¹ Ku nima di mambu ma mana, Pfumu soodi diaka ba longoki makumi tsambwadi, phe ba hitiki bole-bole ha ntwala yandi mu mavulu maakulu ti ye mu bi zika bi ka nka kwenda yandiene. ² Ka ba samunaka : Kilanga kiene ki mbuta, mana ba tsadi bene ba nkeke. Lu n'lendika n'kwa Kilanga ka hitika ba tsadi mu kilanga kiandi. ³ Lwenda ; lu tala, yeka lu tuma neti bana ba ma meme ha kati di ba mbwa ba n'tseke. ⁴ Lu natiku kete photofe(mwa sakoshi di mbongo), kete sakoshi, kete sabati, phe lu hekiku mutu mboti mu nzila. ⁵ Mu zi nzo zi kaka zi lu kota, lu hoya ntete: Ngemba yi kala mu nzo yayi! ⁶ Phe na muna kati di nzo mwene ye mwana wu ngemba, ngemba beno yi zakala mwe yandi; na loh(mweko), yi lu kabukila ngemba. ⁷ Lu zakala muna nzo ya yina, ye ku diaka ti ye ku nwaka bina ba banda lu heka muna nzo yayina; mu ku tala, n'tsadi ka fweti monga lu futu lwandi. Lwendiiku muna nzo ye nzo. ⁸ Mu mavulu ma hika mana lu kota, phe mu ba lu yamba, lu dia bina ba lu heka. ⁹ Lu belusa(kodisa) ba mbeefo bana ba kala mwoh, phe lu ba kamba: ki pfumu ki ma zilu ki phusani ye beno. ¹⁰ Mana mu mavulu ma hika ma lu kota, phe mu ba konda lu yamba, lwenda muna ma bala-bala maandi, phe lu hoya: ¹¹ Ntweka nkukumuna samu di beno ata pfututu mafu ma mavulu ma beno mana ma nangitini mu malu ma beto; lu yaba mani na ki pfumu ki ma zilu ki phusani. ¹² Yeka lukamba mu bilumbu biabi hata dina di niokuka kuhioka hata di sodome. ¹³ Phasi kwe ngeyi, Kolazin! phasi kwe ngeyi, Betesayida! samu, na bi pha bina bi salami ha kati di beno bi salamani mu kati di hata di Tyr ye mu hata di Sidoni, mbele kiana ba nka balula zi mbundu zi bawu, mu ku mongaka sakoshi ye mbombi mbawu. ¹⁴ Kikuma kia kina, mu ki lumbu ki ku sambisama, ma hata ma beno ba ma sambisa ye phasi ziingi ku hioka hata di Tyr ye di Sidoni. ¹⁵ Phe ngeyi, Kapernawum, wu ba tombula ye kuna zilu, ba ku kulumuna ti ye kuna bilumbu bi ba fwa. ¹⁶ Wuna lu wila ngwididi, wu na lu losa ndosi phe mene; phe wuna ndosa mene, losi phe wuna wu ntuma. ¹⁷ Bakulu ba makumi tsambwadi bisa kabuka ye kiesi, yeku hoyaka: Pfumu, ata pheve zi mbi zi ntu lemvukidi mu zina di ngeyi. ¹⁸ Yezu ka ba kmbaka: nkele mbonaka satana tuki ku zilu keka bwa neti n'seni-seni. ¹⁹ Lu tala, yilu hele ki yeka ki ku kangala ha ntandu ba nioka ye ba ngomanga, phe ha ntandu ngolo zaakulu zi mbeni; phe ha nkatu kima ki fwene ki lu sala mbi. ²⁰ Nkiakina, lu sepidiku samu pheve zi mbi zi lu wididi; mana lu sepila samu ma zina ma beno ba sonami ku zilu. ²² Bima biakulu bi phekama kwe tata mene, phe ha nkatu mutu yebe na kene mwana, na keko tata, kete na kene tata, na keko mwana ti ye kwe wuna ka zodi mwana ka tendula. ²³ Phe, ha ka baluki kwe ba longoki, ka ba samunaka mu ki ngenga: kiesi meso ma meka mona ma lweka mona! ²⁴ Mu ku tala ba pholofeti(ba bikudi) bingi ye ba ntotila ba zodi ba mona ma lweka mona, mana ba ma mweneko, ba wa ma lweka wa, mana ba widiku. ²⁵ N'ganga(Mbuta) mosi wu mitsiku telami, phe ka hoyaka kwe Yezu, samu di ku n'meka: N'longi, nki pfwene yi sala mu ku monga luzingu lu konda tsuka? ²⁶ Yezu ka n'kambaka: Nki ba sonika mu mi tsiku? Nki tangaka? ²⁷ Kabusi mvutu: N'zola Pfumu, Nzambi ngeyi, ye mbundu ngeyi yakulu, ye moya ngeyi wakulu, ye ngolo zi ngeyi zakulu, phe ye ngindu ngeyi yakulu; phe phangi-aku bwoso ngeyene. ²⁸ Kabusi mvutu bu nkete, n'kambi Yezu; sala bwa buna, ye zinga. ²⁹ Mana yandi, ka zodi ka zikisa mboti, hoyi kwe yezu: Ye na kene phangi mene? ³⁰ Yezu kabukidi ndinga, phe ka hoyaka: Mwana yakala mosi katuki ku Yeluzalemi kulumuki ku Yediko. Bwidi ha moko ma ba phumbulu ba mbi, bana ba n'zebisi, ba n'budi makofi, phe ba yele, ba n'sisi ku nkala lu fwa. ³¹ Mbuta dibundu (N'tambiki) mosi, wanduna mu ki tsunzu wu yenda kulumuki mu nzila yayina kaka, ha ka m'mwene mutu wana, n'hioki kwandi. ³² Nganga Nzambi mosi wu kanda di Lewi(levi), yandi phe ka kumi ha kizika kiakina, ha ka m'mwene, hioki kwandi. ³³ Mana mutu Samadiya mosi, wu kala mu nzietelu, mu ntangu kisi hakana, wudi kiadi ha ka m'mwene. ³⁴ ka phusani, phe n'kasi bi tendi zi phuta, ye ku n'tiakilaka masi ti ye malafu ha zi phuta; phe m'matisi ha ntandu phunda yandi, we n'sisa ku nzo ba nzenza mosi phe mongi kiyeka ki ku m'bukisa zi phuta. ³⁵ Kilumbu ki lende, bendi makumi mola ma makuta; hene kwe n'kwa nzo ki nzenza, phe ka hoyaka: monga ki yeka ki ku tsasa kimbefo ki yandi, mbongo zina futa zi luti kiteso ki mbongo zi yi ku sididi, yi kwisa ku kabusila hana yi kala muku kabuka. ³⁶ Na mukati di ba batatu weka mona wene phangi mutu wuna wu bwidi ha moko ma ba phumbulu ba mbi? ³⁷ kene wuna sadidi kiadi kwe yandi, kabusi mvutu mbuta di bundu di mitsiku. Phe Yezu ka n'samunaka: Ndonda, phe sala phila mosi. ³⁸ Mu diambu Yezu ka kala mu nzila ye ba longoki ba yandi, ba koti mu hata di mosi , ye mwana n'keto mosi, ba tediki Malata, n'yembe mu nzo yandi. ³⁹ Ka kala ye phangi mosi wu n'keto ba tediki Madiya, wanduna, ka kala zakadiki ha malu ma Yezu, ka widiki ndinga yandi. ⁴⁰ Malata, kangamiki mu bisalu bingi bi ku yidika nzo, wisi diaka phe ka hoyaka: Pfumu, bwa buna bweka ku hoyiloko kima bu ka ngiambudidiki phangi mene n'keto yi lu sila bima? n'samuna kiisa kisa tsadisa. ⁴¹ Pfumu n'kabusidi mvutu: Malata, Malata, weka di yangisa phe weka di heka phasi samu di bima bingi. ⁴² Kima kimosi kiene m'pfunu wiingi. Madiya ka soodi kima ki m'pfunu, ki ba konda n'hotumuna.