¹ Na ma la dari da cɔɔ wura, kan nurɛ dari da Kana Galile zere la won. Yezu ɲi ye bran. ² Yezu n'o karan bio ka komu na kan nurɛ la na. ³ Divin zɔgɔ lewere la, Yezu ɲi ɲama Yezu na ni divin na zɔa an na yan. ⁴ Na ce Yezu jamuso o ɲi kanla, ni sumu ben ya mɛ yan? mɛ were yi dere ba. ⁵ Yezu ɲi ɲama wali bio la na. ni o ɲama le wo le a da na. ⁶ Kɔnɔ, para lari ɲii nɔrɔ na yen Jufu ya la fiyan yile na. o mɛ ni an na jiri bri cise la an na san. o tën tën niɲi ni mi sa cɔɔ. ⁷ Yezu ɲama wali bjo la na, a pɔa so lari ya so ni mini na. An na pɔ fo ɲi tan. ⁸ Yezu ɲamɔ an na na ni wo: A bri dari bisaso a wɔ ni jiri tacira ci ɲun ci la na. A na wara na. ⁹ Mini le lamasi o da divin na, jiri yi tacira ɲun ci n'ɔ dɔ nɛnɛ o ɲini o lura nɔ ba divin na lura tan le nɔ o ɲini ba. Naa wali bio le ma bri mi na na ya ɲunu. Jiri yi tacira ɲun ci komu kan nurɔ bara. ¹⁰ o ɲamɔ na ni wo: La la lakala da dere na, divin na wo cana la an na ni naa la la na dere, na na janni na dapɔn, divin le cana dɔni na were an na niɲ na an na na. N' da divin na won cana mara fo bisa so. ¹¹ Na dari, Yezu tamasiɛn ɲi mɔan were la a da na Galile Kana o bɔru lanbela karan bio la na. An na siɔn tan. ¹² Na dari dapɔn, an na wara kapɛrnaum na ni o ɲi na ni o ɲi bi balo na ni o karan bio la an na da wɛn damani bran. ¹³ Jufu yala ble kɔrɔ fɛti la da kuisi Yezu wara Zuruzalɛm. ¹⁴ La la le ma yen fla nɔ,na ni pisi, na ni zanikatuban yigi, a wa mɔnɔ nariya na Vamara zira ja mumurɔ won, na ni pee lisi cala an na tari yen jini tan, an na tabali la jele ya. ¹⁵ O da wiɲi na ni bole na, a na juso an na lakala o bri an na Vamara ja mumuru la won. na ni an na pisi yala na ni fla nɔn, lema luisi pee la o vulu an na pee la tan ,o piye an na tabali la ɲin tan. ¹⁶ O ɲamɔ zanikatuban yigi y'a cala na ni wo: A bri so yiri ya so te! A pa ba ɲunu a da mɛ ɲina ja la ya yiga nɔ na ba. ¹⁷ O karan bio la haciri cuse o ko gɔn Vamara jɔn na won: N' ja la ma ɲɔn mɛ nɛ o kɔrɔ nɛ fo wulu mɛ. ¹⁸ Juifu ɲu ci busu ni wo: N' glɔ da ma murɔ le da na n' bɔrɔ a pa na ni tiɲɛ yen lo n' da so ma ya so? ¹⁹ Yezu zamisa an na ɲi ni wo: A gurɔ Vamara zira ja murɔ la mɛ je lua duru na da cɔɔ won. ²⁰ Juifu ɲu ci ɲamɔ sɛle ni wo: Bele so naa sɛ ni nɔrɔ na da so vazira ja murɔ so lɔan n' san. wan je na lɔa duru na da cɔɔ ɲɛ ni ɲɛ? ²¹ Yezu kule ye vamara ziri ja murɔ le san na ke o se yara nama la. ²² Yezu sakɔra dapɔn o lurɔ cɔ ya la sɛrɛn o karan bio la yiri cuso o ko, n, u ɲamu na jɔn na, o da la kitabu jɔn na na ni Yezu jɔn ɲamɔ la na. ²³ O jɔn Yezu bran Zuruzalɛm kɔrɔnbɛn bisa were la la jan ni nɔ tɔmso dari le la an na da la na. ²⁴ Na ce Yezu ye siɛn o jɔn se an na lon ma. Na ce o ɲinu an na lakala. ²⁵ Na ce o ma tôn o busu lo buru o wo ma na ba. na yile na,o se ɲinu la la po wo ma lakala.