikanda kingeyi, bakala bingi . ¹⁹ Abalami kakala ye mvula kiteso kinkama mosi, Mana kayambuloko mû kukwikila, Ntangu yi kayindudi n'a ntangu yi kufwa yikumi belebele, pe kayindudi n'a Sala kafweneko kabuta dighika bana. ²⁰ Abalami kakatuloko lukwikilu lwandi pe kakaloko ye mbundu zole Samu di kilasi ki kan'sidi Nzambi, Kasi lukwikilu lwandi lun'yiki ngolo, pe kan'ghele Nzambi lukumu. ²¹ kasidi mbundu mukieleka ne Nzambi fwene kusala mambu mana, kan'ghele kilasi. ²² Ghakana Nzambi kan'zodidiki Abalami, kikuma ki lukwikilu lwandi. ²³ Kasi mambu mana Nzambi wuzola mo basonika bwoko kikuma ki yandi n'kutu. ²⁴ Basonika bwe pe Mudiambu di batu Bakulu bakatambusa . ²⁵ Nzambi wun'ghana ku moko ma bambeni ban'ghonda Samu di masumu ma beto, Kasi yandiene wuntelemisa ku lufwa Mukusia ne yandi Nzambi katutambusa.