¹ Yezu jɔaga dan na jɔn na na, o wa ni ' o karan bio la wara Sedrɔn kala la cirɛ. jimɛ waye dari tari yen, Yezu ni ' o karanbio la juan na won. ² zuda le tari ni jo ce nɛ won, namu tari ɲini na jimɛ wayi la nɔ, naayilena Yezu n ' o karan bio la da dere a wa bran. ³ soyilena zuda wara jimɛ wayi la won, na ni sɔdasi jaani na ni yɔrɔga cala lema ka babɔ pɛbri'a caa ɲɔ cala. An na ka vɔrɔ nl weri cira wuru yaa na na ni pintana kɔ ni mura vɔn yaa na. ⁴ Ma le ji da Yezu san, o se ɲini naa lakala, o wara an na ɲɔ zamise o busa a na ni wo: Apa ni kuiri wele yan? ⁵ An na zamisɔ o ɲe ni wo: Ni yezu Nazɛrɛti na. Yezu ɲamɔ an na na ni wo: Mɛ ya. zuda len n' ce nɛn wo, na zangalɔ yen an naya. ⁶ Yezu ɲama an na na lenwere ni wo: Mɛ yan, an juge naa dana an na za tan. ⁷ Yezu busa na duru na sema ni wo: Apa n' kuiri wele yan? An na zamisɔ o ɲe ni wo: Ni Yezu Nazɛrɛtina. ⁸ Yezu zamisɔ an na ɲe ni wo: Mɛ ɲama apa na ni mɛ ya, napa ni kuiri mɛ yan, a jɔn bran so yaa wa. ⁹ Na da yile ji daa na jɔn na ɲe pɔsɔrɔ, o tari ɲamu len ni wo: Mɛ Ɲina, n' nɛy lema mɛ na, naya pɔyi ye da cunu mɛ logo nba. ¹⁰ Tɔn dari tari yen Simɔn Pɛrɛ yan, o busu o da penbere biri cala ɲun ci bɔri balo o cɛrɛ na zara juma. (Na bɔri balo la yile ni wo Malkus.) ¹¹ Naa Yezu ɲamɔ Pɛrɛ na ni wo: Ce n' tɔn na n' cigile bɛn. Mɛ Ɲina nɛy pɛnmɛ nimi len mɛ na, mɛ ja gɔlɔ an ɲuan na na wa? ¹² Naa were la sɔrasiya jaani na ni an na ɲunca na ni Juifu yala yɔrɔgacala an na mɔn Yezu an na vɔn. ¹³ An na wara na Anɛ ya dere. Kayifɛ le tari yen penbere bracala ɲunci na bele, Anɛ tari ke na caba ba. ¹⁴ Haya la Kayifɛ le tari n' de Juifu yala leri ni wo: O juɛ san balo bi tën cɔ la lakala yilena, na Kayifɛ tari ya. ¹⁵ Simɔn Pɛrɛ na ni Yezu karan bio bore cungunu tari yen Yezu dapɔn. Na karan bio la tari ye penbere bri'a cala ɲunci Ɲina caa. Yezu juan penbere bri'a cala ɲunci guso won lenwere la, na mun juan. ¹⁶ Naa Pɛrɛ zangalɔ tari ye fen na guso ɲe la jele ya. Karan bi la le ko penbere bri' a ca ɲunci Ɲina Ci ya, na lura. Kan len ni n' sumi ɲe la yan, o da jɔn Pɛrɛ yan jɔn guso won ¹⁷ Wali dari kan le tari ni n' sumi ɲe la yan, na ɲamɔ Pɛrɛ na ni wo: Wan mu ka so ba so karan bi dari ba wa? O zamiso ɲe ni wo: Ayi, ka mɛ ba. ¹⁸ Wari tari yen, naa na wali dari bio la ni garidi yala tari yen na ciri pisan ɲi ni pinpin na, an na tari zaangalɔ yen na kɔra yara. Pɛrɛ mun zangalɔ tari yen an na jele yan ni'o kɔrɔ yara. ¹⁹ Penberebri'a cala ɲunci an na buse Yezu o karan bio la na ni o karan la maa na. ²⁰ Yezu zamisa an na ɲe ni wo: Mɛ da jɔn diɲɛ lakala sa tan po la won. Lenwere mɛ n' de lala karan Vazira ja yala na ni vazira ja murɛ la won, Juifu yala n' zamise daa tan lema nɔn. Mɛ yen pɔyi ɲamɔ a daasɔ ba. ²¹ Bën ce ni busu mɛ? Lema n' ce a zara mɛ yan, busu naaya mɛ ɲama ɲini yala na. Mɛ ɲamu le, naya ɲine na. ²² Yezu ɲamu na jɔn na lenwere, yɔrɔga cala won lo tën le zangalɔ tari ye o jele ya, o turɔ nɛy o maru o sa san o ɲamu na ni wo: Wan ni zamase penmere bri'a ci ɲunci ɲe baso? ²³ Yezu zamiso o ɲe ni wo: Ni mɛ ni ɲama jɔn gɔsɔ, ɲama na jɔn na sɛrɛ, naa ni mɛ ni ɲama jɔn cana, bën na n' mari mɛ? ²⁴ Na were Anɛ juan Yezu vɔn bran o wa pemere bri'a caa ɲunci Kayifɛ yan. ²⁵ Na were la Simɔn Pɛrɛ zangalɔ tari yen bran ni o kɔrɔ yara. O bsusu ni wo: Wan mu ka so baso karan bi dari ba wa? Naa Pɛrɛ paro ɲi o san ni wo: Ayi, mɛ ka na ba. ²⁶ Pɛrɛ cerɛ ba le zuara la, o ɲina bi balo tari ke penmere bri'a caa ɲunci wali bi dari, na ɲamɔ Pɛrɛ na ni wo: Mɛ ye wan na o yan jimɛ wayi la won ma wa? ²⁷ Naa Pɛrɛ paro o ɲe san sema, na nɔ na lakala, Kole ba za. ²⁸ Na dapɔn, an na wara ni Yezu na o lurɔ Kayifɛ guso won, an na wa gɔfɛrɛnɛrɛ guso won. zɔgɔ na tariya. Naa Juifu yala zɔn gɔfɛrɛnɛrɛ guso la won ba, yele jiri ba an na mɔn ma a gula a da ɲɔ kɔara bisa jiri yii ji. ²⁹ Naa na gɔfɛrɛnɛrɛ Pilate lura o wara an na nɔ. O busa a na ni wo: Apa ni n'ciri sobaso ba bën na? ³⁰ An na zamusɔ ɲe ni wo: Ni so baso tari ka magɔsɔ dari ci ba, epa tari tani n' je ce nɛy wo ma. ³¹ Pilate ɲamɔ an na na ni wo: A pisa wara a cirɛ kiti la o bɛn o mɔnɛ apisa tɔn na na. Juifu yala zamiso o ɲe ni wo: O mɛra epa san e gu lo pɔyi. ³² Na da yele Yezu tari ɲamɔ jɔn le o borɔ o cimɛ ma, na ɲe pusɔrɔ. ³³ Na were Pilate juan o guso won o komu zu o busu ni wo: Wan ke Juifu yala Paa la na wa? ³⁴ Yezu zamiso oɲe ni wo: Ni ɲemi naa n' see na wa, yala buru ɲamɔ na n' na mɛ ma won? ³⁵ Pilate zamisɔ o ɲe ni wo: Mɛɛ Juifu yaa wa? A si ya ju lala na na pemere bri'a cala ɲuncala na ya ce wan mɛ lon. Wan da bën ya bra? ³⁶ Yezu zamisa an na ɲi ni wo: Mɛ payala ka so diɲɛ so ɲɛni ba. Ni mɛ payala tari ke so diɲɛ so ɲini ɲa, mɛ wali dari cala tari je weri cirɛ yile ji daa mɛ ba zɔn Juifu yala lugo ma, naa bisaso, mɛ payaso ka so diɲɛ so ɲɛni ma. ³⁷ Pilate ɲamɔ na ni wo: haya, wan ke paa ya? Yezu zamisɔ ɲe ni wo: Mɛ ke Paa. Mɛ lura ɲɔ na ni mɛ kore ɲɔ diɲɛ won, na ke cammu sɛrɛ dari. Lo wo lo ke camu ɲɛni, na ciru zara mɛ jɔn na yan. ³⁸ Pilate ɲamɔ na ni wo: Ni tiɲɛ ke bën ya? Na jɔn yala ɲama dan, Pilate lura sema o wa juifu yala nɔ, o ɲama an na na ni wo:Mɛ ye zere nɔn pɔyi na so ba so san ma. ³⁹ Naa o mɔnɛ apa landa la na, mɛ ningi kaso won bi bii tën na kɔarabɛn bisa la were bele wo bele. Apa yoyan mɛ jɔn juifu yala pala bran wa? ⁴⁰ Naa were an na pasara sema ni wo: Ni ayi, ka so ba so ba! A nian Barabasi na. O mɔni na bɛn zeri ci ya.