¹ Ba telami baakulu, pe ba'neete Yezu ku ntwala Pilatu. ² ba yandiki ku n'funda, ba samunaka: « Ntwe n'wana mutu wandu muku balula mitsiku mi n'toto beto, keka kwe busidi mpaku zi bikolo yi sezadi, pe keka kwe hoyi yandiene ne kene klistu, ntotila.» ³ Pilatu n'ghiudi, mu ma hoya maama: «Wene ntotila wu ba jwifi ?» Yezu n'kabusidi mvutu: «Hoyi bwo.» ⁴ Pilatu hoyi ku ba nganga ba mitsiku ye ku kibuka ki baatu : « Yeeka monoko mbi mosi mukati di mutu wandu.» ⁵ Mana ba n'dindiki ye ba hoyaka:« Keeka luukisa n'kangu, mu kwe longi mukati di hâta di Yude dibakulu, tuuka Galileya, ku kayandikidiiki, tii ye kwakuna.» ⁶ Mu ntangu kawidi bwa buna Pilatu, hiudi ne mutu wene kakala mushi Galileya. ⁷ Mukuwa ne kakala kikanda ki Erodi, n'kabusi kwe Elodi, kakala yandi pe mu hata di Yeluzalemi mu bilumbu bia-bina. ⁸ Elodi mu ntangu ka'mwene Yezu, kawidi bwo kiesi kiingi, mukutala tuka kiana, kakala ye m'funu ku'mona, kikuma ki mambu makawidi ba hoyiiki mudiaambu di yandi, pe kasidii kiitu ka'mona mukusala mwa bimpa. ⁹ Ka hiudi zi ngiufu ziingi, mana Yezu kan'heleko kete mvutu. ¹⁰ Ba nganga Nzambi ba mitsiku ye ba siklibi bakala hakana, pe bam'fundiki ye tsiita. ¹¹ Elodi, ye ba mpumbulu bandi, bayandiki kun'tukuna pe, kunima di kun'seya pe bam'vwatisi n'lele wuna wu ngengaka bwingi, ba n'kabusi kwe Pilatu. ¹² Elodi ye Pilatu bakumi ba nduku, kilumbu kiakina kaka,(ntete, bakala ba mbeni). ¹³ Pilatu, kutikisiki ba ntwadisi, ba zuzi, ye n'kangu, ¹⁴ pe ka ba samunaka: « Luisa n'datinaka mutu waandu neti 'natisi n'kangu muku telamina mitsiku. Ye lutala, yi n'hiudi ha ntwala benweno, pe yin'kweteko ye mbi mosi mu maakulu ma lukwe n'fundidi. ¹⁵ Elodi pe kiteso kimosi bwoso mene, ka mweneko mambi ma yandi muku songa ne ntu n'zengila n'kanu lufwa. ¹⁶ Bwana, yi n'heka ndola pe yi n'yambudila.» ¹⁷ ( pe pilatu, ka fweti yambudila mutu boloko mosi wu ba jwifi mudiambu di n'kinzi mampa). ¹⁸ Mani ba yamuki baakulu mu kimvuka: « N'katula mutu wandu ha ntwala beetu, pe ntu yambudila Balabasi. » ¹⁹ Balabasi kakala mutu wu ba sidi ku boloko mu diambu kakala n'hondi ba kweno pe pfumu ki buka kimbi. ²⁰ Pilatu kaba kamba dikala, mu ngindu yi ku yambudila Yezu. ²¹ Pe ba yamuki mukimvuka: «Lu n'koma ha kulunzi, lu n'koma ha kulunzi!» ²² Ka ba samunaka mu mbala yi tatu: «Nki mbi kasadi? Mbweneko mbi mosi mukati di yandi yi fwene yi'nata ku lufwa. Yin'yambudila se kunima ku n'heka ndola.» ²³ Mani ba diindami kaka mu ndinga ngolo, yeku lombaka na ba n'koma ku kulunzi. Pe zi ndinga zi bawu zi 'neete zingindu. ²⁴ Pilatu baki lukanu ne mambu mana bakala lombaka masalama. ²⁵ N'yambudidi wuna ba kwete mudiambu di batu ba ka hondi ye mbuta kibuka ki batu ba mbi kakala, yandi ba loombi ka yambudila. pe n'hene Yezu mu luzola lu bawu. ²⁶ Samu ban'zodiiki, ban'hele ngolo zi Simoni mosi wu Sileni, wu tuki ku masola, phe ban'sidi ha kulunzi samu kanata ha nima di Yezu. ²⁷ Kibuka kiingi kiyenda n'landi bakala ba vukaniiki ye ba mbuta ba n'kangu ye ba ba kheto ba bayenda di budi ha thulu phe bayenda diyangisi samu di yandi. ²⁸ Yezu baludimeso kwe bawu phe kahoyaka: «Bakheto ba Yeluzalemi, ludidiku samu di mene, mana lu dila samu di benweno ye bâna beno. ²⁹ Mukutala, lutala bilumbu bieka kwisa bi ba hoya: 'Kiesi kwe batu ba bene ba khobo, kiesi kwe batu bakôndi buta mwana ye ba bakôndi yemika!' ³⁰ Mbala mosi ba yandika ku hoya kwe miongo: 'Lubwa ha thandu beto!' Ye kwe bimongo-mongo: Lu thusweka!" ³¹ Mukutala, na n'ti tse ban'sadi buna, khi bin'kumina na n'ti yumuka?» ³² Ba yenda nati phe biifi bola ba bafweti honda ye yandi. ³³ Muthangu yi bakumi ha kizika ki ba telaaka «tadi di Golgota», ban'komi ha kulunzi hakana ye biifi bôla, mosi ku koko di kitata, wuna wu hika ku koko di kimama. ³⁴ [Yezu hoyi: «Tâta, balolu, samu beeka zayoko mambu ma beeka sala.»] Bakani milele mi yandi ye kwe nwanini. ³⁵ N'kangu wukala hakana ye katadiiki. Ba zusi ba wene ba n'seyiiki yezu [ye bawu] ye kuhoyaka: «kaba hulusiiku ba hika; kadihulusa yandiene, na kene mesiya wu kasodi nzambi!» ³⁶ Baphumbulu phe bakala n'seyaka, baphusani samu di kun'heka malafu mankhadi ³⁷ mukati di kuhoya:« na wene thotila wu ba yuda, di hulusa ngeyene!» ³⁸ Hakala hanthandu yandin'tsiku wanduna [wuku sonika mu ndinga geleki,latini ye mu ki hebelo ]:ù«wandu kene nthotila wuba yuda.» ³⁹ Mosi mukati di bifi wu bambiki ye yandi kakala n'tukunaaka ye kuhoyaka:«Na wene Mesiya, di hulusa ngeyene, phe beto ye ngeyi!» ⁴⁰ Mana wuna wu hika kakala n'nganinaka ye ku hoyaka:« weko kete kubanga ku mosi samu di beto, diene kwandi ku zenga ku masonga, ⁴¹ samu thu yambaka mana ma fwene mu bisalu bieto, mana wandu kasadiku ata dimbi di mosi.» ⁴² Phe ka hoyaka kwe yezu!«[pfumu,] ngiubuka mene ha kwisa yaala monga lukumu.» ⁴³ Yezu n'kabusidi mvutu:«yeka kusamuna mu masonga, lelo kala ye mene mukati di loola.» ⁴⁴ Dikala dikumiki thangu yi kati kati di mwini,phe zi phiba zi koti mu zi tsi zaakulu tii ye kuna thangu tatu ye ku nima mwini. ⁴⁵ Tangu di sidi phiba ye bisweku(fikidi) bi thangu bi yatuki ha kati kati. ⁴⁶ Yezu yamuki ye ndinga ngolo: «Taata, nkabudi pheve mene ha moko ma ngeyi.» Kunima dikuhoya mahoya mamana, tabudi moya. ⁴⁷ Mukumona mana makumi, phumbulu wu tsi Loma kabusi n'kembu kwe Nzambi mukuhoyaka: Thambushi mutu wandu ka keleeke mutu masonga.» ⁴⁸ kunima di kumona mambu mana makumi, baakulu bakala talaaka mu kibuka diambu dina disalamiiki phe bakabuki ye kwe di budi thulu. ⁴⁹ Baakulu ba ban'yebe Yezu, ye mu kingenga bakheto ba bayenda n'twadi tuuka Galileya, bakala baseleeke ku kiana phe ba tadiiki mambu ma mahiokiki. ⁵⁰ Hakala ye mutu mosi wu Sanayedelin muzina di Yozefu; mutu mboti ye mutu masonga, ⁵¹ kadikoti siiku ku lukanu phe ye ku bisalu bi bakweno. Kakala mutu wu Adimaté, mavulu ma ba Zwifi, phe kahingidiiki yandi phe kipfumu ki nzambi. ⁵² Kayenda mona Pilatu phe lombi mvumbi Yezu. ⁵³ Tuludi yo mu kulunzi, vungi yo mu kimbunda kiphembe phe tuludi yo mu maziamu ma mosi ba tûnga ye tadi, maziamu mana ba konda sia kete mutu. ⁵⁴ Kikala kilumbu ki ba yilaminiiki bisambu, kilumbu ki bisambu ki kha yandika. ⁵⁵ Bakheto ba batuki ku Galileya ye Yezu ben'sisa Yozefu. Ba mwene maziamu ye phila yi ba tuludi mvumbi Yezu. ⁵⁶ Diaka bakabuki phe ba yidiki bilûmbu ye mananashi. Kilumbu ki lumingu ba phemi, bwoso ba sonika mu mitsiku.