¹ Mene Polo, yene mutu wu boloko wu Yezu-Kidisitu samu di beno, ba lu konda ba Zwifi, ² ne lu widiiku nki phila yene ye kabu mu dienga di Nzambi di ba phele samu di beno. ³ Diene mu ku monisama katsongidi maswekamu mâma mu phila yina yi tendudi mu mihowo mikaka. ⁴ Mu ku matanga, lu fwene lu yibuka mu nzayilu yi yene yawu yi maswekamu ma kidisitu. ⁵ Ba neteko mu mazaya ma batu ma zi mvula zina zi hioka bwoso ma tendulami buntwene mu kipheve kwe ba ntumwa ba yandi ba san'tu ye kwe ba mbikudi. ⁶ Di swekamu diène, diene ne ba beeko ba Zwifi bene ba kwa bima bi ba Zwifi ye ba Zwifi, beka sala lutu lu mosi ye bawu phe beka kota mu kilasi ki mosi [ki Nzambi ] mwe [Yezu-] Kidisitu mu nzila diteyi. ⁷ Nkumiki n'sadi mu kati di diawu phila yi zodidi di kabu di dienga di Nzambi, di ba phele mu kikuma ki ngolo zi kisalu ki yandi. ⁸ Mene wu yene wu khatika kheke mu ba saan'tu baakulu, ngyembe dyenga di ku ta n'samu ha kati di beno balukonda ba Zwifi bi mvwama bi konda tsuka bi Khidisitu ⁹ phe di kusia mu n'teemo [samu di batu baakulu] khi phila disalamaaka diswekamu di dikonda tsuka mwe Nzambi. ¹⁰ Mu bwana, ma ngumba ye bi Pfumu mu bizika bi mazulu ba zeye buthwene mu nzila yi nzo Nzambi. ¹¹ Mukutala mabongisami makonda tuska ma ka lungisi mukati di Yezu Khidisitu Pfumu beto. ¹² Diene mwe Khidisitu, mu lukwikilu kwe yandi, thwene yen'swa wu ku phusana kwe Nzambi ye kindoya. ¹³ Diaka, yeka lu lomba muku konda ku ladisa kikesa kikuma ki phasi zi yeka mona samu di beno: [phasi] zene n'khembo beno. ¹⁴ Tala kikuma yeka vungila mabongo ha thwala tata [wu Pfumu beto Yezu Khidisitu], ¹⁵ mwe yandi kikanda kiakulu ku zulu ye ha n'toto kisiimbi zina di yandi. ¹⁶ Yeka lomba ka lu heka, mukutala mboti-mboti kimvwama ki n'khembo yandi, mukukala ye ngolo zaakulu wu kukwikama mu pheve yandi mukati di bu mutu bu beno, ¹⁷ mu phila ne Khidisitu kazinga mukati di mbundu beno mu lukwikilu. Yeka sambila ne lukunama phe lukala ba singakana mu kati di zola ¹⁸ samu di kukuka mukuyaaba ye ba saan'tu baakulu bwe kwene kutôôka, kuleya, ndziinga, lôôndi zola di Khidisitu, ¹⁹ phe muku zaya zola diene di dihioki mazaya maakulu, mukusia ne lukala ba baasa ye pheve yaakulu yi Nzambi. ²⁰ Kwe wuna fwene kasala mu nzila ngolo zi zeeka sala mukati di beto, zi konda tsuka kuhioka biakulu bi thu lombaka holowu mana thu yindulaaka, ²¹ kwe yandi n'khembo kakala mukati di nzo Nzambi [ye] mwe Yezu-Khidisitu, samu di mikangu mi bisina biakulu, mu zi mvula ye zi mvula! Amen!