¹ Ha nima di bima bia bina, batu bakala ba vukaniku mu bi buka, ti ye kuna ba yandiki ku di tindika bana ye ba kweno, yezu yandiki ku hoya kwe ba longoki bandi; ku ntwala makulu, lu di batila ku ma pha ma ba Fadizie, mana ma kala ma bungumba. ² Heko ye kima il ku sweka ki konda yabana, ata kima ki kitsweki ki konda zayana. ³ Kikuma kiakina ma kulu ma lu hoya mu phipa ma wisama mu miesi, phe mana lu fweta mu kutu mateya ma ha ntandu n'dilu nzo. ⁴ Yeka lusamuna , ku beno lwene banduku ba mene; lu bangiku ba ba honda lutu ye ku nima bafweneko basala kima ki ngolo. ⁵ Yi lu songila na wu lu fweti banga. Lu banga mutu , ku nima di ku honda kene ye kikesa ki ku losa ku bilungi, yi lu kembe wanduna lu fweti banga. ⁶ Ntu tekaku bi mbonzi bi tanu samu di biswekilu biola? Nkiakina , heko kete mosi wene wu lala kwe nzambi. Phe ata tsuki zi n'twa beno zaakulu zene zi kutanga. ⁷ Lubangiku phe: lwene ye m'pfunu wingi ku hioka bi mbanzi bingi. ⁸ Yeke lu samuna, konso mutu tanga zina di mene ha ntwala batu, mwana mutu phe ka tanga zina di yandi ha ntwala ba wanzio; ⁹ mana wuna ntuna ha meso ma batu yi n'tuna hantwala ba wanzio ba nzambi. ¹⁰ Phe konso wuna hoya dimbi samu di mwana mutu, di mbi di yandi di lolusama; mana kwee wuna hoya di mbi samu di Pheve Santu, di sumu di yandi di lolusamoko. ¹¹ Mu ntangu ba lu nata ha ntwala nzo nzambi, ha ntwala ba zusi ye ba pfumu, lu di yangisiku mu phila yi lu dingila ki nunga ku kala mu mambu mana lu hoya. ¹² Samu pheve santu yi lu longa mu ntangu yayina mana lu fweti hoya. ¹³ Mutu mosi ka hoyaka kwe yezu, ha kati di kibuka: N'longi, hoya kwe phangi mene wu yakala ntu kabana kimvwama ki beto. ¹⁴ Yezu n'kabusidi mvutu: Ah mwana yakala, na phele kiyeka ki ku kala zusi beno, holowu samu di ku kabisa bima bi beno? ¹⁵ Ka ba samunaka diaka : lu dibatila ye bu nketemu nkadilu yi ku di hana ku ki mvwama, samu mu kutala luzingu lu mutu lweko mu ki mvwama ata ki hioki kiteso. ¹⁶ Phe ka ba samuna kingana kiaki: mafu ma mvwama mosima hene lufutu lwingi. ¹⁷ Phe yindudi mu kati di mbundu yandi, ye ku hoyaka: nki yi sala? Samu yeko ye kizika ki kusia bima bi nkatudi. ¹⁸ Tala, ka hoyaka, buna yi sala: yi honda ki swekidi ki mene ki bi meninu, yi tunga kima ki mbuta mbuta,yi wongika bima bi mene bia kulu bi nkatudimu bilanga phe ye bima bi mene biakulu; ¹⁹ Phe yi hoya kwe moya mene: moya mene, wene ye bima bingi biku sweka samu di zi mvula zingi; phema, dia, nwa, ye sepila. ²⁰ Mana nzambi ka n'samunaka: mutu wu zingindu zi konda m'pfunu! Phipa yayiyi,kaka moya ngeyi ba n'lomba diaka; ye bima bi yidikiki, bi kala bima mana? ²¹ Diene bwabuna kwe wuna weka wongika bi mvwama samu di yandiene, ye wuna weko mvwama samu di nzambi. ²² Yezu hoyi dika kwe ba n'longoki : ki kima kiakina yeke lu samuna:lu di yangisiku samu di luzingu lu beno mu bima bi lu dia, ata samu di luutu lu beno ne nki lu vwata? ²³ Luzingu lu hioki bima bi ku dia, phe nkutu lu hioki milele mi ku vwata. ²⁴ Lu tala ye ku keba ba nuni: ba kunaku phe ba katulaku bima, beeko kete kiswekidi ki zi mbuma holowo ngunzu, phe nzambi ka ba tsasaka. Mbala kwa lwene ye m'pfunu ku hioka nuni! ²⁵ Na mu kati di beno, mu kete kete di yaandi, fwene ka yika kitini ki kinkoso mu kiteso ki luzingu luyandi? ²⁶ Na lu fweneko ku sala ata kima ki nkeke, nki kikuma lweke kwe si ketete ku mbundu samu di bima bi hika? ²⁷ Lu tala nki phila bivulaka bi ntundu bi kaseme: bisalalaku phe bi dingaku; mana yeka lusamunaata Salomoni, mu n'kembu yandi yaakulu, ba m'vwatisiku neti mosi mukati dibiawu. ²⁸ Na nzambi keka vwatisa kisaka ki kiene lelo mu masola phe ki ba losa mbasi ku fuulu di mbawu. ²⁹ Phe beno, ludingiku bina lu dia phe ye bina lu nwa, phe lukadiku ye keteete ku mbundu. ³⁰ Samu bima bina biakulu, bene ba miphakanu ba n'toto ba bi dingaka. Tata beno zeye na lwene biawu m'pfunu. ³¹ Mu kutala lu dinga ki pfumu ki nzambi; ye bima bina biakuulu bi luhekama mu nzila ki pfumu ki nzambi. ³² Bangiku, mwa kibuka ki ma meme; samu tata beno ka mwene bu nkete bu ku luheka ki pfumu. ³³ Lu teka bima bina lwene biawu phe lu hana mu dikabu kwe ba phutu. Lu disadila zi mbongo zina zi kondaa beba, ki mvwama kima kinda hwa ku zulu, ku bakonda phusana biifi, ye ku bakondoka tuula batu ba mbi samu di ku bebisa. ³⁴ samu hana hene ki mvwama ki ngeyi, mbundu ngeyi phe yi kala hakana. ³⁵ Nzo zi ngolo zi beno zi kala zi ku ziunga, phe minda mi beno mi ku lemisa. ³⁶ Phe beno, lu fwanana ye batu bana beka hingila pfumu bawu kisa kabuka ku feti, mu ku sia na lu n'kangudila buna keka kuma ye keka betika. ³⁷ Kiesi ba tsadi bana ka wana n'longi, mu kwisa ku yandi beka hingila! Yeka lu samuna mu masonga, ka ba ziunga, ka ba sia ha mese, phe ka phusana sa,u di ku ba heka bi dia. ³⁸ Ka tudi mu ntangu zoola to yii taatu yi ku phipa, kiesi, ba tsadi bana, na kisa ba wana mu ku kengidila! ³⁹ Lu yaba bwo mboti, na pfumu nzo ka yabani mu nki tangu mwifi ka fweti kwisa, ka nka kengidila phe ka nka yambudiloko mwifi ka kota mu nzo yandi. ⁴⁰ Beno phe, lu kala ba yilama, samu mwana mutu ka kwisa mu ntangu yina lu konda yaba. ⁴¹ Piele ka n'samunaka: pfumu, kwe beto, ho kwe beto kulu, weka samuna kingana kiaki? ⁴² Phe pfumu ka hoyaka: Nki n'sweki wu kwikama ye xu ku di keba wunz ka heka kiyeka , n'longi kwe batu ba yandi, samu di ku ba heka ma dia mu ntangu yi fwana? ⁴³ Kiesi n'tsadi wuna, na n'longi yandi, mu ku tuula, kisa wana keka sala bwana! ⁴⁴ yeka lu samuna mu masonga, ka n'heka ki yeka ki bima bi yandi biakulu. ⁴⁵ Mana na n'tsadi ka di hoyila mu kati di yandi: N'longi mene keka nanga mu kwisa, na ka yandika ku bula batsadi ba ba yakala ye batsadi ba ba nketo, ye ku diaka phe ye ku nwaka phe ye ku di la wusaaka mu malafu, ⁴⁶ n'longi wu n'tsadi wuna ka kwisa mu kilumbu kina ka konda yindula ye mu ntangu yina ka konda yaba, ka n'kula ye ka n'heka ndambu bima bi yandi ye bana ba konda zola. ⁴⁷ N'tsadi wuna, yaaba luzola lu n'longi yandi, kondi yidika kete kima phe kondi sadila luzola lu n'longi, ka bulama mu makofi ma ntalu yiingi. ⁴⁸ Mana wuna, kondi n'zaya, sadi bima bi bu nkete mu ku lolama, ka bulama mu makofi ma ndambu. Ba lomba biingi kwe wuna ba hele biingi, phe ba dindika bwiingi kwe samu di wuna ba hele bwiingi. ⁴⁹ Yisi yi loosa mbawu ha n'toto, phe nki yene biawu mu m'pfunu, na yi lema kene? ⁵⁰ Mbawu yene mbotika yina ba fweti pheka, phe mbala kwa yeka ndangisa samu di ku lungisama! ⁵¹ Lweka yindula na yisa samu di ku lu natina ngembe ha tsi n'toto? Loowu, yeeka lu samuna, yisa lu kabisa. ⁵² Samu yandika lelo, ba tanu mu kati di nzo mosi ba kabana, ba tatu mu ki mbeni ye boola, phe boola ye mbundu mbi samu di ba tatu; ⁵³ Taata mu ki mbeni ye mwana, phe mwana mu kimbeni ye taata, maama mu kimbeni ye mwana phe mwana mu ki mbeni ye maama, nkaka mu kimbeni ye n'tekulu, phe n'tekulu mu kimbeni ye nkaka. ⁵⁴ Ka hoyaa diaaka ku kibuka: Mu ntangu lu mona di tuti di telemi ku ndambu yi di nimbinaka tangu, lu hoyaka mbala mosi: mvula yeka kwisa. ⁵⁵ Phe di salamaka bwana. Phe mu tangu lu monaka m'phebe wisi wu mwini, lu hoyaka: Ku kala mwini. Phe bwaana ma kuma. ⁵⁶ Batu ba konda masonga! Lu yeebe ku yindula nkadilu yi n'toto ye yi zilu; Nki phila lu konda yindula ntangu yayiyi? ⁵⁷ Phe samu di nki lu kondaka yindula benweno mambu ma mene ma masonga? ⁵⁸ Mu ntangu wele ye mbanda ngeyi ha ntwala zusi, sala mu nzila wu di katula ye yandi, mu ku banga na ka ku hingisa ha ntwala zuzi, na zuzi ka ku hana kwe phumbulu wu zenga n'kanu, phe wandu ka ku sia ku boloko. ⁵⁹ yeka ku samuna bwo, saaloko ku lubuka muna na wu konda futa ti ye kuna nzimbu zi tsuka.