¹ Lutala nki zola di ka ntu monisi tata, mu ku songa ne ba ntu tela bana ba Nzambi! Pe ntwene bana ba yandi. Ne n'toto ka ntu zeyoko, mu diambu ka n'zeyoko pe taata. ² Ba mpangi ba ntondama, ntwene tangu diadi bana ba Nzambi, buna ntu kala kilumbu bu di songidieko, mani ntweka yaba ne, hana bu di songila, ntu kala mpila mosi ye yandi, mudiambu ntu'mona mpila kene. ³ Konso mutu wene ye kiitu kina mu kati di yaandi keka di sukula masumu, bwoso kene yandiene wu konda kifu. ⁴ Konso mutu weka sala disumu keka Be bisa n'nsiku, phe disumu di hondaka n'nsiku. ⁵ Mu kutala, lweka zaya na Yezu kisa Samu di ku katula masumu, phe mukati di yaandi mweko ye disumu. ⁶ Konso mutu zinga mukati di yaandi kasalako disumu; konso wuna sala disumu ka m'mwenoko phe ka n'yebeko. ⁷ Bana ba nkeke mutu ka lu hukumuniku. Wuna weeka sadila masonga ma kinuunga kene mwana kinuunga, bwoso kene yandiene mbaku wuku ki nunga. ⁸ Wuna weka sala disumu kene wu Satana, samu Satana kene mutu masumu tuka luyandiku. Mwana Nzambi ka dimonisa mu ku bebisa bisalu bi Satana. ⁹ Mutu wakulu butukaka kwe Nzambi kasalaku disumu, samu n'keni Nzambi ye ka zinga mukati di yandi ; Phe ka fweneko kasala disumu samu kabutuka kwe Nzambi. ¹⁰ Hakana ba di songilaaka bana ba Nzambi ye bana ba Santana. konso mutu koonda sadila masonga ma kinunga keeko mwana Nzambi, phila mosi ye wuna n'zolaku phangiandi. ¹¹ Mu kutala maambu mana ba lu samuni phe ye ma lu wiidi tuka luyandiku, masongisi na ntu fweti zolana beto ye beto. ¹² phe lufwaniku kayini wuna wukala ye maambu ma mbi, phe ka n'hondi phangiandi. phe nki kima ki ka n'hondidi? Ki kuma bisalu biyandi bikala bi mbi, phe bisalu bi phangiandi bikala bi masonga ma kinunga. ¹³ Luyitukiku, ba phangi, na tsi n'toto yi lu meenga. ¹⁴ nthu yebe na nthu hioki mu lufwa ti ye kuna ntwe kuma mu luzingu, mu diambu nthu ba zolaaka ba phangi beeto. wuna n'zolaku phangiandi kazinga mukati di lufwa. ¹⁵ Konso mutu wuna menga phangiandi kene n'hondi baatu. phe luyebe ne heko ye n'hondi baatu monga luzingu lu mvula ye mvula kati di yaandi. ¹⁶ Ntu di zeyeke zola, mu phila yi ka hene luzingu lu yaandi samu di beeto, beeto phe, nthu fweti hana luzingu lu beto samu di ba phangi ba beeto. ¹⁷ Na mosi kene ye bima bi tsi n'toto phe m'mwene phangiandi ye m'pfunu kima mana n'kasidi bumu di mbundu mu ku n'heka, nki phila lu fweti hoya na zola di Nzambi dieka zinga mukati di beno? ¹⁸ Bana ba nkeke ntu zolaniku mu ku n'nwa ye ndinga, mana mu bisalu ye masonga. ¹⁹ Mu kusala buna, nthu yaba na ntwene bana ba masonga, phe ntweka songila zimbundu zi beto ku ntwala yaandi : ²⁰ Mu diambu na mbundu yeetu yi ntu bela, Nzambi kene wiingi ku hioka mbundu, phe yeebe bima biakulu. ²¹ Ba phangi ba ntondama, na mbundu yeetu yeeka ntu beloko, ntwene ye kiitu ku ntwala yaandi. ²² Konso kima ki ntu lomba ntu monga kio kwe-e yaandi, samu ntu batilaka mitsiku mi yaandi phe ntu salaaka mana ma sepidisaka mbundu yandi. ²³ Phe n'tsiku yandi kene haka: Kazodi ntu kwikila mu zina di mwana yandi Yezu klistu phe ntu zolana beto ye beto, mu ku tala n'tsiku wu ka ntu hele. ²⁴ Wuna batila mitsiku mi yandi kazinga mukati di Nzambi, phe Nzambi kazinga mukati di yandi; Phe ntu yebe na kazingaka mukati di beto mu nzila yi pheve yi ka ntu hele.