¹ Kilumbu kintete ki phosa, ba kheto beele ku maziamu ye kibungi-kibungi, ye mafuta ma tsudi ba yidiki. ² Ba mwene tadi ba dindumuniki dio ku thwala maziamu. ³ Ha ba koti, ba mweneko luutu lu Pfumu Yezu. ⁴ Bakheto batsutsumuki, bamwene bayakala boola batelemiiki mu khala mwelo ye milele mi pha. ⁵ Samu bakheto booma bukala bu bakweteke, bahene mboti yi kukunda kilunzi mu mafu, bahiudi: "khi kikuma lu kwee dingidi mutu wene mu luzingu ha kati di bafwa"? ⁶ Kee mwoko dihika, futumukii, lu yibuka bwe ka lukamba, thangu lukala ku Galileya, ⁷ ka hoyaka: "Mwana mutu ba n'kaba ku moko ma batsumuki, ba n'koma ha kulunzi, mu kilumbu kitatu ka futumuka". ⁸ Banketo ba yibuki bwo, bakabuki. ⁹ Beele, bahoyi tsangu zaazizi kwe bathumwa kumi ye mosi ye kwe bana bahika. ¹⁰ Bakheto ba bahoyi bwo hakala: Madiya mangandala, Zani, Madiya ngudi Izaki ye bakheto bahika ba bakala bawu. ¹¹ Bathumu ha bawidi tsangu zeene bamongi zô yaaba ne zi butufi phe ba kwikiloko ma bahoya bakheto. ¹² Piele telemi phe leki thinu ku maziamu, fokami phe tadi, mwene yandiene milele mi matekita, Piele kabuki ku nzo'andi, muna kwee dihiudi mambu ma mahioki. ¹³ Mu kilumbu kiene, boola ha kati di bawu beele ku hata di Emawusu, di diene mu kiteso ki makumi sambanu ki kitamina ki mavula ma Yeluzalemi. ¹⁴ Beeka kwe hoyasani bawu ye bawu mambu ma mahioki. ¹⁵ Mu thangu yi ba dindamiki phe ba dihiudiki, Yezu yandiene wisa monika phe beele bawu nzila mosi. ¹⁶ Mana meso ma bawu makasami beeka kwe n'yabiku. ¹⁷ Yezu bahiudi: "Khi mambu ma lukwe hoyi beno boola hana lukotikidii kwenda?" Bahweni ye kiadi. ¹⁸ Mosi hakati di bawu, zina diandi Keleyopasi, kabusi mvutu: "Yandi ngeyi n'kutu mukati di mbanza Yeluzalemi weka yaboko mambu ma meeka hoyama bilumbu biabibi?" ¹⁹ "Khi mambu?" Ka bahiulaka Yezu. Ban'kabusidi: "Mambu ma Yezu musi hata di Nazaleti", wuna wukala mbikudi mu bisalu ye mu kuhoya ku meso ma Nzambi ye makanda maakulu, ²⁰ ye khi phila ba mbuta ba Nganga Nzambi ye ba pfumu beeto ba luyalu, ba n'teki mu ku n'zengila n'kanu lufwa phe ba n'koma ha kulunzi. ²¹ Ntwekasia mbundu ne bukala yandi fweti hulusa Izalayele. Eh! Ntwekene kilumbu kitatu tuuka ma hioki mambu mâ. ²² Bakheto ba mosi hakati di beeto, bathu yitukisi, beele ku maziamu ye kibungi-kibungi. ²³ Ha bamweneko mvumbi, bisa hoya ne ba wanzio ba balubukidiiki phe ba basamuni ne Yezu kene mu luzingu. ²⁴ Bahika thu kele bawu beele ku maziamu, ba mwene mambu bwoso bahoyiba kheto. Mana ba m'mweneko dihika." ²⁵ Mana Yezu ka bakambaka: "Oh! Batu bakonda ngangu, phe mbundu zi bawu zene zi malembi mu kukwikila mambu ma bahoya ba mbikudi! ²⁶ Bufweneko Kidisito ka mona phasi kikuma ki mambu maama phe kakota mu n'khembo'andi?" ²⁷ Yandika Moyize ye kuna ba mbikudi baakulu, batendudidi masonama ma santu maakulu mana ma batadidi. ²⁸ Ha balubuki ku fula di hata, ba hunikisi yabaa ne ka kwenda ku ma hata ma kiana. ²⁹ Ba lundikisi phe ba n'kambi: "Thu nimba tangu di hioki,kuma kuyidi." Ba nimbi bawu. ³⁰ Ha bakoti ha meesa ye bawu, mongi dipha phe hene matondo, bukuni dio phe ba hele. ³¹ Hakana meso ma bawu makanguki phe ba n'yebe na Yezu wandu, mana muna thangu yene ladi. ³² Bahiulasani: "Bwe zi kondi thu budila zimbundu ha kakele kwe thu hoyisi mu nzila ye kwe thu tendudidi masonama. ³³ Muna thangu yayina buna basikami, bakabuki ku Yeluzalemi, ba bamwene bâ kumi ye mosi, ye ba hika ba basambidi bawu, ³⁴ bakambi: "Pfumu futumikii mu masonga phe ka n'lubukidi Simoni. ³⁵ " Bateele phandi mambu mana mabwidiki mu nzila, ye bwe Yezu kabayubudi kimutu ki'andi ha ka bukuni dipha. ³⁶ Ha bahoyi mambu meene, yandiene Yezu ba lubukidi hakati phe hoyi: "Ngemba yi kala ye beno! " ³⁷ Ba baasa ye booma, yaaba ne bamwene tebu(m'fu). ³⁸ Yezu ba kambi: "khi lu phulukidi mbundu, ye khi lweka di hiudila mu tsi zimbundu zeeno? ³⁹ Lutala moko ye malu maama, mene wandu mu masonga. lutsimba ye luthala. Pheve yi kalaaku kete kikudi, lumbona bwoso yene." ⁴⁰ Buna kahoyi bwabuna, ba songidi moko ye bitambi bi'andi. ⁴¹ Thangu yi bakala dihika batu ba konda lu kwikilu ye kiesi bayituki, yezu bakambi: "Lwene ye kiima ki kudiaa?" ⁴² balubudi mbisi mamba yi kufuta. ⁴³ Yezu mongi yô, diidi ha meso ma bawu. ⁴⁴ Ka bakambaka: "Khiakina yi lukambidi, thangu thu kala yeeno, yi lukamba ne maakulu ma basonika samu di mene mu n'kanda Moyize, ba mbikudi ye mu mikunga mi Dawidi ma fweti lungisama." ⁴⁵ Bakangudi ki m'pheve mukusonga bayaaba masonama ma santu. ⁴⁶ Bakambi: "khiakina busonama ne kidisitu ka fweti mona phasi, phe kafutumuka ku bafwa mu bilumbu bitatu. ⁴⁷ Kubalula mbundu ye ndolula yi masumu ba longa yo mu zina di yandi mu zitsi zaakulu, yandika ku Yeluzalemi. ⁴⁸ Lwene ba mbangi ba bima biabi. ⁴⁹ Tala, yi hitika ha thandu beno bima bina kaluhele kilasi tata'ma. Mana beno, luzakala kuna mbanza tiii ye kuna luyamba pheve yituuka ku zilu." ⁵⁰ Yezu ba neete ye kuna Betani. buna ba thuti moko, basambudi. ⁵¹ Ka mongi buna kabasakumuni, basisi phe tombuki ku Zilu. ⁵² Buna bamanisi ku fukama, bakabuki ku Yeluzalemi ye kiesi kiingi. ⁵³ Bazakadi kaka muna kati di nzo bisambu, ye kuyimbilaka mikunga mi n'kembo ye mi kusakumuna Nzambi.