¹ Na dapɔn, Yezu bɔrɔ se o karanbio la na sema, na da Tibɛriyade lo la len. O bɔrɔ se bariso. ² Simɔn Pɛrɛ ni Tɔma len ni komi filani, na ni Natanaɛl le lurɔ Galile na ni Kana na ni Zebede bio bala, na ni Yezu karanbio bore, naya yen da yan. ³ Simɔn Piɛrɛ ɲamɔ tɔma la na ni wo: Mɛ ja van sere vɔn. An na ɲamɔ o na ni wo Epa mun jɛn yan. Na were an na zuga a wa zɔn ɲaɲi la won. A na yen pɔyi mɔn na yala la won. ⁴ Tɛn zɔnmɛ were, Yezu tari zingɔlɔ yen lo la len, naa karan bio la tari ɲinu ni ke Yezu ba. ⁵ Yezu ɲama a na na ni wo: Bɔnsan la, apa na Poren wa? A na zamisɔ o ɲe ni wo: Ni ayi. ⁶ O ɲamɔ a na na ni wo: A tua bɔlɔ la juma sala yan, a ji dari na. A na tua bolɔ la, bolɔ la pua ni poren na foo a na gula a pamu a lurɔ na min na won ma. ⁷ Na were karan bi le ma ɲɔn Yezu na, o ɲamɔ Piɛrɛ naa ni wo: E Ci ya! Simɔn Piɛrɛ nɔgɔ lenwere ni E Ci ya, o durɔ o san dura wurɔ o vɔn can, naa yilena o tari biro o san dura wura, o tɔ se min na won. ⁸ Karan bio tɔma la kuan ɲaɲi na won. Bɔlo latari ko pɔ ni Poren la na, a na tari ni pemi na. O tari nɔn juɛ nɛn ni ɲaɲi ɲɛra nɔ na ba, o tari bɔnra mɛtɛrɛ cɛmɛ bɔɲɔgɔn ko ba. ⁹ A na yi ɲɛra nɔ na lenwere la, an na wara mɔni poren basɔ pisan lon cira bɛn na ni buru darɛ. ¹⁰ Yezu ɲama a na na ni wo: A kuan ni a poren mɔ yala dari ya na. ¹¹ Simɔn Piɛrɛ zuan ɲaɲi na won o pamu bɔlo la o lurɔ na fen na, na tari ko pɔ ni poren mumurɛ na, na lakala ɲi dana mɔni kunbɛn ni sun nɔn ni cɔɔ na. Poren na ni o zinri la lakala bolɔ la ye kanri ba. ¹² Yezu ɲamɔ a na na ni wo: A kuan jiri yii ji. Kalan bi pɔyi ye gulɔ o busu ni wo: Wan ke wele ya? Na yilena a na ɲino ni E Ci ya. ¹³ Yezu daba a na san o turɔ buru o naa na na, o turɔ poren mun o naa a na na. ¹⁴ so ke o se bora bisa cɔɔ jere na o karan bio la na, o sa kɔra dapɔn o lurɔ cɔ yala sɛrɛ. ¹⁵ Jiiri yii dari dapɔn, Yezu ɲamɔn Simɔn Piɛrɛ na ni wo: Zan bi balo Simɔn, mɛ kauya yen powon o kɔru soya bɛn wa? Ni wo: N'jo, E Ci, wan ɲunu ni ma ɲɔ mɛ na. Yezu ɲamɔ na ni wo: nɛn jiiri yii mɛ pisi yala na. ¹⁶ O ɲamɔ o ɲi jere na ni wo: Zan bi balo Simɔn, mɛ ma ɲɔ na wa? Piɛrɛ zamisɔ o ɲe ni wo: N'jo, E Ci, wan ɲunu ni mɛ mɛ ma ɲɔ n' na. Yezu ɲamɔ na ni wo: Yɔrɔgɔ mɛ pisi yala. ¹⁷ Yezu ɲamɔ na o cɔ jerena ni wo: Zan bi balo Simɔn, mɛ ma ɲɔ n' na w? Piɛrɛ sa cɛma ben yilena Yezu busu o cɔ jerena yala ni' do kanu. O zamisɔ o ɲe ni wo: E Ci, wan ɲini ma la lakala, wan ɲinu ni wo ni mɛ n' de n' kanu! Yezu ɲamɔ na ni wo: nɛn jiiri yii mɛ pisiro la na. ¹⁸ Canmu canmu mɛ jo ɲamu na ni wo: O juɛn n'biri ya won, wan tari n'vɔnri n'can ni we n'bɛlɛ yile nɔ, naa ni n'cɛma lenwere, n' je nɛn turɔ vɔn, lo buru je o can vɔn o wa ni na tan le ɲɔnɛ n'na ba. ¹⁹ (Piɛrɛ n' je cɔ ɲa le ɲɔ o ce lenbe Vamara san, Yezu tari n'bɔru na jɔn na yilena.) Na dapɔn, Yezu ɲamɔ na ni wo: " cungunu mɛ dan!" ²⁰ Piɛrɛ lamisɔ da Yezu tari n'de karan bi le kanu, o na na o kɔri were o dapɔn, na kalan bi la jangala Yezu nɔ yalana jiiri yii jiri were o busu ni wo: E Ci, len ni n'ji ce nɛn won, wele ya? ²¹ Piɛrɛ na na karanbi la o ɲamɔ Yezu na ni wo: E Ci, so ma, bën ji da na san? ²² Yezu zamisɔ aɲe ni wo: Ni mɛ yoyan o tamu sayɔya won foo mɛ ko sema, wan bën ye na won? Wan kɔni cunguni mɛ dan. ²³ Naa ce na jɔn na san se e ɲi bio la sɛrɛ ni na karan bi ja cɔ ba. Na lakala na, Yezu y'o ɲamu Piɛrɛ na ni wo o ja cɔ ba, naa o ɲamɔ ni wo: Ni mɛ yoyan a jɔn sayɔya won foo mɛ ko sema, wan bën yen na won? ²⁴ Na karanbio la ni biri na mayala sɛrɛ, a na guan na, epa ɲino ni wo o sɛrɛ la ke canmu wa. ²⁵ Yezu da ma bore jaani sema. Ni na lakala tari tën tën n' guan, o ye mɛ won ni wo na kitabu vari gɔn la tari ja mɛ so diɲɛ so sama.