¹ Lo wo lo ni dala o na ni Yezu ké Krissa , na cî lʋrʋ Vamara sé wôn , ni nyɨna ma-nyun lo lé cî na , na nyɨna ciri la bɨ mun maa câna o nyumu na cî la na . ² Malé bɔrʋ ni Vamara bʋnsân la ma-nyun ɛ na na , na ni so na : Vamara ma-nyumu ɛ na na , na ni ɛ siɲ o tɔn na tân . ³ Malé ma bɔri Vamara nyini ma-nyuma la , na ni so na : ɛ siɲ o tɔn yala tân , na tɔn yala kʋra ba . ⁴ Ni lo lé cî ni lʋra Vamara wôn na cî la pân gʋli dunyɛn la na . Pân la lé gʋli dunyɛn la na ni so na : E lanaya la . ⁵ Wélécîya pân gʋli dunyɛn la na ? lo lé cî ni dala o na ni Yezu ké Vamara bɨ . ⁶ Lo lé cî ko , ni , mini ni jɔrɔmɨ na : Yezu Krissa , o yé ko ni mini se-miini na ba , o ko ni mini na ni jɔrɔmɨ ɲa na . ⁷ A na laa cɔɔ wâ ni ɲému cʋnma : ⁸ Hacîri ,mini na ni jɔrɔmɨ . Na laa cɔɔ la mun wân ka siɲɔ tân . ⁹ N'ɛ ni nʋgi laya la ma-cʋnma nyamɔ la , Vamara nyini ma-cʋnma nyama la pân gânra bûn layala nyina , naa ké Vamara sé o bɨ la nyini cɨnma-nyama la . ¹⁰ Lo wo lo ni dala Vamara bɨ la na , o cʋnma la ye na cî la wôn . Lo wo lo ye dala o na ba , na cî da Vamara ni mâncîran-cîra cî na , maléyiléna , o cî ye dala Vamara nyamu o bɨ la cʋnma le la na ba . ¹¹ Na cʋnma nyama jɔn na ni so na : Vamara na gémissi le zoéré ba ɛ na na , na gémissi la y'o bɨ la wôn . ¹² Lo lé ni na bɨ la na gémissi la , lo lé ye bɨ la na ba ye gémissi la na ba . ¹³ Mɛ gʋn so a n'a na na ,yilé à nyinu n'a pa na gémissi lé zoéré ba , a pa lema k'a lani Vamara bɨ la yilé la na . ¹⁴ séma , ɛ bɛlɛ ko piyɔ Vamara sacîla-yân lésiri la na ni so na : N'ɛ ziré yi wo yi o yan o mɔn'o sé bɛlɛyilé la na ; o zara cô ye na yan . ¹⁵ N'ɛ nyiné n'o zara cô y'ɛ na yan , ɛ nyinu mun n'ɛ ziri yi wo yi o yan , n'ɛ na na o zɔw . ¹⁶ Ni lo dari ni nɔ nyibi n'o dé magɔsʋ lé céré lo cïmɛn-wôn ma ; o câna o ziri Vaa , Vamara jé gémissi là n'o na . mɛ ni mʋni lema ni dé magɔsʋ lé céré lo cïmɛn-wôn ma . Magɔsʋ dari céri lo cïmɛn-wôn , mɛ nyamu na ziré Va na yiléna ba . ¹⁷ Ma wo ma k'o ciɲɛsɔ ba , na lakala magɔsʋ , magɔsʋ dari ma yé'n lé céré lo cïmɛn-wôn ma . ¹⁸ E nyinu ni lo lé cî lʋrʋ Vamara yân na cî déré magɔsʋ ba . Maléyiléna , Vamara bɨ la pïri na cî bɛn'ya suntani lar'o sân ma . ¹⁹ E nyinu n'ɛ pa ké Vamara nyini yaa , dunyɛn ma yé suntani pân won . ²⁰ E nyinu ni Vamara bɨ la kwa , na ni o sʋgʋm'ɛ na yilé ɛ nyini Vamara so-soo là . Na yɔrɔn , e pa ni Vamara so-soo la yé jinɔ da-yan o bɨ Yezu Krissa wôn . ²¹ Bʋnsân-câna , a bir'a ɲé mɛlɛ yala sân .