¹ Farizɛn dari ye, o yile Nikodɛm zufu ya ɲun ci dari ya. ² o wara Yezu yan da wura yɛla na o ɲamu na ni wo: Karan ɲu ci apa ɲinu o wan ke karan ɲu ci, le kɔan o lurɔ Vamara yan, Na yile na, n' de tumuso le ma la lo pɔyi glɔ o da na, ni Vamara te na ci yan ba. ³ Yezu zamisɔ ni wo: camu camu mɛ je ɲamu na ni wo: Ni lo wo lurɔ duru na a glɔ o zɔn Vamara Paya la won ma. ⁴ Nikodɛm busu ni wo: lo le cɛmɛ o zɔa na glɔ o lɔrɔ duru na ɲɛ ni ɲɛ? Lo glɔ jugu da na o zɔn o ɲi powo o lurɔ durɔ na ba. ka cam'ba. ⁵ Yezu zamso ni wo: camu camu mɛ je ɲama an na na ni wo: Ni lo n' lurɔ mini ya ba na ni kunmara ya ba, o glɔ o zɔn Vamara payala won ma. ⁶ Lɛ lurɔ yara na ma yan na ke yara na ma. Le lurɔ Kunmara cana yan na ke Kunmara. ⁷ Ba da kaba na san, ni mɛ ɲama ni wo: Na ye da wajibi na an na lurɔ duru na ba. ⁸ wamɛ na guri tan le ɲɔ na. N'nɔgɔ o kole n' ɲinu o lura nɔ ma, N' ɲunɔ o wari nɔ ma. Lo wo lo lura Kunmara yan na ye bɛn. ⁹ Nikodɛm busu ni wo: Na ma ya la glɔ da ɲɛ ni ɲɛ? ¹⁰ Yezu zamuso o ɲi ni wo: N' wan le ke Israɛyɛli karan ɲu ci, wan ɲinu na ma ya la ba? ¹¹ can mu can mu ya mɛ je ɲamɔ na, Epa ɲinu le epa n' de na jɔn. Epa na le, epa ɲimi na sɛrɛ la'a, na ce apa tan sɛnri epa sɛrɛ la na ba. ¹² Ni mɛ de jɔn an na yan tan ta la won ma yala na, apa dere la na jɔn na na ba. Ni mɛ je van jɔn na ɲamu an na na apa de siɛn na tan ɲɛ ni ɲɛ? ¹³ Lo pɔyi ye jire o wa vɔn dere ba, fo lo bi balo bi tën le cuse o lurɔ van na. ¹⁴ Moïse tura sira cɛrɛ dun duru van na gan bɛlɛ won lɛ si la. Pan'a lo bi balo turɔ vɔn baso. ¹⁵ Na yile na, lo wo lo sian na ci na sa yɔ ya la. ¹⁶ Na ce diɲɛ ma ɲɔma Vamara na o kɔrnɛ, o co bi balo bitën pe, na yile na lo wo lo da la na na ba ɲɛni ba. na na sa yɔ ya le zoere ba. ¹⁷ Vamara yo bi balo la ce o ko ciri cirɛ diɲɛ bɛ ma. Na ce o co na na diɲɛ da kisi o wa pan won. ¹⁸ Lo le da la o bi balo la na na ba to ciri la wo ba, Na ya lo le ye da la o bi balo la na ba ciri na cira na bɛn. Na yile na o ye da la Vamara bi bitën na yile na ba ¹⁹ Na ciri la sa ni so na, ni wo: tan po la kɔan diɲɛ won, tan bini la ɲɔmɔ la la na. Na ce an na dari wali la gɔsɔ. ²⁰ Lo wo lo n' de ma gɔsɔ, po la la ɲɔna na na ba fiyeu, an na siɛnr'a a ko po la la won mu ma, na yile na an n'a magɔsɔ la ba lurɔ po la won ba. ²¹ Na ya lo len de tiɲɛ maa la, na je ko po la la won na 'a na o dari wali la bɔri ni wo: Na da o mɔ ni Vamara bɛlɛ yile wo ma la na. ²² Na dapɔn, Yezu ni 'okaran bio la wara Zude jamana la won. o tama an na yan bran, o da were dari bran, o tari n' fɛri la la. ²³ Zan mun fɛrɛ la la Enɔm, Salam jele ya, na yile na mini jaani yen bran. La la ni won yan bran na, nu ' fɛrɛ an na. ²⁴ Na na Zan yen ce kaso na won dere ba. ²⁵ Haya, Zan karan bio la na ni Jufu yala dari ya ce ɲun kɔrɔ nɛ an na cise jiri bri'a ma ya la san. ²⁶ An na wara Zan nɔ na an na ɲamu na ni wo: Karan ɲuci, ba le yen yan Zurudɛn lo la dapɔn, ɲamu ba le cuma la kɔnɔ, o nɔ fɛrɛ an na bisa so, la la lakala ni won o yan! ²⁷ Zan zamisa an na ɲi ni wo: Lo glɔ o na pɔyi ni Vamara yo nɛ na ba. ²⁸ A pisa n' bri mi sɛrɛ ni mi ɲama ni mɛ ka Kirisita ba, na'an mɛ ka ba bɔ u ci le. ²⁹ Kan nurɔ ke le ɲini, na ke kan nurɔ bara, na' an kan nurɔ bara duruba le ke zanglɛ o jele yan o co zaran o yan, na bɛlɛ ɲɔma o kɔrnɛ kan nurɔ bara kole la yile na. Mɛ bɛlɛ ɲɔma ke na si la,o ɲi ko pɔsrɔ bisaso. ³⁰ Dari cana o ce co ma yala bɛn,dari cana o biri mɛ ɲin na won. ³¹ Le kɔan o lurɔ vɔn na, na yen e lakala ɲun won. Le lurɔ tan ta la won, na ke tan ta la ɲini, na an de jɔn tan ta la yɔrɔ. Le ko o lurɔ vɔn na, na yen e lakala ɲu wo. ³² A sa na le o nɔgɔ le,o ɲimi na cuma, na'an lo pɔyi te ni siɛnri o jɔn na tan ma. ³³ O le ke siɔn o sɛrɛ la na, na bɔnru o purumu ni wo: Ni Vamara ke cɛn dɛ, ³⁴ Na'an Vamara ba bɔ len, na ɲimi Vamara jɔn, na yile na Vamara vɔ n'o kunmara cana la na. ³⁵ E Ɲina Vamara bi la ma ɲɔmɔ o na, o ce yii la lakala o lugo. ³⁶ Le da la o bi la na, sɛ yo ya yen na ci yan. Le siɛnra o ze bi la kole ba. Na ta n' je sa yɔ ya na ba, na' an Vamara bɛlɛ fɛnra ma ya la bamɔ yen na ya bɛn.