¹ Yezu kɔra ciri tan dari nɔ, o na ba dari, o naru ciri lura. ² Yezu karan bio la buso ni wo: Karan ɲuci, wele da ma gɔsɔ la, so ba so ya, sua o luɔ mɛ ɲina yala ya, foo o naru ciri lurɔ? ³ Yezu zamisa an na ɲi ni wo: ka so ba so magɔsɔ dari ba, o lurɔ mɛ ɲina yala ka na ya magɔsɔ dari ba. Na da yile je da Vamara pan la bɔru se an na na. ⁴ Pan le babu mɛ o da na dari waliyala wɛn tan. Tan bini. Ni tan ni bini, lo pɔyi gulɔ da wali na were. ⁵ O jɔn mɛ bran diɲɛ won, mɛ ke diɲɛ pola'a. ⁶ Na jɔn na ɲama dapɔn, Yezu camisɔ ɲitali tan o bri na ta la o viru na naru bala sa san, ⁷ o ɲamɔ na ni wo: Wa n' san la samu silo van murɔ min na won. Silo tan ni tôn bi. Narɔ la wara bran o samu sa. O sa punre juge o ko. ⁸ O jeliya layala na ni lema da deri a nɔ saraga zira la won cɔn na, na ya mɔ ɲi a ɲamu ni wo: Bala le jinɔ saraga zeri la won, ka na ni so na ba? ⁹ dari ya ni wo: N'o waa. Dari ya ma ni wo: Ni ayi, ni ko wa ba, na ce o lurɔ na yan. Nace bala se ni wo: Mɛ yan. ¹⁰ An na busu ni wo: N' sala punru ɲɛ ni ɲɛ? ¹¹ o zamisa an na ɲi ni wo: Ba le yile ni Yezu, na'a bri tala o viru mɛ sa la san, o ɲamɔ mɛ na ni wo: Ni mɛ wa Silo won a wa'a sa la samu. Mɛ wara a sa la samu, mɛ sa na tan. ¹² An na busu ni wo: Na bala ye ze? o zamisa an na ɲi ni wo: Mɛ ɲinu ba. ¹³ An na wara na narɔ cɔn na na Farizɛn yala nɔ na. ¹⁴ Yezu da na tala o punru sa len wura la, na da ni fin fin na wura na. ¹⁵ Na ce Farizɛn yala busu o sa punra la ko na. O ɲamɔ na ya na ni wo: O da tari ya o ce mɛ sala san, mɛ sama sa mɛ saniɲi tan bisaso. ¹⁶ Farizɛn dari ya ni wo:Na bala o ye lurɔ Vamara yan ma, na ce o jɔnra fin fin na wura ba. Naa na dariya ni wo: Ni na bala magɔsɔ dariciya, u je gulɔ o da sesi ma murɛ la ɲɛ ni ɲɛ? An na koele ta cira. ¹⁷ Farizɛn yala buse na na naru cɔn na sema ni wo: Len punrin' sala, wan ni ɲemi bën na ma la won? Ni wo: Tôn bi ya. ¹⁸ Na na Juifu yala an na ye siɛn ma ni na bala ke naru ba, ni wo: N'o sa punre, foo an na komu lema lurɔ la. ¹⁹ O busu a na ni wo: Apa ni ɲemi ni wo apa bi balo naru le lurɔ, o waa ni so na wa? Ben na o sa niɲi tan bisaso ɲɛ ni ɲɛ? ²⁰ O lura cala zamisa a na ɲi ni wo : Epa ɲinu ni wo: Epa bi balo ya, ni wo o naru ciriya lurɔ. ²¹ na ce o sa niɲi tan ɲale ɲɔna,epa ɲine na ba, epa ɲine o sapura cila na mu ba. Ka busɔn seba, a busu se, o je gulɔ o purumu na mala apa na. ²² O lura cala da jɔn ɲa le ɲɔ,na ce an na sɔa Juifu yala sa cile, naa na Juifu yala tari da bɛn o san o zɔw ni wo, ni lo le ci ni ɲama ni wo: Ni Yezu ke kirisa'a, ni wo an na jo joso o lurɔ Vamara ja la tɔn na won. ²³ Na ce o lurɔmi cala ɲamu ni wo: Ka busɔn seba a busu se. ²⁴ Farizɛn yala na naru cɔn na an na komu na bisa ɲi jere na an na ɲamɔ na ni wo: Ce co Vamara bɛn epa ɲinu ni wo na bala ke magɔsɔ dari ciya. ²⁵ An na zamisɔ o ɲi ni wo: Ni magɔsɔ dari ciya wala ni ka magɔsɔ dari ciba mɛ ɲini na ba. Mɛ ɲini ma bitën yan. Mɛ tari ke naru wa, bisaso mɛ sa niɲi tan ²⁶ An busu ni wo: O da bën n' san? O punru n'sa la ɲɛ ni ɲɛ? ²⁷ O zamisa an na ɲe ni wo: Mɛ ɲama na apa na o zɔw, na ce apa y'a zara ce mɛ yan ma. Bën ce apa yo yan a nɔgɔ na baso? Apa mu yo yan a danɔ o karan bio na ya? ²⁸ An na cusɔ an na ɲamu ni wo: Wan ke na bala karan bi. Epa kɔni ke Moïse karan bio ya. ²⁹ Epa ɲinu ni Vamara da jɔn Moïse yan, na ce na bala kɔni, epa ɲinu o lura nɔ ma. ³⁰ Na naru cɔn na zamusɔ ɲe ni wo: So da ma murɔ na dɛ. Epa ɲinu o lura nɔ ma, na yilena o punre mɛ sa! ³¹ Epa ɲinu ni wo ni Vamara coro zara magɔsɔ dari ciya ma, na ce lo len ci so o cilen o varu ma, o ciru zara na yan. ³² O yen nɔgɔ lo pɔyi yan fiyeu lo le ci lurɔ ni naru ya na ni lo dari punre na sa ba. ³³ Ni ka so ba so len lurɔ Vamara yan ba, o tanin je gulɔ o da pɔyi ba. ³⁴ A na zamisa na bala ɲe ni wo: N' magɔsɔ ciriya lurɔ, n' yo yan n' da epa karan ya? Na ɲama dan, a na jusɔ o lurɔ Vamara zira ja la won. ³⁵ Yezu nugɔ a na jusa na naru cɔn na. Yezu zamisɔ o ɲɔn o ɲamu na ni wo: N' siɲan lo bi balo tan wa? ³⁶ O zamisɔ o ɲe ni wo: Wele ciya, e ci, na yilena mɛ siɛn, tan? ³⁷ Yezu ɲamɔ na ni wo: N' sa yen len bɛn, ni n'o de jɔn n' yan' Naa. ³⁸ Bala ni wo: Mɛ siɔn o tan, e Ci. O piye tan o ce co o bɛn. ³⁹ Na were Yezu ni wo: Mɛ ko diɲɛ so won kiri cira yile na, yele narɔ la sa punru, na ni lema sa nɛy tan, na ya sala pi. ⁴⁰ Farizɛn yala lema yen Yezu yan bran, na ya nɔgɔ na jɔn le la, a na zamisɔ ɲe ni wo: Bisaso, epa mun narɔ ya? ⁴¹ Yezu zamiso an na ɲe wo: Napa tari ke narɔ wa, ma gɔsɔ tari ja na apa san ma, naa apa ni apa sa ni tan bisaso, ,naa ce apa magɔsɔla je tamu an na ɲun won.