¹ Na dapɔn, Yezu tari kuiri Galile, na ce Juifu yala tari kuiri an na gɔ. ² Juifu yala tan jinanb bisayala da kuisi. ³ Yezu ɲi bi blo o ɲamɔ na ni wo: Ni lurɔ tee n' wa Jude, na ce n' karan bio la sumu n' ma deri yala na. ⁴ Lo pɔyi gulɔ o dasi se o da ma ba, ni o yɔya o ma la ɲini. Ni n' je so ma so da, da na ma la po la won n' bɔru se diɲɛ la na. ⁵ O ɲi bio ba tari ye siɛn o tan ma. ⁶ Yezu ɲama an na na ni wo: Mɛ ware were yii dere ba. Apa ya len were cana. ⁷ Diɲɛ gulɔ e da na kɔniɲaba, na ce ne de mɛ kɔniɲa , na ce mɛ n' o sɛrɛ n'o dari ma yala gɔsɔ. ⁸ Apa sa wa so bisa so na. Mɛ te ni ja so bisa so na ba, na ce mɛ wari were o yi dere ba. ⁹ O ɲama na jɔn an na na, o tama Galile. ¹⁰ Yezu ɲi bi balo wari da bisa nɔ, ose mu wara, na ce o y'o se bɔrɔ po la won ma, o wara la la to kun pa won ma. ¹¹ Juifu yala ni kuiri ya bisa la won. An na tari n' busu an na ni wo: O ye ze? ¹² Ɲi tan biri a jɔn na zɛn an na sɛrɛ. Dari ni wo: Ni lo cana ya. Dari ni wo: Ni ka bɛ ba, ni ligi la ya dɛ. ¹³ Na lakala kuiri dan, lo pɔyi ye jɔn da po la won o ma won ma, na ce. an na soe Juifu yala sa tan. ¹⁴ Bisa y'o bɛlɛ wo len were, Yezu wara vamara ja murɔ la won o da lala karan. ¹⁵ Juifu yala da kaba, An na ɲamɔ ni wo: So ba so ɲini Vamara va la ɲɛ ni ɲɛ? O ma yi na karan da ba. ¹⁶ Yezu zamisa an na ɲi ni wo: Mɛ n' de lo karan len na, na ka mɛ ɲini ba, mɛ ba ba ci ɲini yan. ¹⁷ Lo le ci yo yan o da Vamara bɛlɛ yile wo ma, o je ɲini yala ni na karan la lurɔ Vamara ya, ni naa mɛ n' de jɔn mɛ se pan won. ¹⁸ Lo le ci n' de jɔn o se pan wo, na kuiri o ganrɛ o se ɲɔ. Na ce len kuiri o baba ci ganrɛ ya, na ci ke tiɲɛ ci, ma gɔga pɔyi to na wo. ¹⁹ Moïse ye tɔn na apa na wa? Na ce apa pɔyi ta ni vere o mɛ ni na tɔn na na ba. Bën da apa ni kuiri mɛ ya a gu mɛ? ²⁰ Zama la zamisa o ɲi ni wo: zinɛ yen n' san. Wele n' kuiri n' ɲa o goen? ²¹ Yezu zamsa an na ɲi ni wo: Mɛ da dali wali bi tën yan, apa da kaba na na. ²² Moïse nɛ jiri bra tɔn na le la, hali namu Moïse ye na ma la ɲi mɔ ma O ɲi mɔ epa tɔrɔba yala yan, na tɔn na yile na apa siɛnrɛ a bri jiri lo san hali tan fin fin na wura mɔ. ²³ Napa ni bri jiri bibalo san fin fin na wura yele Moïse tɔn na ba ɲɛni ba, ben ce apa bɛlɛ ka fɛnrɔ mɛ tan ni mɛ da ba dari yara nama lakala cɛniɲɛ fin fin na wura? ²⁴ Apa ba ciri cirɛ o mɛni yii yala damala sa na ba. A cira ciri cɛnsɔ. ²⁵ Zuruzalɛm na la dari ɲamu ni wo: An na ɲo yan a gɔ ba le la ka na ni so na ba? ²⁶ sumu na, ne de jɔn zama la sele, an na yemere pɔyi o na ba! Epa pan o ɲunu o purumu ni so ka kirisita ba wa? ²⁷ Na ce ni Kirisita nin kɔan len were, lo pɔyi j'o lura nɔ na, na ce epa ɲini so ba so lura nɔ. ²⁸ O jɔn Yezu bran lala karan na wo Vamara ja la won, o pasarɛ ni wo: Apa ni wo apa ɲini mɛ apa ɲini mɛ lura nɔ! naa lakala na, mɛ ye ko mɛ se pan wo ma, mɛ baba ci sɔbɛ ya. Apa ye naa ɲini ma! ²⁹ Mɛ kɔni ɲinu na ce mɛ ko o lurɔ na won, naa babu mɛ. ³⁰ Na ce an na kuiri o mɔan sa ya na jo mɔ, naa na lo pɔyi ye gulɔ o co o nɛ o bɛn an na mɔ ba, naa na o were la yen yi dere ba. ³¹ Na lakala won, zama la la jaani siɔn tan. Ni wo: Ni kirisita ni kɔan len were, O ji tɔmuso jaani da o kɔru so ba so ɲina bɛn wa? ³² Farizɛn yala nɔgɔ zama la ɲi tan bir'a jɔn na Yezu maa na, naa yile na, pɛɛ cala ɲɔ cala na ni Farizɛn yala an na ce sɔrɔsi yala na wo mɔ. ³³ Yezu ɲamɔ an na na ni wo: Mɛ ye apa yan a da were jinjɛn an na yan dere, na dan, mɛ jaa mɛ bɛ ba ci yan. ³⁴ Apa ji kuiri mɛ yan, naa na apa ja mɛ na ba, na ce mɛ ji jinɛ tan le nɔ, apa gula a wa biran ma. ³⁵ Juifu yala buse da ni wo: O wa gulɔ o wa ze, ni epa mu gulɔ e wa bran ma? Juifu yala len ma ka sansɔ Grɛki yala sɛrɛ, o ja na ya nɔ na o wa Grɛki yala da karan wa? O ɲamu jɔn lema ni wo: ³⁶ O ɲamu jɔn lema e ji kuiri o yan, na ce epa jo na ba,na na o ji da tan len nɔ, epa gulɔ e wa bran ba, bran ke ben. ³⁷ Bisa la jɔa wura, bisa were murɔ wura kɔni, Yezu jangala zama la sɛrɛ o pasari ni wo: Mini kɔnɔ yen le san, na ko mɛ yan o ɲɔan. ³⁸ Lo len sian mɛ tan, Lo mini cana ji sɔa o lurɔ na ci bɛlɛ bi wo, dama va la ɲamu ɲa le ɲɔ. ³⁹ Yezu n' de jɔn so ma na, o lanayala cala ji len na. Na were la kunmara cana ye nɛn dere ba, na were la lenbe ye ce Yezu bɛn dere ba. ⁴⁰ Zama la won lo darɛ nugɔ Yezu jɔn na, Ni wo: camu, so ba so tôn bi so so wa! ⁴¹ Dari ni wo: Ni kiris'a! buru ni wo: Naa na ni kirisita gulɔ o lurɔ Galile wa? ⁴² Vala yo ɲamu ba wa ni wo ni kirisita ji lurɔ David bo bio won, ni wo o ji lurɔ Bɛtilihɛm, David jinɛ zere len won na? ⁴³ Naa na an na jɔn na ta cira Yezu ma na. ⁴⁴ An na dari yo yan an na mɔ, Na ce lo pɔyi ye gulɔ o ce o nɛn o bɛ. ⁴⁵ Sɔrɔsiyala jugu a da na an na wa pɛɛ ɲuncala na ni Farizɛn yala nɔ na, na ya busu a na ni wo: Bën ce apa yen ko na ba? ⁴⁶ Sɔrɔsiyala zamisa an na ɲi ni wo: Lo pɔyi ye jɔn da dama so ba so ba fiyeu! ⁴⁷ Faizɛn yala busu a na ni wo: O lege apa mu wa? ⁴⁸ Epa pama bi tën na ni Farizɛn bi tën siɔn tan wa? ⁴⁹ Na ce so zama so an na ɲini tɔn na ba, an na ka danganiya. ⁵⁰ Nikodɛm wara Yezu yan, na ni Farizɛn bi tën dari, o ɲama anna na ni wo: ⁵¹ O mɛni epa tɔn na yan, e gulɛ ciri cirɛ lo bɛn ne ye zara co yan e ɲunu o ma dere yala wa? ⁵² An na zamisɔ ɲi ni wo: Wan mu nɛ lurɛ Galile wa? Sumu Va la na, n' jo na ni wo: tôn bi pɔyi ye lurɔ Galile dere ba. ⁵³ Na dan, an na lakala wara jan tën tën.