¹ Bele kɔara bɛn bisa kɔra dan, Yezu ɲinu ni wo ni wa were la ye o lɔrɔ dunuɲa la won o wa o Ɲina yan. Haya , o se la lema yen diɲɛ la won, lema tari ma ɲɔ o na, na ya ma ɲɔmɔ na fo o wa yi jɔa were la san. ² Yezu n'o karan bio la tari yen yala na yari jiri won. Suntani tari ce haciri Simɔn Isikariɔti bi balo Juda bɛlɛ won n'o ce Yezu nɛy won. ³ Yezu ɲinu ni wo ni Vamara nɛ paan o wa na yi lakala bɛn. n'o kuan o lurɔ Vamara won, ni o je jugu o wa Vamara yan. ⁴ O juga o lurɔ tabali la tan o lusu wurɔ, o turɔ wurɔ dari o vɔn can. ⁵ Na dan, o ce mini wuru dari won o mɔn karan bio la baa sama ɲi, o paro ni o can van wurɔ na. ⁶ O yi Simɔn Pɛrɛ len were, na ɲamɔ na ni wo: Eci, wan ni je mɛ bala samu ya? ⁷ Yezu zamisɔ ye ni wo: Mɛ je le da, wan ɲine na bisaso ba, n' je na ɲini dapɔn. ⁸ Pɛrɛ ɲamɔ o naa ni wo: Ni ayi, n' ta ni je mɛ ba samu bada! Yezu zamusɔ o ɲe ni wo: Ni mɛ y'o samu ma, n' ta ni n'je n' tele yii pɔyi na mɛ yan seba. ⁹ Simɔn Pɛrɛ ɲamɔ o na ni wo: Eci, ka mɛ ba se mini ma, na ce mɛ nɛ na ni an ɲɔ mɔ! ¹⁰ Yezu ɲamɔ o na ni wo: Lo le ci fiyɛ o zɔgɔ, na mako te fiyan buru san seba fo ba sama, na ce ko busɔ wa. Apa kɔni ko busɔ wa, na ce k'a pa lakala ba. ¹¹ ( Lo le ci ni je Yezu ce nɛy won o ɲini naa, na ce ni wo: Apa lakala ka busɔ ba. ) ¹² Yezu samu an na ba o zɔa lenwere la, o turɔ o wurɔ durɔ o jitan tabali la tan o ɲamɔ an na na ni wo: Mɛ da len apa san, apa ɲini na wa? ¹³ Apa ni n' komi mɛ na karan ɲun ci na ni E ci, apa ɲamu tiɲɛ yan, na yilena mɛ ke wa ya. ¹⁴ Mɛ le ke E Ci na ni Karan Ɲun Ci, ni mɛ ni sama a na ba, apa mɔ cana a samu da ba. ¹⁵ Mɛ bɔrɔ so sa apa na yele mɛ da le apa san, apa mu da na yɔrɔ. ¹⁶ Camu camu ya mɛ je ɲamu apa na ni wo: Wali bi pɔyi garan bɔnrɔ o ɲuci la ba, tôn bi pɔyi garan bɔnrɔ o baba ci na ba. ¹⁷ Bisaso apa ɲini na ma yala. Ni apa ni n' da na ma yala, apa ji da ni juba bio na. ¹⁸ Mɛ ta n' de jɔn apa lakala jɛnyan ma. Mɛ tɔsɔ lema sa, mɛ ɲini na ya. Na ce paan vari gɔn la won jɔn na ɲi pusɔrɔ ni wo:. Lo le ci n' jiiri jiri mɛ yan, na la la mɛ n'o ba na. ¹⁹ Hali bisaso mɛ ɲamɔ apa na sani n'o were ji yi, yele n'o ye lenwere, apa da la o na ni mɛ ke naa. ²⁰ Canmu canmu mɛ ji ɲamɔ apa na ni wo: Lo le ci muɲi mɛ tôn bi cincana na muɲi mɛ cin cana. Le nin muan mɛ cincana, na ni muɲi mɛ bɛba ci cincana. ²¹ Na jɔn na ɲama dapɔn, Yezu bɛlɛ piyan fo o kɔrnɛ, o biro sɛrɛ ni wo: Canmu canmu mɛ jo ɲamu apa na na ni o wo: Apa sɛrɛ lo tën je mɛ ce nɛy won. ²² Karan bio la an na sunmɛ dana. O tari n' de jɔn karan bi le ma na, an na pora ka biɲɔn na maa na, na yilena an na ɲini na ci ba. ²³ Karan bio la won tën, le tari ma ɲɔ Yezu na, na tari jinɔ Yezu jile yan. ²⁴ Simɔn Pɛrɛ gu ɲɔn o sumu na n'o busu Yezu ni'o de jɔn wele ma won. ²⁵ Na karan bila jɛngala Yezu jele yan o busu ni wo: E Ci wele ya? ²⁶ Yezu zamiso o ɲe ni wo: Mɛ je a nɛ fala yala le mɔnɔ a su a nɛy lena, naa. Yezu turɔ o nɛ fala yari o su o nɛy Simɔn Iskariɔti bi balo Juda na. ²⁷ Na jiri yii la jiri dan suntani zɔn won.Yezu ɲamɔ Juda na ni wo: N' yo yan n' da len, da na pɛ pɛ na. ²⁸ ( Yezu ɲamɔ na ma le yile na, la lema tari ni jiri jiri yii la, an na pɔyi yo ɲini ba. ²⁹ Pee ceri wuru yen Juda luwo, na ce o tari yen an na jaani won ni Yezu ɲamɔ ni wo, n'o yɔa an na ma veremi yii yala bisa la yilena, yala o nɛn yii darɛ la gɔ yala na. ) ³⁰ Juda kɔni je buru la,na tan tën nɔ na o lura. Na dan tan binɛ. ³¹ Juda lura dapɔn, Yezu ɲama ni wo: bisaso, lenbe ce lo bi balo san, lenbe ce Vamara mun san o ma na. ³² Hayala, ni lenbe ni ce Vamara bɛn o ma na, Vamara je lenbe ce o bi balo san o se ma na, o je na da kɔasa. ³³ mɛ binsanla, mɛ je jinjɛn da an na yan dere. Apa je kuiri mɛ yan, naa ce mɛ ɲamɔ le Juifu yala na, mɛ je na ɲamɔ apa na bisaso ni wo, mɛn ni ja tan le nɔ na, apa gula a wa bran ma. ³⁴ Mɛ je tôn durɔ ɲamu apa na ni wo, a muan da. A muan da dama mɛ muan apa ɲa le ɲɔ na. ³⁵ Ni apa ni muan da, lala jo ɲini na yan napa ke mɛ karan bio. ³⁶ Simɔn Pɛrɛ buso ni wo: E Ci, ni n' ja ze? Yezu zamusɔ ɲe ni wo: Mɛ ni n' ja tan le nɔ, n' gula n' cungunu mɛ dan n' wa bran bisaso ba, na na so dan, n' je cungunu mɛ da yan. ³⁷ Pɛrɛ ɲamɔ na ni wo: E Ci, ben ya mɛ gula a wa wan dan ya bisaso ba? Mɛ se ka varɔ wa a nɛn a kunmara n' wan yilena! ³⁸ Yezu zamiso o ɲe ni wo: Sɔbɛ ya, n' ke varɔ n' nɛn n' kunmura mɛ yile na wa? Canmu canmu mɛ jo ɲamɔ n' na ni wo: Yani kole. ba ji za, n' je ɲe pɛrɛ n' bri mɛ bɛn bisa cɔɔ ni wan ɲini mɛ ba.