¹ Na ce Yezu wara oliviye cile la bɛn. ² Na tɔn zara jɔngɔna fɔn fɔn, o juge o dana, zama la lakala dabɔ san. O jinatan o da na karan. ³ Sariya karamɔgɔyala na ni Farizɛnyala kɔan ni kan dari na o nɔ na, an na tari mɔan na kan la zaliya won. An na zangala na kan la zama la lakala sacila yan. ⁴ An na ɲamɔ Yezu na ni wo: Karan ɲuci, so kan so mɔ zaliya sise na. ⁵ Moïse ɲamɔ tɔn na won ni wo ni na si kan la a yabɔ ni bɔa na a gu. Wan ji ben ɲamɔ na ma la won? ⁶ An na ɲama na an na biri ɲitan, na ce an na nɔ o ba ciri sa. Na na Yezu piye tan o da sɛbɛni tan n'o nɛkiribi bitën na. ⁷ An na tama na buusu, Yezu juga o zangali vɔn o ɲama an na na ni wo: Apa sɛrɛ lo le ci da dere o da ma gɔsɔ ba, na ci da fala o yabu ni bɔa la na. ⁸ O piye tan seema o da sɛbɛni dɔrɔna. ⁹ Na jɔn na nuga dan, an na bɛlɛ bio la biri an na tan, an na lakala wara tën tën, o ɲimɔ kirini ba yala san foo o wa nɛy aan na dan cala na. Yezu se tën tamɔ biran na ni na kan la, le zangalɔ tari yo sa tan. ¹⁰ Yezu juga o zangali vɔn o ɲamɔ o na ni wo: kan la, n' ba ceri cala ye ze ya? Lo pɔyi yen zari n' bɛ ma? ¹¹ Kan la zamiso ye ni wo: E Ci, lo pɔyi. Yezu ni wo: Mɛ mu ja zere ce wan san ma. Wa, n'ba magɔsɔ da seba. ¹² Yezu da jɔn zama la yan duru na ni wo: Mɛ ke dunuyan la po laa. Lo le ci cunguni mɛ dapɔn, na ci ja vari tan bino won ma, na ce na ci je sayɔya na. ¹³ Farizɛn yala ɲamɔ ni wo: Wan n' biri n' se sɛrɛ, wan sɛrɛ la ka tiɲɛ ba. ¹⁴ Yezu zamisa an na ɲi ni wo: Hali mɛ se n' biri mɛ se sɛrɛ, mɛ sɛrɛ la ke canmu, na ce mɛ ɲini a lura nɔ, mɛ ɲini a wari nɔ. Apa ɲini mɛ lura nɔ ma, apa ɲini mɛ wari nɔ ma. ¹⁵ Apa ni cirɛ ciri zolon biya yɔrɔ, mɛ cira ciri lo pɔyi bɛn. ¹⁶ Na lakala na, hali mɛ mu cirɛ ciri, mɛ ciri la ko cɛnsɔ, na ce mɛ se tën te na kiri la cira won ma, na ce le babu mɛ, na yen mɛ yan. ¹⁷ Ko gɔn apa tɔn na won ni wo: Ni laɲii n' zamisa sɛrɛ bitën san, na sɛrɛ la ke canmu wa. ¹⁸ Mɛ se n' biri mɛ se sɛrɛ, mɛ ɲina len bɛbu mɛ , na mu nɛ biri mɛ sɛrɛ. ¹⁹ An na busu ni wo: N' ɲina yen zeya? Yezu zamise an na ɲe ni wo: Apa ɲine mɛ ba, apa ɲine mɛ ɲina mu ba. Nap ɲine mɛ ya, apa tari mu jimɛ ɲina mu ɲini. ²⁰ Yezu ɲamɔ na jɔn o jɔn lala karan la won Vamara jira ja mu la won, pɛ yii la n' ciri wuru len won na, wo tari yen na ɲi san. Lo pɔyi y'o mɔnw, na ce o were ye yi dere ba. ²¹ Yezu ɲamɔ an na na sema ni wo: Mɛ jaa. Apa ji kuiri mɛ yan, na ce apa je cɔ o jɔn an na biran ma gɔsɔ la won. Mɛ jaa tan len nɔ, apa gulɔ a wa biran ba. ²² Yahutuyala ɲamɔ dana ni wo: O je gulɔ o gu o se wa? Na ce ni wa ni ja tan len nɔ, epa gulɔ e wa biran ma. ²³ Yezu zamisa an na ɲe ni wo: Apa ke tan ca ɲini, mɛ kɔni ke vɔnci ɲini yan. Apa ke dunuyan ɲini yan, na ce mɛ ka dunuyan ɲini ba. ²⁴ Na ce mɛ ɲamu apa na ni wo: Apa je cɔ a tama na ma gɔsɔ la won. Anhan, napa yen siɛn na ba ni wo: Mɛ ko waa, apa je cɔ a tama an na magɔsɔ la won. ²⁵ An na busu ni wo: Wan wele ya? Yezu zamisa an na ɲi ni wo: Mɛ ɲamu le apa na kabɛnl cɔn na. ²⁶ Yii jaani yen mɛ yan an ɲama an na na na ni o cirɛ citi la apa ma wo. Na ce le babu mɛ, na ɲimi ciɛn. Mɛ nɔgɔ len o yan mɛ ɲimi na diɲɛ na. ²⁷ An na yo ɲini ni de jɔn o Ɲina ma won ba. ²⁸ Yezu ɲama an na na ni wo: Napa tura lo bi balo la vɔn len were, apa jo ɲini naa yan ni wo: Ni mɛ ke naa. Apa jo ɲin naa yan ni wo: Mɛ ta n' de pɔyi mɛ se pan won ba. Mɛ Ɲina n' mɛ karan ɲa len ɲɔ, mɛ je so ma ya so ɲamɔ o mɛ nɛ naa yan. ²⁹ Le babu mɛ, na yen mɛ yan. A yen mɛ jɔn mɛ se tën na ba, na ce mɛ n' de o bɛlɛ yile len were. ³⁰ Yezu ɲamɔ na jɔn na len were, la jaani siɔn na. ³¹ Juifu yala len ma siɔn Yezu na, o ɲamɔ na ya na ni wo: Napa mɔ mɛ jɔn kole a tamɔ na bɛn, apa ji da mɛ karan bio na so so na. ³² Apa je ciɛn la ɲini, ciɛn la ja apa purumu. ³³ An na zamusɔ o ɲi ni wo: Epa ke Ibrahima bo bio,epa ka lo pɔyi bɔri fiyeu. Wan ma ɲimi ɲɛ ni epa ji purumu? ³⁴ Yezu zamusɔ an na ɲi ni wo: Camu camu ya mɛ ji ɲamu apa na ni wo: Lo wo lo n' de ma gɔsɔ, na ke magɔsɔ bɔri ya. ³⁵ Bɔri te guso won lo na len were ba, na ce bi balo kɔni ke guso won lo len were. ³⁶ Ni Vamara bi balo n' purumu apa, apa ji purumu so so na. ³⁷ Mɛ ɲinu ni wo: Apa ke Ibrahima bobio na, naa lakala na apa n' kuiri yan a gu mɛ, nace apa yen siɛn mɛ jɔn na yen jinɛ nɔ na apa po won ba. ³⁸ Mɛ na ma len mɛ Ɲina yan, mɛ n'de jɔn naa ma won. Apa nɔgɔ male apa ɲina yan, apa n'de naa ya. ³⁹ An na zamusɔ o ɲi ni wo: Epa Ɲina ke Ibrahima ya. Yezu ɲamɔ an na na ni wo: Napa ke Ibrahima bobi, a da Ibrahima ma deri yala. ⁴⁰ na ce bisaso, mɛ len nɔgɔ ciɛn la Wamara yan, a ɲamu apa na, apa n' kamɛuiri yan a gu mɛ Ibrahima yen na daba dɛ! ⁴¹ Apa n' de a ɲina dari waliya. An na zanmusɔ o ɲi ni wo: Apa yen lurɔ zɛli ya won ma. Ɲina bitën yen epa yan, na ke Vamara. ⁴² Yezu ɲama an na na ni wo: Ni Vamara tari ke apa Ɲina,mɛ ma tari ji ɲɔma apa na, na ce mɛ lurɔ Vamara yan a ko. Mɛ yen ko mɛ se pan won ba, na ce o wa babu mɛ. ⁴³ Bɛn da apa nɔgɔra mɛ jɔn na ba? Na ce apa gulɔ a ce a zara mɛ jɔn na yan ma. ⁴⁴ Apa Ɲina ke le, suntani ya. Apa yo yan a da a ɲina bɛlɛ yile ma. Na tari ke lo guan ci hali cɔn na. O yen jinɛ ciɛn bɛ ma, na yile na ciɛn pɔyi t'o po won. Na ni cirɛ macira len were, n'o n'de jɔn o mɛnɛ o se yan, na yile na ma cira cira ci ya, ma cira ɲinaa. ⁴⁵ Mɛ kɔni ɲamu ciɛn, na ce apa da la mɛ na ba. ⁴⁶ Apa yan wele nan mɛ ma gɔsɔ won? Ni mɛ jɔn na ciɛn ya, ben ce apa da la mɛ na ba? ⁴⁷ Le lurɔ Vamara yan, na ciri,o zɔra Vamara jɔn na yan. Apa nɔgɔra na ba, na ce apa yen lura Vamara yan ba. ⁴⁸ Juifu yala zamuso o ɲi ni wo: Ciɛn te epa yan e ɲamu ni Samari na ni na ba, ni wo: Ni zina yen n' san wa? ⁴⁹ Yezu zamisa an na ɲi ni wo: Zina te mɛ san ba dɛ, na ce mɛ ciri co mɛ Ɲina bɛn, apa n' mɛ jufini. ⁵⁰ Mɛ tan kuiri co yan mɛ se na ba. Dari yen len kuiri yan mɛ na, naa cirɛ ciri la. ⁵¹ Camu camu ya mɛ ɲamu an na na ni wo: Len zɛnrɛ mɛ jɔn na, na te ni ji cɔ fiyeu. ⁵² Juifu yala ɲamu na ni wo: Bisaso epa ɲinu e purumu ni zina yen san! Ibrahima cɔa, tôn bio la mu cɔa, wan ma ɲimi ni wo, lo zɛnrɛ wan jɔn na, na tan n' je cɔ fiyeu. ⁵³ Epa ɲina Ibrahima cɔa, wan zan ni na na wa? Tôn bio la mu cɔa. Wan ni n'de se ni wele na? ⁵⁴ Yezu zamisa an na ɲi ni wo: Ni mɛ na ganra se, na ganra la ka pɔyi. Le ganrɛ mɛ, na ke mɛ Ɲina, apa na ɲamu le san ni wo ni na ka apa Vamara, ⁵⁵ na ce apa y'o ɲini ma. Mɛ kɔni ɲinu. Ni mɛ ɲamu ni mɛ yo ɲini ma, mɛ ji da ni ma cira cira cina dama apa. Naa mɛ kɔni ɲinu, na ni mɛ zɛnri o jɔn na. ⁵⁶ Apa Ɲina Ibrahima bɛlɛ ɲɔma ni wo n'o je mɛ wɛn na na. O sa nɔ, o bɛlɛ ɲɔma. ⁵⁷ Juifu yala ɲamɔ na ni wo: Wan yen hali bele nɔn na dere ba, wan ni wan sa na Ibrahima? ⁵⁸ Yezu zamisa a na ɲi ni wo: camu camu Yezu ɲamɔ an na na ni wo: Yani Ibrahima ji lurɔ, san ni na ji da mɛ ye. ⁵⁹ Na jɔn na yile na an na tura bɔa napa jo yabu, na ce Yezu da'a sa o lurɔ Vamara zira ja mula won.