¹ A sʋm'o na , ɛ ma ɲʋmʋ ɛ nyina Vamara na câna-nyini lésiri là , na ni so na : ɛ kom nɨ Vamara bʋnsân , ɛ ma d'ɔ na câmu ! naa yiléna dunyɛn la nyin'ɛna ba , maléyiléna o ye Vamara nyini ma . ² A laa ma-nyumɔya , ɛ da ni Vamara bʋnsân na bissasso , ɛ jé da ni léna da-pɔn , na ye bõr'ɛ na na o pôorumu déré ba . E nyinu ni , ni Krissa nyun ni lʋra , ɛ jé daa dama n'o sé , ɛ sâ ni j'o na lésiri la . ³ Lo wo lo ni d'ɔ ɲé la Krissa bɛn , na cî porum'o sé dama ni Yezu Krissa sé k'o poorôn lésiri la . ⁴ Lo lé cî ma ni dé légéri-maya là , na cî tani siɲɛri tɔn-na tân ma , legéri ya ɲɛni tɔn . ⁵ A nyinu ni Krissa bɔrʋ'sé yilé magɔsʋ la lʋrʋ laya la wôn , nani ma-gɔsʋ pɔyi t'o sé mun wôn . ⁶ Lo wo lo ni na Yezu , na cî déré magɔsʋ sé ba , lo wo lo ni dé magɔsʋ , na cî sâ dana ye Yezu naa , o y'o nyini . ⁷ Bʋnsân-câna , à ba nyini lo pɔyi soo nyɛn'a na nyun . Lo lé cî ni dé ma-ciɲɛsɔ , na cî k'o ciɲɛsɔ wâ dama ni Krissa sé k'o ciɲɛsɔ lésiri . ⁸ Lo lé cî ni dé ma lema k'o ciɲɛsɔ ba , na ni lʋri suntani yân , maléyiléna ,suntani ké magɔsʋ dari-ci ya foo nyé-mwan wéré la , naa-cé Vamara bɨ-la k'o sé bɔrʋ yilé suntani dari-waliya la lakala nyɛni . ⁹ Lo wo lo ni da ni Vamara bɨ na , na cî déré magɔsʋ séba ,maléyiléna , Vamara yi-joo-ya y'o ziɲɔn na cî wôn . O gʋl'o da magɔsʋ séba , maléyiléna , o lʋrʋ Vamara see yân . ¹⁰ Naa cé Vamara bʋnsân la , ni suntani bʋnsân la k'o nyin'o biri da-wôn , lo lé cî tani dé maa-ciɲɛsɔ ba na cî ka Vamara bɨ ba , lo lé cî nyi-bɨ maa-nyun'o na ba na cî mun ka Vamara bɨ ba . ¹¹ A nʋgʋ tôn na lé , foo nyé-mwan wéré la , na ni so na : N'ɛ ɲuma-da na . ¹² N'ɛ ba da dama caïn ma , le lʋrʋ suntani yân ma , o gw'o nyi-bɨ . Bɛnya-cé o gwʋ ? maléyiléna , o sé dari-waliya la pɔyi câna , o nyi-bɨ là nyiniya la mà lakala câna . ¹³ A ba da kaaba ba , a nyi-biyo , ni duɲɛn ni d'a na kɔn . ¹⁴ E nyinu n'ɛ pa lʋrʋ cïmɛn-wôn ɛ wâ gémissi wôn , maléyiléna , ɛ nyi-biyo là ma-nyu'ɛ na na . Lo lé cî nyi-bɨ ma-nyun'o na ba , na cî la ye cïmɛn wôn . ¹⁵ Lo lé cî ni d'o nyi-bii kɔn , n'a lo-gwânci ya . A ma nyinu ni gémissi lé zoéré-la ba , jina lo-gwânci wôn ma . ¹⁶ Malé-cïri ɛ nyinu n'ɛ ma nyun da-na , Krissa n'o sé kʋnmara la ɛ na na lésiri la , ɛ pa mun câna ɛ n'ɛ kʋnmara la ɛ nyi-biyo la na bɛ . ¹⁷ Ni da ni yï-ci na , n' sa ye n'yibi la bɛn o pïnyɔn zʋʋnzɛ na , n'ma pï'n'sa n'jûn na pïmɛn na wôn , Vamara nyini maa-nyuma là jé da nyɛ o jini wân wôn . ¹⁸ Mɛ bʋnsân câna , ɛ ba ɛ ma-nyuma la da ni jʋmala ni jɔn-kwu na ba , ɛ dɔ ni dari-waliya na , ciɲɛ là wôn . ¹⁹ Na j'o da , siga-siga pɔyi ja jin'ɛ na bɛlɛbiyo la wôn , o sacîla-yan . ²⁰ N'ɛ bɛlɛbiyo là ni ciɲɛr'ɛ na , Vamara gânra bûn ɛ na bɛlɛbiyo la , nani o nyini ma-lakala . ²¹ A laa-ma-nyumɔya , n'ɛ bɛlɛbiyo la ye gʋlʋ à ciɲ'ɛ na ba , ɛ jé bɛlɛ-piyân koo câna na Vamara sacîla-yan . ²² Naa-cïri , n'ɛ ziré yi wo yi , ɛ jé na n'o yân , maléyiléna , ɛ sinyan o tôn yala n'o bɛlɛyilé-maa ya la tân . ²³ So k'o tôn na : N'ɛ dala o bɨ Yezu Krissa yilé la na , nani n'ɛ ma-nyuma da-na dama ɛ ma-ɲun o sé na lésiri . ²⁴ Lo lé cî ni siɲan Vamara tôn yala tân , na cî y'o jinɔ Vamara sé wôn , nani Vamara sé mun y'o jinɔ na cî ya wôn , o nɛ hacîri câna lé ɛ na na là , naa ni bɔrʋ ni Vamara jinɔ y'ɛ na wôn .