¹ Na dapɔn, Yezu wara Galile lo la dapɔn, na Tibɛriyade lo la. ² Zama jaanin cungunu o dapɔn, na ce n,o de lɔri cala cɛniyɛn ɲale ɲɔ nɔ, an na tari nï n' na kabako ma la. ³ Yezu jire cile la bɛn, o wa n'o karan bio la jina bran. ⁴ Juifu yala bele kɔara fɛti da cusi o zɔw. ⁵ Yezu turɔ o sa vɔn o sana zama la na koe o yan. O ɲamɔ Filipe na ni wo: Epa ji buru yɔa ze, yele la la na jiri yii a ji? ⁶ O ɲamɔ na o bri Filipe ɲi taan, a ce o ji le da,o se ɲini na o zɔw. ⁷ Filipe zamusɔ o ɲi ni wo: Hali dɛɲɛ kunma ɲii buru la yɔa o nɛ jin jɛn jin jɛn an na na, an na lakala ja dari na na o ma. ⁸ Simɔ Pɛri ɲi bi balo Andre, le k'o karan bi dari, a ɲamɔ na ni wo: ⁹ Buru ɲɔ nɔ na ni pore yigi ɲi yen ba dari lon te, na ce na n' ji bën vari so la jaani so na? ¹⁰ Yezu yama an na na ni wo: Apa a ce zama la tan. gari jaani yen bran na. o caa na tan, o tari yiiri ba la waa nɔ. ¹¹ Yezu tura na buru la o da Vamara manwali o cirɛ na buru la ta na la tan jinɔ la yan. o nɛɲi pore yege ɲii an na na bɛn, an na lo tën tën na lakala na o bɛlɛ yile won ca. ¹² An na lakala van da ni jiri yii la na, Yezu ɲamɔ o karan bio la na ni wo: A pɛra buru tɔ len tamu na o ba ɲini o ɲɛni ba. ¹³ An na pɛrɛ na buru tɔ la an na po dora fo ni ɲii na,le tan mɔ jiri yii dari dapɔn. ¹⁴ La la na Yezu tomuso la len were la, na dan: Tôn bila le k,o kan ni o ko diɲɛ won, so ba so se ya! ¹⁵ Yezu ɲinɔ an na yo ya an na da so an na mɔ an dɔ ni pa na, na yile na o lurɔ tele na o wa jini kile la bɛn dɔrɔ na tele na. ¹⁶ Wɛn zeri were, Yezu karan bio la cuse tan an na wa lo la len. ¹⁷ An na jɔan ɲa ɲi na won an na mɔ lo la cira ɲi an na wa ka pɛrnüm sa yan. Tan la binɛ Yezu ye ko dere ba. ¹⁸ Wanmɛ mura zuga lo la bɛn o tuntangani mii na foo kɔrnɛ. ¹⁹ An wa cila yan ni ɲa ɲi na na lo la bɛn an na da kilo nɔ na ni kilo nɔrɔ yɔrɔ. Na were an na sa nɔ Yezu, o tari n'o veri miin na bɛn n'o debi ɲa ɲi na san, pan cin gle da a na. ²⁰ Nace Yezu ɲama an na na ni wo: Mɛ ya, a ba sɔ ba. ²¹ Na were o ɲɔma an na na o zɔn an na yan ɲa ɲi na won. na Tan tën na won, ɲa ɲi na ye o zangala nɔ na won. ²² Na tɔn zara, zama lema tamɔ lo la dapɔn, na ya sumu na ni ɲaɲi bi tën yen bran. An na ɲunu ni wo: Yezu ye zɔn ɲaɲi na won ma o karanbio la yan ma, na na karan bio la sia mini lurɔ biran na. ²³ Na were Ɲu ci la da Vamara mawali o nɛn buru an na na an na ju tan le nɔ na, ɲa ɲi boru yen bran na o lurɔ Ti bɛriyade zere le la won. ²⁴ Zama la nɔ ni wo Yezu ni o karan bio pɔyi ton bran na, an na zɔan na ɲaɲi na won an na wa Kapɛrnaüm a wa kuiri Yezu nɔ yan. ²⁵ An na wa mɔ ni Yezu na lo la dapɔn, An na ɲamɔ na ni wo: Karan ɲuci, n' wan ɲi te ben were na? ²⁶ Yezu zamisa an na ɲi ni wo: Camu camu mɛ na ɲamɔ an na na ni wo: Apa na tomso le ma, apa te ni kuiri mɛ yan na yile na ba. Apa kuiri mɛ yan na ce apa na jiri yii a ji a va. ²⁷ Jiri yii le zoei, apa a ba wali da na nari yile na ba, foo jiri yii le ji tamɔ o nɛn sayɔya len zoere ba. Lo bi balo ji na jiri yii nɛn apa na, na ce Vamara ce tomso o bi balo la bɛn. ²⁸ An na busu ni wo: Epa cana e da ben e da Vamara bɛlɛ yile wali? ²⁹ Yezu zamisa an ɲi ni wo: Vamara bɛlɛ yile ni soo na, ni Vamara babu le, apa siɛn na tan. ³⁰ An na busu ni wo: N' gulɔ n' bɔru tomuso len epa na, na ce epa siɛn n' tan? I ji ma deri le da? ³¹ Epa turɔ bayala je Manɛ gan wulu la won, dama ko gɔn n'vari murɔ la won ɲa ɲɔ: 0 nian jiri yii an na na o lurɔ vɔn na. ³² Yezu zamisa an na ɲi ni wo: Camu camu mɛ jo ɲamɔ an na na ni wo: Moïse ye jiri yii nɛn apa na o lurɔ vɔn na ba, na ce mɛ Ɲina nɛn jiri yii cincana o lurɔ vɔn na. ³³ Na ce le cusu o lurɔ vɔn na o ko sayɔya nɛn diɲɛ na, na ke Vamara jiri yii ya. ³⁴ An na ɲamɔ na ni wo: E Ɲuci nɛ na jiri yii la epa na len wura. ³⁵ Yezu ɲamɔ an na na ni wo: Mɛ ke sayɔya jiri jii. Lo len n' kɔan mɛ san, ɲisimɛn ja na mɔn seba. Len sian mɛ na, mini kɔnɔ ja na mɔn seba. ³⁶ Na ce mɛ ɲamɔ apa na o zɔw ni wo: Apa sa na mɛ, hali namu, apa yen lanaya da ba. ³⁷ Mɛ ɲina nɛn len ma mɛ na, naa ya lakala nin koe mɛ yan. Len ni kɔan mɛ ya mɛ ja na ci juso o lurɔ fɛn na fiyeuw. ³⁸ Na ce mɛ ye cusu a lurɔ vɔn na mɛ se bɛlɛ yile won ma na ba,foo mɛ ba ba ci bɛlɛ yile won ma. ³⁹ Mɛ bɛba ci bɛlɛ yile ni so na,o nɛn le ma mɛ na, na ya pɔyi ba da cunu mɛ san ba, na ce mɛ kɔru na ya sa sayɔya yile na were zɔara wura. ⁴⁰ Mɛ Ɲina bɛlɛ yile ni so na, Lo le n' sumu bi balo la na o da lanaya o bɛn, na ya na sayɔya len zoere ba, o je na ya sa kɔrɔ were zɔara wura la. ⁴¹ Juifu ɲucala ɲamɔ yen tan jɔn Yezu yile na, na ce o wa ɲamɔ ni wo: o wa ke jiri yii le cusu o lurɔ vɔn na. ⁴² An na ni wo: so ke Juzɛfu bi balo Yezu ba wa, epa ɲini le ɲina ni o ɲi ka na ba wa? Bisaso wan gulɔ ɲamu ɲɛ ni ɲɛ ni wan lura vɔn? ⁴³ Yezu zamisa a na ɲi ni wo: A Jɔan lo lo ni won jɔn na ɲi tan. ⁴⁴ Lo pɔyi gulɔ n' ko mɛ yan ni ka mɛ Ɲina le babɔ mɛ, ni na yen panmu ma. Mɛ je na sakɔru were la zɔa wura . ⁴⁵ Tôn bio la gɔan so jɔn so ni wo: An na lakala ji da karan Vamara yan, Lo wo lo n' co zara mɛ Ɲina jɔn na yan o dɔ karan o yan, na je ko mɛ san. ⁴⁶ O tôn dama lo sa na mɛ Ɲina ba. Le ko o lurɔ Vamara yan, na se tën sa na mɛ Ɲina. ⁴⁷ Camu camu mɛ je ɲamɔ an na na ni wo: Len sian mɛ tan, sayɔya len zoere ba yen na ci yan. ⁴⁸ Mɛ ke sayɔya jiri yii. ⁴⁹ O jɔ an na trubaya gan wulu la won, an na je Manɛ an na cɔ. ⁵⁰ Na ce jiri yii le cusi o lɔrɔ vɔn na, so wa. len je na, na ja cɔ ba. ⁵¹ Mɛ jiri yii canaan len cusu o lɔrɔ vɔn na, na ce ni lo len ji naa o sayɔya ji tamɔ len were. Mɛ ji jiri yii len nɛn an na na, na ke mɛ yara nama, mɛ je na nɛn na ce diɲɛ naa sayɔya. ⁵² Na jɔn na yile na, ɲukɔrɔ murɔ zuga Juifu yala sɛrɛ. An na ni yemi ni wo: So ba so gulɔ o nɛyi o yara na ma epa na ɲɛ ni ɲɛ, epa ji na? ⁵³ Yezu ɲamɔ an na na ni wo: Camu camu la mɛ je ɲamɔ an na na ni wo: Napa ye lo bi balo yara nama ji a yɔn jɔrɔmɛ sayɔya t'a na powon fiyeu. ⁵⁴ Le ji mɛ yara nama o yɔan mɛ jɔrɔmɛ, sayɔya le zoere ba na yen na ciya, mɛ ji na ci sa kɔrɔ were la zɔra wura. ⁵⁵ Na yile na mɛ yara nama jiri yii canaa, mɛ jɔrɔmɛ yɔan yii canaa. ⁵⁶ Len je mɛ yara nama o yɔan mɛ jɔrɔmɛ na ye mɛ yan, mɛ yen na yan. ⁵⁷ Mɛ ɲina le babu mɛ, na yen sayɔya won ɲa le yɔn na, mɛ de sayɔya na san, na yɔrɔ len je mɛ, na ni de sayɔya mɛ san. ⁵⁸ Jiri le cusu o lɔrɔ vɔn na, so wa. Apa turɔba yala ji Manɛ le la ze an na ko cɔ, na ni so ka tën ma. Len je so jiri yii so na tamɔ sayɔya won len zoere ba. ⁵⁹ O jɔn Yezu vazira ja la won kapɛrɛnaum la la karan na san, o ɲama na jɔn yala. ⁶⁰ Yezu karan bio la jaani na nugɔ o jɔn le la, ni wo: So jɔn so kurɔ dɛ. Lo le gulɔ a da so? ⁶¹ Yezu ɲinu o se na n'o karan bio la bri o ɲi tan o jɔn wa san? O ɲama an na na ni wo: Apa yɔn ɲɛ na wa? ⁶² Lo bi balo yen tan le nɔ cɔn na, na pa sa nɔ o jira ciri n'o ja bran sema? ⁶³ kumara de lo ni sayɔya na, yara nama vere pɔyi. Mɛ ɲɛmi jɔn le apa na, na ke kunmara na ni sayɔya na. ⁶⁴ Na na dari yen apa sɛrɛ na ci yen lanaya da dere ba. Lo le yen lanaya da dere ba na ni lo len ji ce nɛn won. Yezu ɲine na ya lakala fɔn fɔn na. ⁶⁵ O ɲama so ma ni wo: Na ce mɛ ji ɲamɔ apa na ni wo: Lo pɔyi gulɔ o ko mɛ san ni mɛ ɲina yen pan nɛyi na ci na ba. ⁶⁶ Fɔn fɔn were la, o jugu a da na, a na ye vari o yan se ba. ⁶⁷ Yezu ɲamɔ o karnbio la fo ni ɲii la na ni wo: apa yoyan a jugu a da na wa. ⁶⁸ Simɔ Pɛri zamiso o ɲi ni wo: ɲuci, epa ja wele yan ? Sayɔya len zoere ba jɔn na nï wan yan. ⁶⁹ Bi sa so epa siɔn n'tan e ɲinu ni wo: Epa ɲinu ni wan ke Vamara Yi Cana. ⁷⁰ Yezu zamisa a na ɲi ni wo: Mɛ y'apa la fo ni ɲi tɔsɔ baa, na lakala won a wo lo tën ke suntani ya! ⁷¹ O tari n' de jɔn Simɔ bibalo Judas Iskariyɔti ma na,na nɛn je Yezu ce nɛ wo, O karan bio la fo ni ɲii lo tën ya.