¹ Muna ntangu yene, batu ba hika ba ba kala hakana beeka n'kamba Yezu mambi makulu mana ma hioki kwe bisi Galileya, Pilatu ka vukisi meenge ye bi tambiki ye bi bawu. ² Ba hele mvutu: Lweeka kwikilu ne bisi Galileya bana bakala ba tsumuki ba ngolo ku hioka n'kangu wu Galileya waakulu, Mu diambu ba mwenini bwo buulu? ³ Loowu, yeka lusamuna. Mana ne beno lu konda lomba ndolula masumu, lu fwa beno phe. ⁴ Ho lowu, batu bana bâ kumi ye nana bana ba bwidi tangi di maamba di Silowe phe ba di hondi, lu kwikidi beno ne ba kala ye mbi ku hioka batu baakulu ba Yeluzalemi? ⁵ Lowu, yi lu kambi. Mana ne lu lombiku ndolula masumu ma beno, lu fwa beno kulu phe. ⁶ Hoyi diaka kingana kiaki: Mutu mosi ka kala ye n'ti mbuma zi ku dia,(Figue) mu sola di yandi di vinu, wisi samu di ku dinga zi mbuma zi ku dia, mana ka mweneko. ⁷ Muntangu yayina ka hoyaka kwe n'kengididi sola: Tala mvula tatu zi yi kwisa dingaka zi mbuma mu n'ti wandu, mana yi monaku kete mbuma. Zenga wô: Samu di nki keka monga mafu phamba-phamba? ⁸ N'kengidi sola hene mvutu: Pfumu, n'yambula diaka mvula yayi; yi tima mu nkala n'ti yaakulu phe yi sia bi dia bi n'ti samu ka buta. ⁹ Mona ku ntwala ka hana zi mbuma; na bwaana lowu, wu n'zenga. ¹⁰ Yezu ka longiiki mu nzo nzambi mosi, kilumbu ki lumingu. ¹¹ Mu kutala hakala hakana ye mwana n'kheto mosi wu zingiki ye pheve mosi yina yi n'kumisa kifu mu kuulu tuuka mvula makumi ye nana; kakala wu ku kondalala phe ka fweneko mu phila zaakulu ka telama ¹² Mu thangu ka'mwene, Yezu n'tadisi ndinga phe ka n'samunaka: "Mwana n'kheto, kangulami mu kifu ki kuulu di ngeyi." ¹³ Thetiki mooko ha thandu yandi; mbala mosi telami, phe yandiki ku kumisa n'kembo Nzambi. ¹⁴ Mana pfumu wu nzo nzambi, mu khabu zi mambu ma ka kodisidi Yezu mbeefo mu kilumbu ki lumingu, hoyi ku kibuka: "Hene ye bilumbu bisambanu samu di kusala, lwisa mana lu di kodisa bi mbefo mu bilumbu biabina phe keko mu kilumbu ki lumingu." ¹⁵ Pfumu n'kabusidi mvutu mu mahoya mâma: "Batu ba bilunzi biola! kilumbu ki lumingu, konso mutu hakati di beno ka yambudilaku ngombi yandi tô mwana di mème ha kidiilu samu di ku n'nata ke nwa mamba? ¹⁶ Phe mwana n'khetu wandu, wu wene mwana n'kheto wu Abalayami ye wu ka kwete satana tuuka mvula makumi ye nana, bu fweneko ba n'kangula mu nzengele yina mu kilumbu ki lumingu?" ¹⁷ Ma hoya mana ma basisi ye tsoni ba mbeni ba yandi, ye kibuka kiakulu kikala sepilaka mu bipha bi mboti bi kasadiiki ¹⁸ Ka hoyaka diaka: "Ye khi ki pfumu ki ma zilu ki fwanana phe ye khi kima yi ki fwanisa? ¹⁹ Kifwanana ye mbuma mosi yi n'ti wu mutaadi yi ka mongi mutu yakala mosi phe we kuna mu sola; yeka mena, yikumi n'ti wu mbuta, phe banuni ba ku zilu bazingaka mu ma handika ma'andi?" ²⁰ Ka hoyaka diaka: "Ye khi yi fwanisa ki pfumu ki Nzambi? ²¹ Ki fwanana ye luvidi di mapha di kamongi mwana n'kheto phe siidi mu bi teesilu bitatu bi pfuuba samu di ku vimbisa photophoto." ²² Yezu ka yeleke mu mavula ye ma hata, phe ka yenda longi ye kwendaka tii ye ku Yeluzalemi. ²³ Mutu mosi ka n'samunaka: «Pfumu, hene kaka ye ndambu batu ba huluka?» Bakabusidi mvutu: ²⁴ «Lusala ngolo lu kotila mu kielo ki kheke, Mukutala, biingi ba dinga ba kota mana bakukoko. ²⁵ N'thwadisi nzo mu thangu kakala wu telama, phe ka kangisa kielo, beno ba lwene ha nzila, luyandika ku betika mu kielo ye kuhoyaka: 'Pfumu, [pfumu], thukangudila! Ka lukabusila mvutu: 'Nzeyeko ba kwe lwene.' ²⁶ Phe ludishia mu ku hoya: Thu diidi ye thu nwiniiki ha thwala ngeyi, phe longi mu ma balabal ma beto: ²⁷ Ka kabusaka mvutu: Yi lusamuni bwo, nzeyzko bakwe lwene, lwenda kiana ye mene, benokulu ba lu sadilaadiku masonga. ²⁸ Hene hakana ha hakala bidilu ye kukwetikisa ku meno, mu thangu lu m'mona Abalayami, Izaki, Yakobo ye ba mbikudi baakulu mu kipfumu ki Nzambi ye beno phe, ba lulosa ha nzila. ²⁹ Ba kwisa ku ndambu yi di lubukilaka tangu ye ku di nimbinaka ti ye ku ndambu nôdi ye siide, ye ba zakala ha mesa mu kipfumu ki nzambi. ³⁰ «Bahika mukati di batu ba tsuka ba kuma bathete ye bana ba tsuka ba kuma bathete.» ³¹ Kilumbu kiakina ba Fadizie bisi bisan'kalba: «Ndonda, katuka haka, samu Elodi keka zola ka kuhondisa.» ³² Bakabusidi mvutu: Lwenda lwe hoya kwe dibata dina: tala yekakula pheve zi mbi phe yeka kodisa bimbefo lelo, mbasi ye kilumbu kikitatu yi kwe manisa. ³³ Mana bu fwene yi landa nzila mene lelo, mbasi ye kilumbu kina kilanda, samu bu fweneko mbikudi mosi kenda ke fiila kuuma kuhika na keko ku Yeluzalemi. ³⁴ Yeluzalemi, Yeluzalemi, ngeyi wu hondaka ba mbikudi ye wuu losilaka matadi kwe ba ba ku hitikidi, Mbala kwa nzodi yikutikisa bana ba ngeyi bwoso khoko kutikisaka zamba di maki ma yandi mu tsi mahele maandi, mana luzodi bwoko! ³⁵ Lutala na nzo beno ba lusisa yawu [hakonda batu]. Yeka lusamuna lumbonoko ka tii ye kuna yi kwisa thangu yi lu hoya: Kasakumuka wuna weka kwisa mu zina di Pfumu!''»