¹ Bʋnsâan-la , mɛ ni gʋnri vari so a na na yilé a ba magɔsʋ da see ba. Ni dari ma ni légé , ɛ nyé ziricî ye Vamara jéléyan , Leni Yezu Krissa na lé k'o ciɲɛsɔ . ² O waa nɛn o see Vamara na ɛ na magɔsʋyala jéméré winyan na yiléna , o y'o da ɛ pa mini yiléna ba , o dɔ dûnyɛn-tân laya lakala yiléna . ³ N'ɛ sinyan ɛ jûn Vamara cîssé-maya la nyétan , naa bɔrʋ n'ɛ nyini Vamara . ⁴ lolécî ni nyémi ni << mɛ nyini Vamara >> , n'o ye Vamara cîssé-maya maya la jûn ma , na mancîran-cîra-cî ya , ciɲɛ pɔyi t'o wôn. ⁵ Ni lolé ni sinyan Vamara-jɔn na tan caamu , Vamara nyini maa-nyuma-koo câna la ye nacî ya won . ɛ nyinu na yan n'o y'e na wôn . ⁶ lolécî ni nyama n'o wâ ye Vamara won , nacî câna o tʋrʋ Yezu Krissa se ba-ninyan . ⁷ Nyi-biyo-câna , mɛ té na ɲémi cîssé dʋrʋ a na na ba , o wâ cîssé cɔn le yén f'o ɲé-mwan wéré la . Na cîssé cɔn na ni a nʋgʋ jɔn-lema la na . ⁸ Na mun na , mɛ ni gʋnri cîssé dʋrʋ lé la , na ké ciɲɛ , Krissa ni ɛ pa lakala yan , naa yiléna , tâan là sâ-pʋʋré , pôola-câna la ɲu-lura tén-na . ⁹ Ni lolécî ni nyama n'o wâ ye pôola wôn , n'nyibi ma-nyuna n'na ba , wân ye tâan-bino wôn halizɛ . ¹⁰ Lolécî nyibi maa-nyunu o na , na cî ya ké pôola lo , o ja da ni lo-pɔyi nyun nyɛnacî na . ¹¹ Lo lé sâ-cîssé n'o nyini na , nacî ye tâan-bino wôn , n'o véri tâan-bino la won ; o nyin'o jaa tân lé non ma , maléyiléna tâan-bino la bin'o sâ . ¹² Mɛ ni gʋnri so a pa na , bʋnsân-câna , maléyiléna , a ma-gɔsʋ-yala jun'a na Krissa se yiléna . ¹³ Mɛ ni gʋnri so a pa na , a nyina ya , maléyiléna a nyiné lo lé cî yén foo ɲé-mwan wéré la . Mɛ ni gʋnri so a pa na kéméra-biyo la , maléyiléna a pân gʋla lô gɔsʋ la na . Mɛ ni gʋnri so a pa na , bʋnsân-missirɔ , maléyiléna a nyiné nyina-là . ¹⁴ Mɛ gʋn so wa a pa na , a nyina ya , maléyiléna a nyiné lo lé cî yén foo nyé-mwan wéré la . Mɛ gʋn so wâ a pa na , kéméra-biyo , maléyiléna a kwé-kʋrʋ , Vamara jɔn-na tam'a na wôn , na ni a pân gʋla lo gɔsʋ la na . ¹⁵ A ba nyini duɲɛn la n'o wôn yi-yala nyum'a na na ba . Ni dunyɛn ni nyuma lo lé cî na , Vamara ma-nyuma ma pɔyi té na cî won . ¹⁶ Maléyiléna , ma wo ma ye dunyɛn la won , dam' ɛ sâa bêlèyilé-maya léma y'ɛ na yiri-won , na n'ɛ satân zolôn-biya la wôn , na ni da-kɔninyɛ koo gɔsʋ la pɔyi tani lʋri Vamara yan . ¹⁷ Dunyɛn la n'o wôn-maya la lakala nyun wan kôri . Ni lo wo lo ni da Vamara bêlèyilé-maya , na cî jé tamʋ kʋdɛyi na . ¹⁸ Bʋnsân-missirɔ la , duɲɛn zwa la wên daba , dama n'a nʋgʋ lésiri la , ni , laya jé ko wéré-cîri Krissa san , bissasso wéri-cîra câ jaanni nyu-lura . Naa cé ɛ nyinu ni duɲên zwa la wên daba . ¹⁹ A na târi y'ɛ saa sɛrɛ-won , a na poora t'ɛ na yan ma . A na târi gʋla jin'ɛ na sɛrɛn ɛ tani j'a na poora nyini ma , a na lʋr'ɛ na sɛrɛ-wôn lé la , naa bɔrʋ n'a na poora t'ɛ na yan ma . ²⁰ A pa ma na hacîri-câna Krissa cʋsʋ le a na bɛn , a mun nyiné ciɲɛ là . ²¹ Mɛ ye so gʋn a n'a pa ni maléyilé-na n'a nyiné ciɲɛ là ba , maléyiléna'à nyini ciɲɛ la , nani a nyinu ni mancîran pɔyi té ciɲɛ la wôn . ²² Wélécî ya ké man̂cîran-cîra-cî la , lo lé cî ni ɲémi ni Yezu ka Krissa ba , na cî là ké Krissa sân wéri cîra cî , o vʋla Vamara n'o bɨ la bissatéɲ . ²³ Lo lé ni vʋla bɨ la ɲaléɲɔn , na cî vʋlʋ ɲɨna là bɛ . Ni lo lé ni ɲiné bɨ la na cî na Vamara . ²⁴ A pa ma na , a nʋgʋ jɔn lema o nyé-mwan wéré la , a mwan n'à wôn . N'à nʋgʋ jɔn lema ɲé-mwan wéré la ni tam'a na bɛlɛbiyo-wôn , a pa ni bɨ là ni ɲɨna là jé tâmu ni dana . ²⁵ Krissa n'o ɲé'na na maléna la , naa ni so na : gémissi lé zoéré ba . ²⁶ A gʋn vari so laa-lema y'o yan a nyɛn'a na ɲun na yiléna . ²⁷ A pa ma , hacîri-câna le cʋs'a na bɛn na , o tâm'a na yan , maa-sâbɔracî bõru ma ba y'a na sân o bɔrʋ maa-s'a na na ba . Na hacîri-câna la ni bɔri maa-lema lakala la ciɲɛɲan , mancîran pɔyi t'o wôn dama n'o nyam'ɛ na na lésiri n'ɛ tâma n'o wâ na . ²⁸ Bissasso a biyo-câna , a tâma ni Yezu na ,yilé n'o ɲun ni lʋra a bɛlɛpɛ o san , a ba da-cï o sacîla-yan o kôri wéré la ba . ²⁹ N'a nyino n'o k'o ciɲɛsɔ , à cân'a nyinu mun ni lo lé cî k'o ciɲɛsʋ la lʋrʋ o wâ wôn .