¹ Camu camu ya mɛ jo ɲamu an na na ni wo: Le ma jɔnra pisuro ja ɲe yan ma, na ce o jiri fomɔn buru yan o jɔn, ɲɔnrɔ wa, bɛnzericiya. ² Na ce le jɔnrɛ pisiro ja ɲe yan, na pisi yorogaciya. ³ Ɲe yorɔgaci punri ɲe la pisi yorɔgaci la na. Pisirola nugɔ kole. O komi o se pisiro la na o yile na o lura a na na fena. ⁴ Ni o biri a na len were, o veri a na cilayan, pisiro la cungunu o dapɔn, na yile na a na ɲinu kole. ⁵ An na cunguni veru dapɔn ma, an na socile mise, na ce an na ɲine vero kole ba. ⁶ Yezu ce so musɔn so an na na, na ce o da jɔn ma le na, an na yen na tan ɲini ma. ⁷ Yezu ɲama an na na sema ni wo: Camu camu ya mɛ jo ɲamɔ apa na ni wo: mɛ ke pisi lebere ɲi. ⁸ Lema lakala ko mɛ cilaya, na ya ke ɲɔnra'a na ni lema zeri lala bɛn, na ce pisiyala an na yan 'a zara ce na yan ba. ⁹ Mɛ ke lebere. lema jɔn mɛ yan, na ya ji da kisi. O je jɔn o lurɔ o ji jiri yii nɔ na. ¹⁰ Ɲɔnri tan ji ko pɔyi yile na foo wɛmi na ni lo gua na ni ɲɛnɛmɛ. Mɛ kɔni ko yele mɛ pisiyala na sayɔya, an na da bu na na an na wa na yan. ¹¹ Mɛ ke pisi jusua ci cincana. Pisi jusua ci cincana nɛy kunbara pisi yala yilena. ¹² Nace len kuiri wunyan ya, na ka pisi jusua ci sɛbɛ ba ni pisi yala k'o ɲini ma n'o na yara yala kuiri ci, o je pisi yala jɔn o sua. Yarala je pisi yala dari mɔn, an na je sanse. ¹³ Na wuyan kuir'an ci la je sua na ce wuyan ci ya, pisi yala makari t'o san ma. ¹⁴ Mɛ ke pisi jusua ci cann'a. ¹⁵ Mɛ Ɲina ɲine mɛ, na ni mɛ ɲine a Ɲina ɲa le ɲɔ, na yɔrɔ mɛ ɲina a pisi yala, na ni mɛ pisi yala ɲini mɛ, mɛ ja a kunbara la nɛy mɛ pisi yala yilena. ¹⁶ Pisi yala bore yen mɛ yan lema t'o pisi ja so o ma. Paan mɛ ko na ya mu na. An na je mɛ kole nɔgɔ. An na je da kure bitën na, na ni pisi jusa ci bitën. ¹⁷ Mɛ ma ɲɔn a Ɲina na, Na ce mɛ na a kunbarala na na o turɔ duru na. ¹⁸ Lo pɔyi gulɔ mɔn mɛ kunbara mɛ lugo, na ce mɛ se jo nɛ. Paan yen mɛ yan mɛ na kunmarala, paan yen mɛ yan a turɔ duru na. Na bɛbɛrɛ la ɲamu mɛ na mɛ Ɲina yn. ¹⁹ Juifuyala kole ta cira duru na o jɔn ɲɔmɔ la yilena. ²⁰ An na jaani ni wo: Ni jinɛ y'o san, cibiri y'o san. bɛn yilena apa na cire a zara ya? ²¹ Dari ni wo: zina ci dere jɔn ba so ba. Zina je gulɔ o punru narɔ sa wa? ²² Juifu yala bisa dari da Zuruzalɛm wari werela, na yile dedicace. ²³ Yezu tari n' kuiri Salomon zanbɛlɛ tan Vamara ja mula guso la won, ²⁴ juifu yala kɔnɔ a ɲi a ɲamu na ni wo: Wan je epa haciri luru foo bɛn were? Ni wan ke kirisa, ɲamɔ na epa na o poromu. ²⁵ Yezu zamisa a na ɲe ni wo: Mɛ ɲama na apa na o zɔwɔ, na na apa ye da la na ba. Mɛ n'de dali wali le la mɛ Ɲina yilena, na ya n' biri mɛ sɛrɛ la. ²⁶ Na na apa yen lanaya da ba, na ce apa ka mɛ pisi yala dari ba. ²⁷ Mɛ pisi yala nɔgɔ mɛ kole, mɛ ɲini an na, an na je cungunu mɛ dan. ²⁸ Mɛ je sayɔya len zoere ba mɛ je na nɛ an na na, an na ta yen ɲɛni fiyeu. Lo pɔyi gulɔ o ze na mɛ logo. ²⁹ Mɛ Ɲina len nɔ mɛ na, na zɔn ni yii lakala na, lo pɔyi gulɔ o ze na o lurɔ mɛ Ɲina lon ba. ³⁰ Mɛ ni mɛ Ɲina bitën ya. ³¹ Na were la Juifu yala tura bɔa sema na pa j'o yabɔ an na guɔ. ³² Yezu ɲamɔ an na na ni wo: Mɛ da dali wali cincana jaanni apa sɛle o lurɔ mɛ Ɲina ya. Na dari wali la da la bitën le yilena apa je bɔa turɔ a yabɔ mɛ a gu mɛ? ³³ Juifu yala zamisɔ o ɲi ɲi wo: Ka ma cana dari yilena ba epa je bɔa turɔ e yabɔ o gu wan ba, foo Vamara yile ɲɛnɛmɛ, na ni wan zolo bi beku mɛnɛ n' se Vamara ya! ³⁴ Yezu zamisa an na ɲe ni wo: Ko gɔn apa vala won ba, Vamara ni wo: Apa ke vamara ba? ³⁵ Epa ɲini ni wo le ɲamu va la won, na gulɔ o lamise ba. Vamara jɔn yen le ma san nariya komu ni vamara. ³⁶ Nawere la Vamara ce le o se na o biri jiri san o babɔ o ko diɲɛ la won, ni na ke mɛ, apa ma jo ɲamu ɲɛ ni ɲɛ ni mɛ ɲɛni Vamara yile, na ce mɛ ɲamɔ ni wo ni mɛ ke Vamara bi ya? ³⁷ Ni mɛ ta de a Ɲina dali wali ba, apa ba siɛn mɛ tan ba. ³⁸ na ce ni mɛ de na ya, hali apa ye siɛn mɛ na ba, apa siɛn na dari waliya la na,na ce apa ɲinu o purumu ni wo mɛ Ɲina yen mɛ san na ni mɛ yen mɛ Ɲina san. ³⁹ An na kuiri yan sema napa je mɔn, na ce an ye mɔan nɔ na o san ma,o wara. ⁴⁰ Yezu wara zurudɛn lola dapɔn sema, Zan tari n'fɛrɛ lala tan len nɔ cɔn na o jintan bran na. ⁴¹ La jaani wara yan. Ni wo: Zan ye tomuso pɔyi da, nace o ɲamɔ jɔn le so ba so ma won, na lakala ke ciɛn. ⁴² La jaani siɛn Yezu tan bran.