¹ Feti dimapa makonda vinu dikumiyenana belebele dibatelaka Paki. ² Bamfumu batambiki bimenga ye babamitsiku badingiki pila yi kan'ghondisa Yezu, Kasi babangiki batu. ³ Satana kamongi koti mû mbundu Yudasi, mosi wu ban'longuki ghakati di kumiyebiole. ⁴ Yudasi kamongi wele we kasa mfundu ye bamfumu babadingiki ban'ghonda, Mukusia kabasongila buna bafwene ban'kwata Yezu, ⁵ Bakala ye kiesi kingi, bawisani ban'gheka mbongo. ⁶ Bayukani buna bafwene ban'kwata, batu bazayiku. ⁷ Kilumbu kifeti di mapa makonda vinu kifwene, kibatambika dimene di Paki. ⁸ Yezu kabatumi Piele ye Za ne, " Lwenda luyidikaku madia matudila feti di Paki. " ⁹ Bawu banghiula " kwe zodi ntwe yidikila mo ?" ¹⁰ Kabakamba, lwenda hana lukuma mû kukota mû mavula, lumona mutu mosi kala ye n'londo mamba hakoko,lun'landa ti muna nzo yina kakota. ¹¹ Mana hana lukota mû nzo,,lun'kamba n'kwa nzo " Mfumu katukambi wutusongila. suku diyandi ti kifulu ki kadila n'kinzi Paki ti ban'longuki bandi ? ". ¹² Basongidi suku dimosi dimbuta mbuta kuna zulu, dikitoko.Kwakuna luyidikila kifulu ki kudila feti. ¹³ Bamongi bele,bawene bima bwoso Kahoyi yandi. Bayiidiki bima bikudia bi Paki. ¹⁴ Ntangu ha yifwene, zakadi ti ban'longuki bandi. ¹⁵ Kabakamba ne, " NZodi yidia madia mamama ye beno buna ndumbudieku bulu. ¹⁶ Mudiambu, yilukambi mama madia mamene ma tsuka, yidia moko diaka ti kuna kikwisa kimfumu kipa kimazulu." ¹⁷ Kunima Yezu mongi mbungu, kabusi matondo ye hoyi ne, " lumonga ye ludia beno kulu. ¹⁸ Mudiambu yilukambi, yinwoko diaka malafu ma vinu ti kuna kikwisa kimfumu kipa kimazulu." ¹⁹ Kunima mongi dipa, bukuni dio kabusi matondo ye hoyi, " lwalu lutu lumene lulwele mukikuma kibeno. lukamba sala bwo mukungindula mene. ²⁰ Kumosi,kunima kudia kumasika,mongi mbungu, kahoyaka, " Mbungu yayi yene lumani lumene lu menga mamatiakani Samu dibeno. " ²¹ Kasi lukeba, wuntekamene kene hakati di mesa mamama n'twene. ²² Samu mwana mutu kakwenda bwoso bahoyila bwo. Kasi kiadi ku mutu wu n'teka mène, ²³ Bayandiki ku dihiula babene na wanduna fwene kasala bwabuna ? ²⁴ Pe Bayandiki kudindama bawu ye bawu n'a hakati dibawu bamonaka mbuta. ²⁵ Kabakamba, " Bamfumu babapani balumaka bwingi, mana ,babene Bamfumu babawu babatela Bamfumu balukumu. ²⁶ Kasi bukalako bwabuna Mudiambu dibeno, Samu mbuta hakati dibeno kakuma wunkeke, wu wene mfumu kakuma yabana mwana kisalu. ²⁷ Mudiambu na weene mbuta, ye wuna wene ha mesa,ye wu weke n'gheka ( n'lambila) ? Mana yene hakati dibeno bwoso Wuna weke lusadila. ²⁸ Kasi beno balukele ye mène mutangu pasi zaakulu mû mitambu misatana. ²⁹ Yiluhele kimfumu ki kikanda bwoso kapeka kio tata. ³⁰ Mukusia ne ludia pe lunwa ha mesa mamene mû Kimfumu kimene, luzakala ha biti biluyalu ha lubamba sambisila makanda ma kumiyebola ma Yisalayele. ³¹ Simonie, Simonie, Satana kaluvwa Mukusia na kaluyungudila bwoso bule. ³² Kasi nsambidi Mudiambu di ngeyi Mukusia na losiku lukwikilu. kunima wuusa kabuka,wukodisa pe bapangi baku. ³³ Piele kan'kambaka ne, " Mfumu, mène yikwenda ye ngeyi ata ku boloko ata ku lufwa. ". ³⁴ Yezu n'kabusidi ne," Piele, yikukambi,nkoko kakala kakokudieku lelo,ngeyi n'tuna mbala tatu ne nzeyeko mène." ³⁵ Kabakamba diaka, " ha yilutumi bakonda makuta ye zinkutu dikonda bima ye masabatu,lukondi kima? bakabusi ne lowu,ntukondiku kima." ³⁶ pe bakambi n'a, " Kasi buntwene yiluhele n'swa, wuna wene ti n'kutu ye mbongo,kamonga kenda. wuna kondi mbele poko kateka na n'lelandi kasumba yo. ³⁷ Samu yilukambi ne " Ma masonama muzina di mène mafweti salama." bamwene yabana kilawu. ³⁸ Bahoyaka ne, " Mfumu tala mbele Zola zi poko", kabakàmbaka, " zifwene." ³⁹ Kunima kudia,Yezu kakala ye kikalulu ki kwenda ku mongo wu balivi,pe ban'longuki bandi balandi. ⁴⁰ Habakumi bakambi," lusambaka Mukusia na lubwiku mû n'tambu Satana. " ⁴¹ Kunima, wele mwa kiana ye bawu, kiteso ki kitamina ki nkani, ye fukami,sambi,kahoyaka, ⁴² " Tata, Hô zodi,nkatula puu masumu, Kasi keko mû luzolo lumene, luzolo lwaku lusalama." ⁴³ Wanzio kuzulu wisi kulumuka mû kun'yika Kikesa. ⁴⁴ Yandi bwoso kakala lakanaka,kasambi ye boma bwakulu,lutu lwakulu luntoki bwoso mantosi ma menga hana nsi'. ⁴⁵ Hakamanisi kusambila,kabuki kuna bakala ban'longuki bandi, bawene banimbiki kikuma ki kiadi kibawu ⁴⁶ ye bahiudi diaka ne, nki lweke nimbina? luvumbuka holo lubwa mû n'tambu Satana. " ⁴⁷ Buna kahoyi diaka, kibuka kibatu kisi ye Yudasi, mosi wu ban'longuki wuwuneteke nkuki belebele ye Yezu, pe n'yambi. ⁴⁸ Yezu kan'hiulaka, Yudasi,mû lun'kamba wufweti n'tekila mwana mutu ? ⁴⁹ Babakala belebele ye Yezu habamwene buna, Bahoyaka," Mfumu, ntubula ye mbele poko ? ". ⁵⁰ Ye mosi wu bawu zengi kutu dikitata di n'sadi Mfumu batambiki. ⁵¹ Yezu hoyi," Bufwene " ye mongi kutu di mutu wene, kabusi dio,dikodi pe. ⁵² Yezu hoyi ku Bamfumu ba batambiki ye ku Bamfumu ba mabundu ye bambuta bana bisa Bawu ne, " lweke kwisa yabana bana bele kwe podi. mwifi,kingumba, ye zimbele,ye bitini bi miti. ⁵³ Hayikala ti beno Ntangu zaakulu mû Nzonzambi, lun'kweteko,Kasi yayi ntangweno yi mayele makupiba." ⁵⁴ Haban'kwete,ban'ete ku nzo mbuta batambiki, Kasi Piele Kaye balandi mû Kiana. ⁵⁵ Kunima basidi mbawu Mudiambu di kuyetila kuna nganda,bazakadiki, yandi Piele pe kazakadi ye bawu. ⁵⁶ N'sadi mosi wu n'keto wukala belebele ye mbawu, kamwene Piele, n'singitini meso,kahoyaka ne, " Mutu wandu kakele ye yandi. ". ⁵⁷ Piele kahoyaka ne, mama,mène yin'zeyeko.". ⁵⁸ wughika wisi diaka, kahoyaka ne," ngeyi pe wene mosi wu bawu " yandi kabusi ne,lowu,Keko mène. ⁵⁹ Kunima kiteso ki Ntangu mosi, mutu mosi wukala hakana, kahoyaka ne, " Mutu wandu mwisi Galileo, kakele ye yandi. " ⁶⁰ Piele hoyi ne, " pangi, nzeyeko makulu Mana weke Hoya ngeyi, mène yin'zeyeko. Muna ntangu yene nkoko mbakala kokudi. ⁶¹ Yezu, muntangu yene,baludi kilunzi, n'tadi Piele. Piele Yandiki kuyindula makan'kambi na n'tuna mbala tatu hakakala nkoko mbakala kakokudieku. ". ⁶² Hakalubuki Piele kunzila kadidi bwingi. ⁶³ Batu baban'simbi Yezu bakala kwe n'tambisi bwingi ye kun'seya. ⁶⁴ Bam'finiki n'lele ku kilunzi, habam'bula,béké ng'hiula ne, yindulete na kubudi mbata . ⁶⁵ Bahoyi mambu mabuzoba mingi mû kun'sakanina. ⁶⁶ Kina kilandi,buna kunkiele kuma, bambuta bamin'siku muna bakadila Bakulu mû kimvuka,bavukani,Bayandiki kun'ghiula, ⁶⁷ Hô wene mwana Nzambi, ntukambete beto, Kasi yandi kabusi ne, ⁶⁸ Hô yikukamba lunkwikiloko, pe na yiluhiula mène beno,lunkabusiloko mvutu. ⁶⁹ Yandika buntwene, mwana mutu kakala wuzakala ku koko dikitata di kimfumu kipa kimazulu. ⁷⁰ Bakulu Bahoyaka ne disonga ngeyi wene mwana Nzambi ? Yezu kabusi, "Bwoso luhoyi,mène wanduwu.". ⁷¹ Bakulu ne, nki n'tifi lukwedingi?,betwetu n'tuwidi buna kahoyi mû nwandi.