¹ Kimosi mukati di bilumbu bina, bwoso Yezu kayenda longi n'kangu mukati di tempelo (nzo Nzambi) pe ka yenda mwangi tsangu zi mboti, mani ba mbuta ba banganga Nzambi ba mitsiku ye ba soniki mi tsiku, ye ba mbuta ba dibundu, ban'yisidi, ² pe ba n'kambi: Ntu kaamba, ye n'swa na kwe sadidi mambu maama, holo na wanduna ku hele n'swa? ³ Bakabusidi: Yi lu hiula mene pe ngiufu mosi. ⁴ Lu nkamba, mbotika yowani yituka ku zilu, holo ku batu? ⁵ Mani ba yindudi bwabu bawu ye bawu: Ne ntu kabula: Ku zilu, ka hoya: Nki ki kuma lukondi kwikila mwe yandi? ⁶ Pe na ntu kabula: Ku batu, n'kangu wakulu ka ntu losila matadi, mû diambu kene wu ndima ne yowani kene n'bikudi(polofeti) ⁷ Mu bwabuna bakabusi mvutu ba zeyeko kuna katuka. ⁸ Pe Yezu ka ba kambaka: Mene mpe yi lu kamboko, mu nki n'swa yi kwe sadidi bima biabi. ⁹ Yandiki mbala mosi ku hoya ku ntwala n'kangu kingana kiaki: mutu mosi kuni sola di vinu, pe defisi dio ku baatu ba-sala bilanga bi vinu, mongi we zakala bilumbu Biingi ku tsi n'zenza. ¹⁰ Muntangu ba kukatula, tumi n'hika mosi ku bana basaala kusola di vinu mukusonga ne ba n'heka ndambu zi mbuma zi vinu. Ba sadi vinu ba mongi ba n'beti, pe ba n'kabusi moko ma nkatu. ¹¹ Tumi diaaka n'hika wu hika, ba n'beti, ba n'tukuni, ba n'kabusi moko ma nkatu. ¹² Tumi dihika wu-u tatu; ba n'lweki, pe ba n'kudi. ¹³ N'kwa sola di vinu di hiudi: Bwe yi fweti sala? Yi tuma mwan'ama wu yi zolaa bwiingi; Ngatu bakala samu di yandi ye luzitu. ¹⁴ Mana, basadi sola di vinu buna ba m'mwene, ba yindudi bawu ye bawu, phe ba hoyaaka: Lu tala wu-u saadila ki mvwama; Ntu n'honda, mukusonga ki mvwama ki kala ki beto. ¹⁵ Phe ba n'hondi ye ba n'losi ku nima sola di vinu. Bu ntwene, nki ka ba sala n'kwa sola di vinu? ¹⁶ Ka kwisa, kaba hoonda basadi viinu, Phe ka defisa sola di viinu ku baatu ba hika. Buna ba wiidi bwabuna, ba hoyi: Kwe Nzambi bu kala kiesi! ¹⁷ Mana, baandi meso kwee bawu, Yezu kahoyaa: nki disongidila di maambu ma ba sonika: « Tadi diadi di ba losa batungi zi nzo di kuma m'pfunu wiingi? ¹⁸ Woso wuna bwa ha ntandu tadi diaadi katoluka, Phe wuna di bwila kasanzakana. ¹⁹ Ba mbuta ba banganga Nzambi ba mitsiku ye ba soniki mitsiku ba dingi ba n'kwata mu tangu dia dina, mana ba bangi n'kangu. Ba yaaba na Yezu ka hoyidi kingana kina baawu. ²⁰ Ba yandiki ku n'longuka Yezu ; Phe ba n'hitikidi baatu ba badihuniiki ha meso ma baatu na bene batu ba masonga mu ku n'leka mitambu mi ku n'kwata makana, mukusia na ba n'hana kwe ba zusi ye kwe ba ki ziunga. ²¹ Batu banà ba n'hiudi ngiufu: N'longi, ntu yebe na hoyaa phe longaa makiedika, phe talaaku phila kene mutu, mana longaka nzila Nzambi mu mpila yi masoonga. ²² Bu fwene kwe beeto, holo bu fweneko, ntu futa mpaku kwe ntotila sezadi? ²³ Yezu, zeye phe mwene mayele ma bawu , ba kabusidi mvutu : Lu tsongila dikuta di mosi. ²⁴ Ki lunzi kiaki ye zina diadi ha ntandu ki na? ki sezadi, ba n'kabusidi mvutu. ²⁵ Mana ka ba samunaka: lu hana kwe sezadi bina biene bi sezadi, phe kwe Nzambi bina biene kwe Nzambi. ²⁶ Ba mweneko diambu di ku n'kebisila mu ma hoya ma yaandi ha ntwala n'kangu ; mana, mu ngituka yi mvutu kaba heele, ba dibatiki. ²⁷ Ndambu mukati di ba sadisayene, ba ba hoyaaka na ku kalaku ye lufutumuku, ba phusani phe ba n'hiulaka Yezu ngiufu yayi: ²⁸ N'longi, tala ma ka ntu sila Moyize ntu landaaka: na phangi mosi wu yakala fiidi, ye n'keto kakala, mana ba butiku kete mwana, mpangi'andi wu yakala wuna sala n'kwela n'nketo, phe kabuta bana ka nka buta mpiangiangi ²⁹ Mu kutala, hakala ye ba mpangi ba ba yakala tsambwadi. Wu-ntete kwedi, phe fidi kete mwana kabutiku. ³⁰ Wu zola ye wu tatu ba kwedi m'fwidi; ³¹ Bu salami mpila mosi kwe ba tsambwadi, ba fwidi kete mwana ba sisoko kete mwana. ³² Ku tsuka n'nketo fwidi phe. ³³ Mu lufutumuku, na mukati di bawu kala n'kwa n'nketo? Mu ku tala ba tsambwadi ba n'kwedi. ³⁴ Yezu ba hele mvutu: Baana ba mvula zazi beeka moonga ba nketo ye ba yakala; ³⁵ Mana, bana ka mona ba fwene muku zinga luzingu lu mvula zina zi kwisa ye mu lufutumuku lu ba fwa ba ladisoko kete n'nketo kete yakala. ³⁶ Mu ku tala ba fwoko diaka, mu diambu ba fwaana ba wanzio, phe bakala baana ba Nzambi, mu ku kala bana ba lufutumuku. ³⁷ Na ba fwa ba futumuka, mambu maamana Moyize ka songidi mu tangu, mu mana ma tadidi dikunzi di mbawu, ka tela Nzambi na Nzambi wu Abalayami, wu Izaki, phe Nzambi wu Yakobo. ³⁸ Mu kutala, Nzambi keko Nzambi wu ba fwa, mana wu baatu ba moya; mu diambu kwe yaandi baakulu bene ba moya. ³⁹ Ndambu mu kati di ba soniki mitsiku, ba mongi ndinga, ba hoyaka: N'longi hoyi mboti. ⁴⁰ Phe ba mekiku diaka ku n'hiula ngiufu kaka. ⁴¹ Yezu ba kambi: Nki mpila ba hoya na klistu kene mwana Dawidi ? ⁴² Dawidi yandiene ka hoyi mu n'kanda mikunga: Pfumu ka hoyi kwe Pfumu mene : Zakala ku koko di mene di kitata, ⁴³ ti ye kuna yi ba shia ba mbeni ba ngeyi ku tsi bitambi bi ngeyi. ⁴⁴ Dawidi phe keka n'tela pfumu; Nki mpila kene diaka mwana yandi? ⁴⁵ Mu kutala n'kangu wakulu kakala mu ku m'wa, phe ka hoya ku balonguki bandi: ⁴⁶ Lu dibatila kwe balongi ba mitsiku, ba bazolaaka ku kangala mu zi mbele, phe ba ba heka zi mboti mu zi mpalasi zi bangulu biingi; Ba ba zolaa mpalasi yi ntete mu nzo Nzambi, phe mpalasi zi ntete mu ma feti; ⁴⁷ Ba ba diaka bima mu zi nzo zi ba mpuba, phe ba di sweeka mukati di bisambu bi kaleya. Ba sambisama masoonga maakulu.