¹ Mɛ rɛzɛn ɲi cana ya, mɛ Ɲina ko guan ci. ² guɛlɛ o guɛlɛ ye mɛ san, ni na cere bi ba, o ji na cirɛ. guɛlɛ o guɛlɛ ciri bi, o je na jele yala guɛlɛ yala cirɛ yele o ce bi o bomu fɔn fɔn ci la bɛn. ³ Mɛ ɲamu jɔn le apa na, apa ka bɔsɔ o zɔwɔ na pan won. ⁴ A jina mɛ yan, mɛ jinɛ apa yan. Duru gwɛlɛ gulɔ ce bi o se na ba ni o ye tamɔ o ɲi na san ma, na yɔrɔ apa gula a ce bi ni apa ye tamɔ mɛ yan ma. ⁵ Mɛ rɛzɛn ɲi yan, apa ko gwɛlɛ ya. le yen mɛ yan mɛ mu yen le yan, na ciri bi jaani, bën yilena apa gula a da pɔyi mɛ dan. ⁶ Le te mɛ ya ma, na je vulɔ fena dama duru gwɛlɛ, na ji kɔ. Na gwɛlɛ kɔ la je pɛri o vulɔ pisan won, o ji wulu. ⁷ Ni apa yen mɛ yan, ni mɛ jɔn na tamɔn yen apa po won, apa yen yii o yii yan, a ziri na, apa ji na na. ⁸ Ni apa ne ciri bi jaani, lenbe ciri mɛ Ɲina bɛn naa na. Na yɔrɔ apa ji bɔrɔ ni apa ke mɛ karan bio wa. ⁹ Mɛ ma ɲɔn a Ɲina na yan le ɲɔ na, apa ma ɲɔn mɛ na bɛ dɛ. A tamu mɛ kanu yaa won. ¹⁰ Ni apa ni de mɛ ton ɲamɔ yala, apa tamɔ mɛ kanuyala won, dama mɛ da mɛ Ɲina ton yala ɲan le ɲɔ, n' tamɔ o kanuyala won. ¹¹ Mɛ ɲamɔ na mayala apa na yele mɛ ɲɔma jinɛ apa po won, na ni apa bɛlɛ ɲɔma la ɲi pɔsɔrɔ. ¹² Mɛ ton ɲamɔ la ni so na ni wo: Apa ma ɲɔma dana dama apa ma ɲɔmɔ mɛ na ɲa le ɲɔ na. ¹³ Ma ɲɔma pɔyi ton le garan bɔn o kɔrɔ so bɛn ni wo, lo nɛn o kunmara o dorɔba yilena. ¹⁴ Ni apa ni de mɛ ton yala, apa ke mɛ dɔrɔba yaa. Mɛ ja apa komu ni bɔri seba, na ce bɔri ɲino o ci dari wali ba. ¹⁵ Mɛ ja apa komu ni dɔrɔba, naa ce mɛ nɔgɔ le wo le mɛ Ɲina yan, mɛ bɔra na lakala apa na. ¹⁶ Apa ye mɛ sa tɔsɔ ba, naa mɛ tɔsɔ apa sa, a ɲamɔ ni wo apa wa a ce bi, na ni apa bi jinɛ. Na yɔrɔ ni apa nin zire yii wo yii mɛ Ɲina yan mɛ yilena na ji nɛy apa na. ¹⁷ Mɛ ɲemi ton le apa na, na ni so na ni wo, apa ma ɲɔma dana. ¹⁸ Ni diɲɛ n' de apa kɔniɲɛ, apa ɲinu ni wo o da mɛ kɔniɲɛ apa cile. ¹⁹ Ni apa tari ke diɲɛ ɲini yan, diɲɛ tari ja apa da kanu,dama o se ɲini yala. Naa mɛ tɔsa apa sa o lurɔ diɲɛ won, apa ka diɲɛ ɲini ba, naa ce diɲɛ n'o de apa kɔniɲɛ. ²⁰ Mɛ ɲami jɔn na len apa na, apa ca a haciri na jɔn na ni wo: Bɔri garan bɔnrɔ o ƝɔCi ba. Ni an na ni pian mɛ, an na je apa mu piɛn. Na na n' zian mɛ jɔn na, an na ja apa mu ɲi na ziɛn. ²¹ Naa ce an je na ma la lakala da apa san mɛ yile la yilena naa yilena an na ɲine mɛ baba ci la ba. ²² Ni mɛ tari ye ko o da jɔn apa yan ba, ma gɔsɔ tari jena na won ma, naa ce bisaso, tiɲɛ pɔyi ta na lugo ma gɔsɔ la yilena ba. ²³ Lo le ni n' de mɛ kɔniɲɛ, o je mɛ Ɲina mu da kɔniɲɛ. ²⁴ Lo buru pɔyi ye ma le da ba, ni mɛ tari ye na da apa sɛrɛ ma, ma gɔsɔ tari je na na won ma. Naa ce bisaso, an na na mɛ dali waliya la, an na da mɛ kɔniɲɛ an na da mɛ Ɲina mu kɔniɲɛ. ²⁵ Na da yele jɔn na le gɔn sariya la won, na ɲe pɔsɔrɔ, ni wo: An na da mɛ kɔniɲɛ, sababu to wo ma. ²⁶ Jɔmɛ ci je ko, na ko tiɲɛ Kunmara, le lurɔ mɛ Ɲina won. Mɛ je na babu apa na o lurɔ mɛ Ɲina yan. Ni na jɔmɛ ci la n'o kuan o je mɛ sɛrɛ la ɲamu. ²⁷ Apa mu je mɛ sɛrɛ la ɲamu, naa ce apa yen mɛ yan hali fɔn fɔn were la.