¹ A pa lema nyun-mɛ na , a ba dala hacîrica la lakala na ba , a bir'a na nyétâan a Sun , nin hacîri lé y'a na wôn na lʋrʋ Vamara yân , maléyiléna , mancîran-cîra tõn-biyo la jaani sâansa dunyɛn la wôn . ² Malé-ciri a nyini , hacîri lé lʋrʋ Vamara yân na , na ni so na : ni hacîri-ci lé ni sinyan o nyamu ni Yezu Krissa tʋra yara-nama na-cé hacîri le lʋrʋ Vamara yân . ³ Ni hacîri le ye siɲ o nyamu ni Yezu Krissa tʋra yara-nama ba , na ye lʋrʋ Vamara yân ba , na ké Krissa sân wéri-cîra cî la , ɛ nʋgʋ lé cʋma n'o jé ko , bissasso , o yé dunyɛn la wôn . ⁴ A bʋnsân câna , à pa lʋrʋ Vamara yân , à pâan jiré hacîri-gɔsʋ la bɛn , maléyiléna , hacîri lé y'a pa wôn na pâan gânra bun dunyɛn wôn-câ la . ⁵ Nariya ké dunyɛn yini nyan , à na ni ɲémi dunyɛn wôn maya , na-cé dunyɛn n'o cér'o Zara a na yan . ⁶ E pa ké Vamara'a nyini . Lo wo lo nyini Vamara naa cîr'o zara ɛ pa yan . Lo lé cî ka Vamara nyina cî ba na cî cér'o zara ɛ pa yan ma . naa-cé ɛ nyini ma-câna hacîri la ni légéri hacîri la ɛ biri da wôn . ⁷ A pa lema nyun-mɛ na , ɛ nyuma da na , maléyiléna , ma-nyuma lʋrʋ Vamara yân , ni ma-nyuma ye lo wo lo won̂ , na lʋrʋ Vamara yân , na cî ya nyini Vamara . ⁸ Vamara ma-nyuna lo lé na ba , na cî nyiné Vamara ba , maléyiléna , Vamara'a ké ma-nyuma . ⁹ Male-yan Vamara ma-nyuma la ko'ɛ na sɛrɛn , na ni so na : O cé o bɨ bitén-koélé la o ko dunyɛn wôn , yilé ɛ na gémissi la o nɛn yân . ¹⁰ Ma-nyuma la ye so wôn , ka ni Vamara ma-nyun'ɛ na na là ba , Vamara c'o bɨ-la lé o ko cʋ ɛ na ma-gɔsʋyala yiléna laa . ¹¹ A pa lema nyun-mɛ na , ɛ ma nyumu Vamara na lésiri la , ɛ sa-mun maa câna o nyumu da na bɛ ya . ¹² Lo pɔyi sâ dana ye Vamara na , n'ɛ mwan da , Vamara jé jin'ɛ na wôn , o maa-nyuma la nyé jé pʋsʋrʋ ɛ na wôn . ¹³ Ledɔ ɛ nyinu n'ɛ ye jinɔ Vamara wôn , nani Vamara y'o jinɔ ɛ na wôn , o nɛn o sé hacîri-câna lé ɛ na na laa . ¹⁴ Na ni , ɛ sâ nɔ ni ɛ nyinu mun , ni Vamara c'o bɨ là o ko da ni dunyɛn nyun-zeri cî na . ¹⁵ Lo wo lo ni nyiné ni Yezu ké Vamara bɨ , Vamara jinɔ ye na cî wôn na ni na cî mun ye Vamara wôn . ¹⁶ Séma , ɛ siɲ'o tan , ni ma-nyuma ye Vamara wôn ɛ na na . Vamara see ké ma-nyuma , ni lo lé ni jina na ma-nyuma la wôn , na cî jina Vamara wôn , na ni Vamara mun jina na cî wôn . ¹⁷ Naa-yilena , ni na ma-ɲuma la ɲé n'o pʋsʋra ɛ na sɛrɛ wôn , ɛ bɛlɛ jé p'ɛ sâ san busuré mʋrʋ la wura , maléyiléna , ɛ gama-ko la yé'n dama ni Yezu Krissa sé yina . ¹⁸ Pânci'ngilé té ma-nyuma wôn ma , ma-nyuma ɲé pʋsʋrɔ jusî Pânci'ngilé ya o bir'o sé san , na cé ma-nyuma ɲé gulɔ pʋsʋrʋ Pânci'ngili wôn ma . Lo lé cî dé Pânci'ngilé ,na cî ma-nyuma la ɲé ye pʋsʋrʋ ba . ¹⁹ Nɛ dé ma-nyuma la , maléyiléna , ɛ pa'a ma dafala o nyumu Vamara . ²⁰ Ni lo dari ni nyama ni : << Vamara ma -nyun mɛ na >> o ma ni d'o nyibi kɔn , na cî la mancîran-cîra-cî ya , n'sa ye n'nyibi la lé bɛn na , ni na ma yé nyumu n'na ba , n'sa dana ye Vamara le na ba maa-gʋl'o ɲumi'n'na ba . ²¹ Krissa nɛ tôn l'ɛ na na la , na ni so : Vamara ma-nyun'na lésiri la , n'nyibi la mun ma-nyumu n'na bɛ .