¹ Bana ba mene ba nkeke, yeeka kusonikina bima biabi mudiambu na lusadiku diaka disumu phe na mosi mukati beno kasala disumu ntwene ye mbaku ku nkaala tata, Yezu klistu wu-u wene ye masonga. ² Yandiene kene mutu wu-u tambusa kanata masumu ma beto, keeko kaka kikuma ki masumu ma beto, phe ye ma batu baakulu ba tsi n'toto. ³ Na twu batila mitsiku mi yaandi, mu bwabuna, ntweka songa na ntu n'yebe. ⁴ Wuna hoyi: Yi n'yebeko, phe ka konda batila mitsiku mi yaandi, kene kingumba phe kondi masonga mukati diyandi. ⁵ Mana wuna weeka batila ndinga yaandi, zola di Nzambi ye masonga ma yaandi maakulu mene mukati di yaandi. ⁶ Wuna hoya na ka zingaka mukati di yaandi ka fweti di natisa bwoso ka di natisa yandiene. ⁷ Ba mpangi ba zolma keeko n'nsiku pha wu yeeka lusonikina, mana kene n'nsiku nkulu wu ba lu heka tuka lu yandiku; n'nsiku nkulu wandu kene ndinga Nzambi yi lu wiidi tuka mu luyandiku. ⁸ Koso ntangu kene n'nsiku pha mu yi lu sonikinaka, diambu dina diene masonga mwe yaandi ye mwe beno, samu zi mpipa zene mu kwe ladi phe miesi mi mieka sema ⁹ Wuna hoya na kene mukati di miesi, mana ye ku n'mengaka phangiandi, kene kaka mu mpipa. ¹⁰ Wuna weka n'zola phangiandi kene mukati di miesi, phe heko ye kima ki fwene ki m'bwisa mukati di yaandi. ¹¹ Mana wuna konda n'zola phangiandi, kene kaka mukati di phipa phe keka zayoko kuma ku keka kwenda mu diambu phipa yi n'hondi meso. ¹² Yi lu sonikini bana ba nkeke mudiambu masumu ma beno ba lu luloludi ki kuma ki zina di yandi. ¹³ Yeka lusonikina ba tata mu diambu lu n'yebeko wuna wene tuka lu yandiku. Yeka lusonikina ba ngunza, samu lu ba nungi bana bene ye ntangu. Yeka lu sonikina bana ba nkeke mu diambu lu m'mwene tata. ¹⁴ Yeka lusonikina ba tata samu lu n'yebeke bu ntwene wuna wene tuka luyandiku. Yeka lusonikina ba ngunza samu lwene ye ngolo phe ndinga Nzambi yeka zinga mukati di beno, phe lunungi batu ba ngangu. ¹⁵ Lu zodiku bwingi n'toto phe lo bima bi n'toto. Na mosi mukati di beno kazola n'toto, zola di tata dieko mwe yaandi. ¹⁶ Mu ku tala bima biene bi n'toto, yene phusa yi n'suni, phe kudi tsikisa ku luzingu ku tukiku kwe tata, mana kutuki mû n'toto. ¹⁷ phe tsi n'toto yi hioka ye m'pfunu bima bi n'toto ka hioka, mana wuna weka sala luzola lu tata kazinga mvula ye mvula. ¹⁸ Mwana nkeke, yayi ntangu tsuka phe mukusonga na ba lu longa mu kwisa ku klistu wu bungumba ha tsi n'toto, ye ba hatikidiiki bu ntwene ba klistu beene: Mu ku tala mambu mana, ntweka zaya na yayi ntangu tsuka. ¹⁹ Ba lubukidi mukati di beto mana bakalo ba beto, mu ku tala na bakalaani ba beto, ba n'ka zinga mukati di beto, mambu ma ntu yisidi mukusonga na ntu di songisa na ntweko ye bawu. ²⁰ Samu di beno, lu yaambi ku mpakulama ku mutu wu wene, n'satu phe lweno ye ku zoya. ²¹ Yeka lu sonikila, heko na lu yeboko masonga, mana samu lu yeebe phe ha nkatu bu ngumba bu tuka mu masonga. ²² Na wene ki ngumba, na keko wuna weka n'busa Yezu na yandi klistu? Wanduna kene klistu wu mbi, mu ku n'busa tata ye mwana. ²³ Konso mutu n'busa mwana keko ye tata mukati di yandi ata bu nkeke ²⁴ Maambu ma lu wiidi tuka luyandiku ma zinga mu kati di beno. Na maambu ma lu wiidi tuka luyandiku meeka zinga mu kati di beno, lu zinga kaka mu kati di mwana ti ye tata. ²⁵ Phe kilasi ki ka ntu siidi, Lwene lu zingu lu konda tsuka. ²⁶ yi lu sonikini bima biabi samu di baatu bana ba luhukumunaka. ²⁷ Mudiambu di beno, ku mpakulama ku lu yambi ku ntwala yaandi ku zinga mukati di beno, pe lweko ye m'funu ba lu longa; mani mudiambu ne ku mpakulama ku yaandi kwene mu ku lu longa bima biakulu, pe ku mpakulama kwene masoonga ye kweeko ye bungumba, luzingu mukati di yaandi mu nzila malongi mana ka lu hele. ²⁸ Pe bu ntwene, bana ba nkeeke, luzinga mukati di yaandi, mukusonga ne, hana kadisongisa, ntu kala ye n'swa, pe mukwisa ku yaandi ntu kadiku mu kidiya pe kiana ye yandi. ²⁹ Ne lweka yaaba kene mbaku wu masoonga, lu yubuka pe ne konso mutu weeka sadila masoonga ka butuki kwe-yandi.