¹ Na dapɔn Yahutu yala sɛlɛ dari da, Yezu wara Zuruzalɛm. ² Van murɔ dari yen miini jaani yo won Zuruzalɛm, pisiro la jɔan yin jelen yan, hɛburu jɔn na won na yile ni Bɛtesayida. zɛnmɛlɛ nɔn yen bran. ³ Lɔru caa jaani punɔn yen tan na zɛnmɛlɛ la tan, narɔla na ni ba tën yala ni luga yala. An na ni ban ni mina tuntangana la, ⁴ Na ce Ɲun ci la mɛlɛkɛ dari cuse tan na van mini murɔ la won were dari won o tuntangani mina. Lɔru caa len ma da fala a cusu miina won na miina tuntangana la dapɔn, lɔru si wo si le y'o san, na ni de cɛniyɛn. ⁵ Ba dari yen, lɔru y'o san o yiiri belen sun cɔɔ na ni bele lena. ⁶ Yezu nɔ o punɔ yen tan o ɲuun o ya jɛɛra ni ko kurɔ ba, o busu na ni wo: N' yo yan n' da cɛniyɛn wa? ⁷ Lɔri ci la zamusɔ ɲi ni wo: Ɲun ci, lo pɔyi te mɛ yan ma o cusu mɛ tan miina won ma mina tuntangana were la ba. Mɛ ni mɛ ji da ban ba len were la, lo buru jida fala mɛ cilen. ⁸ Yezu ɲamɔ o selen ni wo: Zugu n' turɔ n'cari la n' wa. ⁹ Tan tën nɔ,na bala da cɛniyɛn. o turɔ o cala o vari. Na da fin fin na wura na. ¹⁰ Naa na juifu yala ɲamɔ na bala le da cɛniyɛn la na ni wo: Zɛ ke fin fin na were ya, o cana n' san n' turu n'ca la ba. ¹¹ o zanmusa na ɲi ni wo: Le da mɛ cɛniyɛn la, na ɲamu mɛ na ni mɛ tura ca la a wa. ¹² An na busu ni wo: Wele ɲamɔ n' sele ni turɔ n' ca n' vari? ¹³ Na ce bala le da cɛniyɛn la, an na ɲunu o cɛniyɛn ci ba,na yile na, na la jaani la yile na, Yezu lura bran na o zɔɔ. ¹⁴ Na dapɔn, Yezu na na bala Vamara ja mu mu la won o ɲamu na ni wo: Ke cɛniyɛni bran ba ma gɔsɔ da seba, naa na yile gɔsɔ ni lɔrɔ na na ben na seba. ¹⁵ na bala wa ɲamu juifu yala selen ni Yezu dɔ wa cɛniyɛn. ¹⁶ Na yile na Juifu yala mɔ ɲi na pɛnri Yezu, bën yile na o da na ma la fin fin na wura la. ¹⁷ Na ce Yezu zanmusa an na ɲi ni wo: Mɛ Ɲina n' de wali len were mɛ mu n'de wali. ¹⁸ Na jɔn na yile na, juifu yala kuiri ya an na guɔ o kɔru fɔn fɔn ci la bɛn, ka fin fin na wura la se miini ma, naa o ɲamu sema ni wo: Ni Vamara ko wa ɲina, an na yan, ni wo: N'o mɛ ni se Vamara yan. ¹⁹ Na were la Yezu zanmusa an na ɲi ni wo: Canmu canmu mɛ ji ɲamɔ apa na ni wo: Vamara bi balo la dere pɔyi o se pan won ma, foo o nin le dari ciri o Ɲina Vamara yan. Ɲina n' de ma wo ma, o bi balo mun de na'an. ²⁰ Ɲina Vamara bi bala la maa ɲɔna, o se n' de ma wo ma, o bɔrɔ na lakala o bi balo la na. O jo ma dere yala bɔrɔ o na len ma ganra bɔn na ya, na ce a da kaba. ²¹ E Ɲina Vamara koeri la cɔ la sa ɲa len ɲɔ la lesila, Na yɔrɔ o bi balo yo yan o nɛ sa yɔ yala len na o nɔn na ya na. ²² E Ɲlna Vamara cira ciri lo pɔyi bɛn, na ce o na ciri ma la lakala o bi balo la na, ²³ na ce la la lakala ce co o bi balo la bɛn dan ma an na ciiri co e Ɲina Vamara bɛn ɲa le ɲɔnɔ. Len cere co o bi balo la bɛn ma na cere co o Ɲina Vamara bɛn ma, na cere co o ba ba ci Vamara mun bɛ ma. ²⁴ Canmu canmu mɛ nɛ ɲemi an na na ni wo: Len ce zara mɛ jɔn na yan o sɛn mɛ jɔn na tan, sa yɔ ya yen na ci yan len zoere ba. Na ba te ciri la won ma, na ce na lura cimɛ won o zɔn sa yɔya yan. ²⁵ Canmu canmu mɛ jo ɲama an na na ni wo: Were ni koe, na were ni bisaso na, la cɔ yala ji Vamara bi la kole nɔgɔ, o nuga cala ji sayɔyala na ²⁶ Na ce e Ɲina Vamara o yen selen ɲa len ɲɔ, na si la na o nɔ o bi balo la na o na selen ciiri ya o se na. ²⁷ O nian pan o bi balo la mun na o cirɛ ciiri na ce lo bi balo wa. ²⁸ A ba da kaba na san ma, na ce were nin koe, laa cɔ len ma yen cɔ van la won, an ji o kole nɔgɔ. ²⁹ An ji lurɔ bran ma cana dari cala sa ji kɔru sayɔyala la yile na, magɔsɔ dari cala sa ji kɔru ciiri la yile na. ³⁰ Mɛ gula a da pɔyi mɛ se pan na ba. Mɛ cirɛ ciiri o mɔ ni mɛ nɔgɔ jɔn len Vamara yan. Mɛ ciiri la ko cɛn sɔ, na ce mɛ se kuire a bɛlɛ yile ma yan ma, foo mɛ bɛ ba ci bɛlɛ yile. ³¹ Ni mɛ se bri mɛ se sɛrɛ, mɛ sɛrɛ la ka ciɛn ba. ³² Na ce lo buru ni bri mɛ sɛrɛ, N'o bri mɛ sɛrɛ le la, mɛ ɲinu ni wo: Naa canmu ya. ³³ Apa ba ba tôn bio an na wa Zan yan, o ɲama ciɛn sɛrɛ. ³⁴ Mɛ tôn yan lo bri mɛ sɛrɛ ba, na ce mɛ na ɲamu so ma ya so yele apa da krisi. ³⁵ Zan da petana mereo na len ni bri pola, O ɲɔma apa na a da weere len da a bɛlɛ ɲɔmɔ na pola la won. ³⁶ Na ce sɛrɛ dari yen mɛ yan le zan n'o bɔn zan ɲina. Mɛ Ɲina nɛ dari wali le ma mɛ na ni mɛ da na o ɲe pusɔrɔ, mɛ n' de na le ma la, na dari wali yala n' bri mɛ sɛrɛ ni mɛ Ɲina ba ba mɛ. ³⁷ Mɛ Ɲina len babu mɛ, na se bri mɛ sɛrɛ. Apa yen jɔn kole nɔgɔ weere pɔyi, apa y'osa na ba. ³⁸ o jɔn na jinɔ te apa po won ba, na ce o babu len, apa yen siɛn na tan ma. ³⁹ Apa n'zɛnglɛ a sa Vamara va la won, na ce o ya a pa pon won ni wo: Ni sayɔya nin na won. Na yan ni bri mɛ sɛrɛ! ⁴⁰ Hali zɛ, apa tan na sɛnri na koe mɛ san ban yele a na sayɔya ba. ⁴¹ Mɛ tan kuiri co yan la la yan ba. ⁴² Bëna mɛ ɲini apa, mɛ ɲuno ni Vamara ma ɲuma la ta pa won ma. ⁴³ Mɛ ko a ɲina yile na, apa yen siɛn mɛ tan ba. Ni lo dari n' kɔan o se yile na, apa yen siɛn na tan. Apa je gula a da lanaya ɲɛ ni ɲɛ? ⁴⁴ Apa lema ni kuiri co yan, n' da yan na ce co le lɔrɛ Vamara sɛ tën yan, apa ta n' kuiri na yan ba. ⁴⁵ o ba jinɛ apa pon won ba ni mɛ je a pa ba ce e ɲina sa tan. Apa ji lani yen Moïse len bɛn, na ji da apa ba cira ci na. ⁴⁶ Na pa tari siɛn moïse tan,apa tari ji siɛn mɛ mu tan,bena o da vari gɔn mɛ ma na. ⁴⁷ Na na na pa ye siɛn Vamara vari gɔn la na ba,apa ji siɛn mɛ jɔn na tan ɲɛ ni ɲɛ.