¹ Farizɛn yala nɔgɔ ni wo: Yezu nɛ karan bio o bɔmɔn Zan. ² na lakala kuri, Yezu ye lo pɔyi fɛ, o karan bio la n' fɛrɛ an na. ³ Yezu ɲinu na len were la o lura zuda jamana la won o jugu da na Galile jamana la won. ⁴ O wari ciri la, pan o cere Samari zere la. ⁵ O ye Samari zere dari won, o yile Sikar. Jacob nɛ vula le o bi balo Joseph na, na kusi o san. ⁶ Jacob, suni tari yen bran. Yezu pian vara la na, o jinatan na sun na len. Wɛn kɔrugɔ were la. ⁷ Samari kan dari o kɔan mii na bri. Yezu ɲama na ni wo: Nɛn miini darɛ mɛ na mɛ yɔan. ⁸ Na mɔnun na o karan bio la tari wara sara won an na wara jiri yii yɔa. ⁹ Na Samari kan la ɲamɔ Yezu na ni wo: Wan jufu ciri n' ziri mini mɛ yan ɲɛ ni ɲɛ? mɛ len ke Samari na kan. Na yile na Jufu yala siɛnra ba apa ni samari nala siɛnra an na da pɔyi da yan ma. ¹⁰ Yezu jamuso o ɲi ni wo: Ni tari ɲini Vamara pɛ yii la, na ni len nin kuiri mini ya n' yan o ɲɔan, n' se tari je na ziri, o tari je mini cana nɛ na. ¹¹ Kan la ɲamu na ni wo: E Ci, wini ni lɔgɔ te wan ya ma, Sun na ma juɛn. Wan ma ji na mini cana la bri ze? ¹² Epa truba Jacob nɛn sunun so epa na. O se n'nɔ bio la na ni biyan yala an na ɲɔ o mii na. Wan zan ni Jacob na wa? ¹³ Yezu jamuso o ɲi ni wo: Lo wo lo ɲuɛ so sunu so mi na, mini kɔnɔ ji na mɔn sema, na ce mɛ ji mini len nɛn lo na, ni o ɲuan na, mini kɔnɔ je na mɔn seba, ¹⁴ na yile na mɛ je mini len nɛn na, na je da mini sua cin na o po won le soe fo wa yi sa ɲɔ yala yan. ¹⁵ Kan la ɲamɔ na: E Ci, nɛn na mina mɛ na, yele mini kɔnɔ ba mɛ mɔn ma, mɛ ba ko mini turɔ te seba. ¹⁶ Yezu ni wo: Wa n' bara komu ni wo ko. ¹⁷ Kan la zamuso o ɲi ni wo: Bara te mɛ yan ma. Yezu ɲamɔ na ni wo: N' ɲama ciɛn ni wo ni bara te wan yan ma, ¹⁸ na yile na n' jina bara nɔn yan. N' ye le ya bisaso, na ke n' bara ba. n' ɲama ciɛn. ¹⁹ Kan la ɲamɔ na ni wo ni E Ci, mɛ sumu o na ni wan ke tôn bi. ²⁰ Epa Samari naa la, epa truba yala ce co Vamara bɛn so cilen so bɛn, haya apa jufu yala ni ɲɛmu ni wo lo cana o ziri Vamara tan len nɔ ni wo na zuruzalɛm'u wan. ²¹ Yezu zamuso o ɲi ni wo: Da, la mɛ na kan la, were n' koe, apa ji co ce Vamara san ni ka so cile so ba, ni ka Zuruzalɛm mun ma. ²² Apa Samari na so, apa n' ciri co le san, apa ye na ɲini ma. Apa Juifu yala nɛn ciri co le san, epa ɲini na, na yile na ɲɔ bira lurɔ juifu yala yan. ²³ Na ce were n'o koe, o were ye o zɔw, co ciri ca la so so la an na ji co ce Ɲina Vamara san kunmara na na ni ciɛn na, na ce e Ɲina Vamara ni kuiri na co ciri cala yan. ²⁴ Vamamra ke kunmara. Le ma n' ciri co san, paan an na ce co san kunmara na na ni ciɛn na. ²⁵ Kan la ɲamɔ na ni wo: Mɛ ɲinu ni ɲɔ ci ji ko, na taan ni krisa. Ni na ni kɔan len were la, o je yii lakala ɲamɔ e na na. ²⁶ Yezu zamuso o ɲi ni wo: Na mɛ se ya, mɛ len n' de jɔn n' ya. ²⁷ Na were la Yezu karan bio la jugua a da na o nɔ na, an na nɔ ni wo an na nɔ n'o de jɔn kan dari yan, an na da kaaba, naa ya lo pɔyi ye glɔ o busu ni wo: Nin n' kuiri bën yan an na yan, bën ce n' da jɔn na kan la yan? ²⁸ Kan la o jɔn o zura bran o jugu o da na o wa sara won o ɲamu lala na ni wo: ²⁹ A kɔan sumu ba dari na, o ɲama mɛ ma deri yala lakala mɛ na. So ka kirisa ba wa? ³⁰ La la lura sara la won an na wa Yezu yan. ³¹ Na were la karan bio la ziru Yezu ni karan ɲu ci ji jiri yi la. ³² Na ce Yezu zamisa na ɲi ni wo: Jiri dari ye mɛ yan a ji, apa ɲine na ba. ³³ Na na karan bio la nɛ buusi da ni yele lo dari ko jiri yii nɔ na wa, ³⁴ Yezu ɲama an na na ni wo: Le ba bɛ mɛ a da na bɛlɛ yile ma, o nɛ wɛli len mɛ na, mɛ da na a pusurɔ o ɲi, na ko mɛ jiri yii la. ³⁵ Apa ta ɲime ni wo kari naansi ye pa ni ɲan ka la sɛrɛ wa? Na ce mɛ j'o ɲamu apa na ni wo Apa a tura a sa vɔn a sumun vula yala na. Ɲa la cesene, o kan were ye o zɔw. ³⁶ Len ni ke ɲaa, len ni n' ke ɲa na nɔ o wuyan yiri la, o ciri yii jo yala da yan sa yɔ ya yala yile na, Na ce len ni kule kulali len ni ke yii jo la an na bɛlɛ ɲɔmɔ da yan. ³⁷ So jɔn so canmu'a len ni ɲimi ni wo: lo dari ni n' kule kulali, lo buru n,o ke o ɲaa la. ³⁸ Apa yen vula len gɔn ma, mɛ ce apa a wa na yii jo la cirɛ. Lo buru guan na, apa na yii na yaa wali la won. ³⁹ Na zere la won Samari naa la jaanni sian Yezu jɔn na tan na kan la sɛrɛ la yile na, ni wo Yezu ɲamu o wa ma dere yala lakala. ⁴⁰ Samari na la wa Yezu yan len were la, an na ziro n'o jenɛ apa yan. o tama an na yan o da wɛn ɲii an na yan bran. ⁴¹ La bure jaanni sian Yezu na o se jɔn ɲamɔ na yile na. ⁴² An na ɲamɔ kan la na ni wo: Bisaso na, epa ye siɛn o na wan jɔn na mini yile na ba, na na epa si ya nungɔ' epa ɲinun ni wo ni so ke diɛɲɛ kisi ci so so la ⁴³ Wɛn ɲii kɔara dapɔn, Yezu lura bran o wara Galile, ⁴⁴ Na yile na Yezu se ɲamɔ ni wo: Tônbi pɔyi nere co o se jamana la won ma. ⁴⁵ o ɲe Galile len were, na jamana la won la la mɔn cin cana, na ce nari ya sa wara bisa na zuruzalɛm. o da ma len ma na were la an na na naa lakala. ⁴⁶ Yezu wara Galile Kana sema, o lamise miin na o da ni divɛn na zere len won na. Guvɛrɛnama ɲun ci dari yen, o bi balo ko kɔrɔ ba o yan guso won kapɛrnaum. ⁴⁷ Na ba la nɔgɔ ni wo Yezu lura zude jamana la won o wa yi Galile jamana la won, o wara o yan o ziro ni wo ni ko wa yan Kapɛrnaum ni ko o wa bi balo da cɛniyɛn ni k na ba o yo yan o cɔ. ⁴⁸ Yezu ɲamɔ o na ni wo: Na pa yen tomuso yala na na ni kaba ma yala na apa siɛnra a da lanaya ba fiyeu! ⁴⁹ na yile na o zamisɔ ɲi ni wo: E Ci, ko mɛ guso wo, san ni mɛ bi la ji cɔ. ⁵⁰ Yezu ɲamɔ na ni wo : Wa n' bi la yow sɛ len. Na bala sian Yezu jɔn ɲamɔ la na, o wara. ⁵¹ O wari ciri, o bɔri yala kɔan o ɲɔ zanmisi an na ɲamɔ na ni wo: Ni n'bibalo o yen n' sɛlen! ⁵² o busu a'na ni wo: o bi balo la jɔmɔ bën were na, a na zanmuso o ɲi ni wo: Daan wɛn zere were dɔɔ ni yara longirila jɔn n' bra. ⁵³ O ɲina ɲunu ni wo na were se laYezu ɲamɔ na ni wo n' bi balo la y'o sɛle. O se ni o guso won lala lakala an na da lanaya Yezu san. ⁵⁴ Na da Yezu tɔmuso ɲii jerɛn na, o da len bran o lura ciri zude jamana la won o wa Galile jamana la won.