¹ yezu, meso mandi makutombula kuzulu,mwene ba mvwama bana bakala sia makabu mu kitunga. ² mwene pe diaka m'fwidi, wu sidi mwa mafunda mola. ³ pe ka hoyaka: «mu mu masonga, yeka lusamuna, m'fwidi wandu kasidi kuhioka beno ba hika. ⁴ baaba bakulu, ba mongi bima bi ntandu-ntandu muku kumisa makabu. mana m'fuidi wandu, ka sidi muki ngolo kiandi, mafunda makulu maka kelee mawu mudiambu di kudila». ⁵ mudiambu ndambu mukati di bawu bakala hoyila tempelo, nki pila ba di teenda ye matadi ma bunkete pe ye makabu, pe ka hoyaka: ⁶ «mu bima bilueka mona, bilumbu bi kwisa, hankatu kuma kusala tadi ha ntandu tadi ne dikonda tiakana». ⁷ Ba n'hiudi mukimvuka: «n'longi, nki ntangu bima biana bikwisa? pe nki kikala kidimbu muntangu yi bi kwisa bima bina? ⁸ yezu hene mvutu: « luyilama mudiambu lu hunamika ku mimekanu mi mbi. mukutala ba nsadi bambi bingi bakwisa muzina di mene, ye kuhoya: "mene yezu, pe tangu di mpusani, lu ba landiku." ⁹ ntangu yina luwa beka hoyila mavita pe ye mambu mahika mambi, lukadiku ku boma, mukutala bima bina bi fweti kwisa ntete, mana nsuka yikaloko mbala mosi.» ¹⁰ Mana ka bakambaka: «n'toto mosi ka kwe nwanisa n'toto wu hika, pe hata di kimfumu ye n'kweno hata di ki mfumu. ¹¹ hakala ye kutekita ku mafu ku ngolo, pe, mu bizika bihika, zi nzala ye bi huku bi bibulu. kukala ye mambu mambi ma mpila ye mpila, pe ye bidimbu bi ngolo kuzilu. ¹² Mana, ku ntwala bima bina biakulu, ba lusia moko, ba lumonisa mpasi, ba luhana kumoko ma ba nganga nzambi, ba lusia kuboloko di pasi, ba lunata ku ntwala ba mfumu ba luyalu pe ku ntwala ba mfumu ba mitsiku mukikuma kizina di mene. ¹³ mambu mana ma luheka nzila yikutendudila n'kembo mene. ¹⁴ mudiambu dina lusiiku diaka mukati di zimbundu zi beno zi ngindu ziku zebisa kinwanini kibeno kuntwala ¹⁵ mudiambu yi luheka mahoya ma m'funu pe nduka zina zi sala na ba mbeni ba beno ba kukiku kusia kingolo kuntwala beno pe ku soba mambu mana luhoyi beno. ¹⁶ mana kukadi ba tata beno baluteka, kukadi ba mpangi beno, kukadi ba luzinga bawu to ba nduku beno, pe ba hondisa biingi mukati di beno. ¹⁷ ba lubusa kwe batu bakulu mudiambu di zina di mene. ¹⁸ mana hankatu lutsuki lun'twa beno lusaala muku lala. ¹⁹ muku hingila kweno, lu monga kinunga ki mioyi mi beno. ²⁰ Ntangu yina lumona yeluzalemi ba di zieti ku ba mpumbulu; luzaya na kubebisama ku diawu kwene belebele. ²¹ mana bana bakala ku hata di yude ba tiina mu miongo, bana bakala hakati di hata benda pe bana bakala muzinziunga bakotiku diaka. ²² mudiambu bikala bilumbu bi nkanda mudiambu dikulungisa makulu mana masonama. ²³ Mpasi ku ba nketo bana bakala ku bifundu pe ku bana ba kala mukuyemika mu bilumbu biabina! Mudiambu mukala ye kiadi kingi mu n'toto, pe ye nkabu mudiambu di batu ba n'toto wana. ²⁴ Ba bwa mu tsi meno ma mbeele mfumu, bakala kwe banati ba kwati mukati di mitoto miakulu pe yeluzalemi ba dikula ku makuulu kwene mimpakanu ti kuna yi lunga ntangu yi mimpakanu. ²⁵ Kukala ye bidimbu mukati di tangu, mukati di ngondi pe mukati di ba mbwetete. Pe ha nsi n'toto ha kala ye kubanga mukati di mitoto mina mi konda kima kikusala mu mankelele ma nzadi yimbuta pe ye mimpepe mingolo. ²⁶ Batu ba fwa mu kubanga ku kuhingila mambu mana mabwa ha nsi n'toto. Mukutala zi ngolo zi zulu zi bwa. ²⁷ Mana, ba'mona mwa mutu keka kwisa antandu matuti ye ngolo zi ki mpeve pe ye n'kembo wingi. ²⁸ mu ntangu yi biyandika kwisa bima bina, «luditelamisa pe lu telamisa mitwa mieno mudiambu ku kangulama ku beno kwene belebele». ²⁹ Yezu kabakambi kingana kimosi: « lutala n'ti wu butaka zimbuma mun'kinzi nsuka pe lutala miti miakulu. ³⁰ buna lumona ne zimbuma ziyandiki, luzaya mukumitala, ne n'kinzi nsuka kene belebele. ³¹ Mpila mosi, ntangu yina lumona bima biabi bitudi, luzaya ne kimfumu kimazulu kiene belebele. ³² Mu masonga yeka lusamuna, zimvula zazi zi hiokoku mukukonda kulungisama ku bima biabi. ³³ Zulu ye n'toto bihioka, mana ma hoya ma mene masaloko kuhioka. ³⁴ Ludiyiilamanaka mukati di benweno, muku banga ne zi mbundu zeeno zi basiku ye mambu mambi, ma binwi malafu pe mu kiadi ki luzingu Mukusonga ne kilumbu kiakina kiluyisidiku mu mpila yi kintulumukini, ³⁵ neti n'tambu. Mudiambu ka kwisila batu bakulu bana ba zingaka ha nsi n'toto. ³⁶ Lukengidilaka koso ntangu, lusambilaka mukusonga ne lumonga ngolo ziku tinina mu bima biakulu bina bikwisa, pe ntu monika ba kwikama ku ntwala mwana mutu. ³⁷ mu bwabuna, mu bilumbu bikakala longaka Yezu mu kati di tempelo, kanka kwe niimba ku mongo wu ba telaka odiviewu. ³⁸ Batu bakulu bayisiki mu nkatika kibungi kwene yandi mudiambu di ku'wa.