¹ Mɛ ce na ma yala apa haciri won yele na ma la n'o ye, na ba da apa ɲɔ ɲɛnɛ sababu na ba. ² An na je apa jɔsɔ an na bri Vamara zira ja ɲinɛ tɔn na won. Were je ko, la lema ni gura apa, o ye an na powon napa ni de wali Vamara na. ³ An na je da dama a ye mɛ Ɲina ɲini ma, an na ye mɛ ɲini ma. ⁴ Naa ce mɛ ɲamu an na na ni were la ye, apa haciri cuso o won ni mɛ ɲama na jɔn na apa na. Mɛ ɲamu na jɔn na apa na foo fɔn fɔn na, naa ce mɛ yen apa yan te. ⁵ Bisaso mɛ jaa mɛ bɛba ci san, apa pɔyi ni mɛ busu ni wo ni mɛ ni jaa ze? ⁶ Naa apa sa cɛma foo kɔrnɛ, na yilena mɛ ɲamu na apa na. ⁷ Hali na mu, mɛ ɲamu tiɲɛ apa na ni wo, na juɛ apa san mɛ wa, naa ce ni mɛ wa ba, jɔmɛ ci ta nin je ko apa yan ma. ⁸ Ni na n' o kuan lenwere, o je dunuɲa tan lala ma gɔsɔ la bɔrɔ an na na, na ni cɛn sa ma la, na ni Vamara citi ma la. ⁹ O je an na ma gɔsɔ la bɔrɔ an na na, naa ce a na ye da la mɛ na ba. ¹⁰ O je cɛn sa ma la bɔrɔ an na na, naa yilena mɛ jaa mɛ Ɲina san, na ni apa sa te ni je mɛ na seba. ¹¹ O je Vamara kiti ma bɔrɔ a na na, na yilena ciri la cira so diɲɛ ɲuncala bɛn o jɔaa. ¹² Ma jaani yen mɛ yan a ɲama apa na, naa ce apa gulɔ na ma la dere ba. ¹³ Ni Tiɲɛ Kunmara kuan lenwere, na ji apa samɔ tiɲɛ cena lakala bɛn. O tani je jɔn da o se pan na ba, naa ce o je le lakala nɔgɔ, o je naa ɲamɔ, o je ma len nin koe ɲamɔ apa na. ¹⁴ O de lenbe ce mɛ bɛn, naa ce o je mɛ ɲinaa turɔ o ɲamu apa na. ¹⁵ Mɛ Ɲina ɲinaa lakala ke mɛ ɲini, naa ce mɛ ɲamu ni wo Kunmara cana je mɛ ɲinaa lakala turɔ o ɲamɔ apa na. ¹⁶ Dɔni apa tenɛ mɛ na ba, na da dɔɔni, apa je mɛ na sema. ¹⁷ O karnbio ɲamɔn dana ni wo: Na taan ni ben na? Ni ɲamɔ epa na ni wo, dɔɔni epa je na ba, na dapɔn dɔɔni, epa jo na sema, na ni ni wo, naa ce ni wo jaa o Ɲina yan. ¹⁸ Ni wo: Ni ɲimi dɔɔni le la, na tan ni bën na? no ne ɲimi jɔn le la, epa ɲini na tan ba. ¹⁹ Yezu ɲino ni wo, an na tari yo ya an na busu, ni wo: Mɛ ɲama apa na ni wo, dɔɔni apa jo wa na seba, na dapɔn dɔɔni, apa je mɛ na sema. Apa busu da na ma la na wa? ²⁰ Camu camu ya mɛ jo ɲamu apa na ni wo: Apa ji za a ce kule, naa ce diɲɛ je da ɲangali. Apa sa ji gɔgɔ, naa ce apa sa gɔgɔa la ji lamasi o da ni bɛlɛ ɲɔma na. ²¹ Ni kanlo ye cun won lenere, o saa cɛmɛn, naa ce o were la ye, naa ni bi la n' lura lenwere, o haciri cusere na pin mɛna na seba, naa o bɛlɛ ɲɔmɔ ni lo lura diɲɛ won. ²² Na yɔrɔ, apa mu sa ji cɛmɛ bisaso, na na mɛ je apa na sema, na ni apa bɛlɛ ji ɲɔmɔ. Lo pɔyi gulɔ o bri apa bɛlɛ ɲɔma apa po won ma. ²³ Ni o wura yen, apa ja mɛ busu pɔyi na se. Canmu canmu mɛ je ɲamɔ apa na ni wo: Apa ni n' zire len mɛ Ɲina yan mɛ ɲilena, o je na nɛy apa na. ²⁴ Foo ko yi bisaso san, apa ye pɔyi ziri mɛ ɲilena. A ziro, a jo na, na yɔrɔ a bɛlɛ ɲɔma la ɲe je pusɔrɔ. ²⁵ Mɛ ɲama na ma yala apa naa mɔsɔn na, naa o wura ji yii, mɛ ja jɔn da apa yan ni musɔn na seba, naa mɛ ja a Ɲina mayala ɲamɔ apa na o purumu. ²⁶ Ni o were nin ye, apa ji mɛ Ɲina ziri mɛ yilena. Mɛ jo ɲamɔ apa naa ni wo mɛ jo ziri apa na, ²⁷ naa ce mɛ Ɲina se nin de apa kanu. Ni o de apa kanu, naa ce apa da mɛ kanu, na ni apa sian ni wo ni mɛ kɔan a lurɔ Vamara yan. ²⁸ Mɛ lurɔ mɛ Ɲina yan o ko diɲɛ won. Bisaso mɛ ji lurɔ diɲɛ won a wa mɛ Ɲina yan. ²⁹ O karanbio la ɲamɔ na ni wo: Bisaso kɔni, n' ja musɔn pɔyi ɲamɔ, naa n' de jɔn o poromu. ³⁰ Epa ɲino bisaso ni wo ni wan ɲini maa lakala, na ni n' mako to san lo busi ma. Naa ce epa da la naa ni wan kuan n' luro Vamara yan. ³¹ Yezu zamisa an na ɲe ni wo: Apa da lanaya bisaso yan? ³² Sumu na, were ni koe, o were ye mi se, ni apa je san se a wa apa nɔn yala, apa je mɛ jɔn a se tën na. Naa mɛ to a se tën na ba, naa ce mɛ Ɲina yen mɛ yan. ³³ Mɛ ɲamɔ na mayala apa na yile je daa apa na hɛrɛ mɛ yan. Apa je pinmɛ na diɲɛ won, naa apa na bɛn kɔli, mɛ na pan diɲɛ bɛn!