¹ Fin fin na wura jɔngɔna fɔn fɔn tɔn zara, na were tan saa ye punru ba, Magadala Mariyamu wara cɔ van la nɔ na. O nɔ bɔa la lura cɔ van la len. ² O sua o wa Simɔn Pɛri yan na ni Yezu tari ni de karan bi len kanu, o ɲamu naya na ni wo: A na bre E ci la cɔ van won, epa ɲino o ciri nɔɔ a na yan ba. ³ Piɛrɛ na ni karan bio la muan ce an na wa cɔ van la nɔ na. ⁴ A na la ɲii lakala ni sue ni dan na, naa n' o karan bio la a na sua o yu cilen, o wa da fala cɔ van la len. ⁵ O pitan o sun, naa o yen zɔn ma. ⁶ Simɔn Piɛrɛ tarlen ye cungunu o dan, an na yi an na zɔn cɔ van la won. A na na sama wula ɲi punro tan, ⁷ na ni ɲɔ van yile vɔn Yezu ɲɔ san. Ɲɔ van wɔrɔ na ni sama wurɔ vɔn te da san ma, naa ɲɔ van wula pilo yen tele na. ⁸ Na were, na mun zuan. O na na mayala o da lanaya. ⁹ (Na were la karan bio la yen kitabu la jɔn na ɲini dere ba, len ɲimi o cana Yezu sa kɔrɔ o lurɔ cɔ yala sɛrɛ.) ¹⁰ Na dan, na karan bio la jugu a da na a wa zan. ¹¹ Mariyama tari zingɔlɔ yen cɔ van la ɲi san fen na, o tari n' o je. O jɔn zi la won, o pie tan o sumu cɔ van la won. ¹² O na Mɛlɛkɛ la ɲii a san ni wɔrɔ porun na. Yezu tari wa tan le nɔ, a na jinɔn tari yen bran, tën zɛngɔlɔ yen o ɲɔ nɔ, dari ma zangalɔ yerin o ba nɔ. ¹³ Mɛlɛkɛ yala buse Mariyamu ni wo: Kan la, bena nin ze? A na zamisɔ o ɲe ni wo: A na tura mɛ Ci, mɛ ɲino o ciri nɔ an na yan ma. ¹⁴ Na jɔn na ɲama dapɔn, o lamisa o sumu o dan, o na Yezu zingɔlɔ bran, naa o tari y'o ɲini ni ke Yezu ba. ¹⁵ Yezu buso ni wo: Kan la, ben ce ni ze?Wan ni kuiri wele yan? A tari ye Mariyamu won ni wo ni jimɛ wayi ci ci ya, ni wan turɔ, ɲamɔ o ce nɔ na mɛ na, mɛ jaa a wɔ turɔ. ¹⁶ Yezu ni wo: Mariyama! Mariyamu la mlsa o sa yan o ɲamu na hɛburu jɔn na ni wo: Raboni! Na tan, karan ɲun ci. ¹⁷ Yezu ɲamɔ na ni wo: Nɛ mɛ na dere, ben yilena mɛ ye jiri a wa a Ɲina yan dere ba. naa wa mɛ ɲi bio la nɔ na dere ni ɲamɔ a na na ni wo mɛ je jiri a w mɛ ɲina yan na ni apa ɲina yan, a wa mɛ Vamara yan na ni apa Vamara yan. ¹⁸ Magadala Mariyama wara ɲamɔ o karan bila na ni wo ni wa sa na e ci. Yezu ɲamɔ le o na, o ɲama na a na na. ¹⁹ O wura se la, fin fin na wura tɔn zara dala na, karanbio la zamisa da ja dari won a na sɔngɔnɔn na lebere ɲi na juifu yala sacle sua na yilena. Yezu kuan zingɛlɛ a na sɛrɛ won o ɲama a na na ni wo: hɛrɛ jina a na ya! ²⁰ Na ɲama dapɔn, o bɔrɔ o nɛ na n'o jele o bɔra a na na. Kalan bio la na Yezu lenwere la, a na bɛlɛ ɲɔma foo kɔrnɛ. ²¹ Yezu ɲama a na na sema ni wo: Hɛrɛ jina a na yan! Mɛ Ɲina babɔ mɛ ɲa len ɲɔ, mɛ mu ja apa babu bɛɛ la. ²² Na jɔn na ɲama dapɔn, o wɛnsɔ o ɲe wamɛ an na san o ɲamu ni wo: A ze Vamara Kunmura! ²³ Ni apa nin juan lo wo lo magɔsɔ o na, na je da yafa o san.Na pa yen siɛn a jɔn lo wo lo magɔsɔ o na ba, na ya ta ni ji yafali na ba. ²⁴ O mɔnɔ na Tɔma len ni komi ni bɛrnɔ, ni Yezu karanbio la fo ni ɲii na won lo tën darɛ ya, na tari ton Yezu kɔri were la ba. ²⁵ Karanbio tɔ yala ɲamɔ Tɔma naa ni wo: Epa sa nɛ E ci! Na Tɔma zamisa a na ɲe ni wo: Ni mɛ yo pian nian na o nɛn sa ma, a dura a nɛ keri bi cɛrɛ la nian la won, mɛ basa nɛ o jele la san, mɛ ja lanaya da fiyeu ²⁶ Na were la bɔɲɔn ko, Yezu karan bio la jinɔ yen ja dari won sema, Tɔmatari yen jinɔ yen a na yan bran. Lebere ɲe la tari ko sɔngɔnɔ wa, naa Yezu ko zingele a na sɛrɛ o ɲamu ni wo: Hɛrɛ jina apa yan! ²⁷ Na dan, o ɲamɔ Tɔma na ni wo: Ce nɛ keri bi la tee n' sumu mɛ nɛ yala na, lari nɛ mɛ jele yala san. Lurɔ lanabaliya san n' da lanaya. ²⁸ Tɔma zamisɔ o ɲe ni wo: Mɛ Ci na ni mɛ Vamara! ²⁹ Yezu ɲama a na na ni wo: Wan sa na mɛ naa ce n' da lanaya ya? Le ma da lanaya na sa yen mɛ na ba na yaa ke juba bio! ³⁰ Yezu da tɔmuso jaani bore o karan bio la sa tan lema yen gɔn kitabu la won ma. ³¹ Naa so maya so guan yele apa da la o na ni wo ni Yezu ke krisa'a, Vamara bi balo, na ni yele apa naa sayɔya o yile la na lanaya won.