¹ Tangwa yesu akalele mubalega , wa monene gifofo gimoshi yandiga abutugile. ² Tangwedi alongeshi enyi amuhudile egie : " Fumu , nanyi wa salele masumu ? Muthu yogo kana shenji nu ginenji , mukunda a butuge gifofo? ³ Yesu wa avutudile egie : " shi go muthu yogo kana lo shenji kana lo ginenji asalele masumu, katshi idi mukunda gisalu gia nzambi gimonega gu meso a athu mu jina dia yesu . ⁴ Tafete salo ipa ya yesu wa ngu tumine mu tangwa didi . Kana pipa ya bwa , muthu gwa lendele go gusala gisalu. ⁵ Mu tangwa didi ngudi hadia mavu , ngudi mwanyia wa hadia mavu. ⁶ Tangwa yesu amanesele gu zwela ndaga jinyi wa mbila mate hoshi , wa salele poto - poto nu mate enji. Gu nyima wa zudile poto - poto inyi wa wasele gifofo ginyi ha katshi dia meso . ⁷ Tangwedi wa lezele gifofo egie :" Nda uzwe meya mugiba gia siloe ( jima di mu zwele egie ngenji wa tumiye) " Gunyima muthu munu wayile genji muzwa meya na hene avutugile na meso asageya . ⁸ Tangwedi athu atu ngila nenji hehi nu wanyi a mumonene umu muya nu gulomba ima gudi athu gumatwanyi azwelele egie :" yogo gueshi go muthu munu wakalele mukala munjila mulomba athu ima ? " ⁹ Athu ako azwelele egie:" yogo mwene " ako anyi akalele muzwele egie:" lo , gweshi mwene go yogo muthu wa mufana". Kashi mwene wa alezele egie yogo eme". ¹⁰ Ene amu lezele egie : " Tangwedi mukunda na khi meso aye adi ngagi a gukangula? " ¹¹ Mwene wa alezele egie muthu jina dienji yesu wa balumuna mate nu mavu hangenyi poto - poto wa nguwasele gu meso , wa ngu leza egie nda uzwa meya mu giyiba gia siloe" . Tangwa nga zwile meya gu meso meso akangugile hene nga yandigile gumona " . ¹² Ene amu hudile egie " muthu mwene udi guyi ? " mwene wa alezele egie : " ngushi mujiya go guma guadi". ¹³ Athu anyi abatele wa kalele meso afa , gifofo gudi afarisi. ¹⁴ Tangwedi ya kalele mu gilumbu gia isambo ya bafarize ( sabbat) gwene yesu asalele potopoto, mavu wa fugisa nu mate , wa wasele gifofo hakhatshi dia meso hene meso akangugile. ¹⁵ Tangwedi afarize amu hudile nji mbala iko egie mutshindo khi gifofo ginyi gia sageye meso hene gimumona ? gifofo gia alezele egie : " muthu munu wa fugishile mate nu mavu a kituga potopoto yene ya ngu wasele gumeso hene lulu ngagi ngu mu ma. ¹⁶ Afarize ako azwelele egie : " muthu yogo gweshi mukatuga gudi nzambi mukunda gweshi go mujitisa gilumbu gia isambo go ( sabbat) . " Ako egie mutshindo khi muthu wa masumu wa lenda sala ipa?" gunyima dia ndaga jinyi , afarize adi kapele mukanda jiyadi. ¹⁷ Afarize a hudile nji mbala ya giyadi gudi muthu wakalele meso afwa egie : " Umu zwele nyi ikhi mukunda muthu munu wa gusagi meso?" muthu munu wa alezele egie : " muthu munu udi profeta ". ¹⁸ Tangwa diadile gale gutamega shenji nu ginenji muthu munu wa diangele kala meso, wa sageye lulu na hene ayandigile mona. Gunyima dia gipapa atamegele shenji nu ginenji. ¹⁹ A ahudile egie : " yogo munenu umwa zwelele nyi ya butugile meso afwo , gifofo? lulu ngagi umu mona pila khi? ²⁰ Shenji nu gineji alezele egie : " tumu jiya nyi yogo munetu ,wa butugile gifofo . ²¹ Lulu umu mona mutshindo khi , eswe tushi getu go mujiya ata jina dia muthu wa musagele meso mwene muhulenu mwene hakhenji udi muthu wa kula gale amileze. ²² Shenji nu ginenji akanene mvutu mukunda akalele nu woma wa ayuda mukunda ayuda adia ngele gale gudivisa egie mba akaya muthu wa gaswe mu inzo ya Nzambi yenu mba taya egie yesu udi mesiya , muna nzambi . ²³ Gishina gi nyi nyi shenji nu ginenji azwelele egie:" udi mukulupi , muhulenu wene hakhenji". ²⁴ Mumbala ya giyadi , ayuda atanegele muthu wa butugile gifofo mumu lezele egie :" zwela gia makidia gumeso a nzambi nyi muthu mu nu wa gusagele udi muthu wa masumu." ²⁵ Tangwedi muthu munu wa avutudile egie : " eme ngushi mujiya gami go kama udi muthu wa masumu. Gima gimoshi ngumu jiya eme , nga kalele meso afua gifofo , lulu ngagi ngumu mona . ²⁶ A mu hudile nji egie :" Gima khi muthu muna a gusalele ? mutshindo agutudile meso akalele a gushita ? " ²⁷ Nga milezele gale kensi enwe mushi munguva go. mukunda nakhi mu mulenyi muva nji ngaga yene tangwa diagaswe ? mushi mutshigina go gugituga milongeshi yenji? mwa tshigina ? ²⁸ Amu shinga nene amu leza egie : "enwe mudi milongeshi yenji , kashi eswe tudi milongeshi ya mose . ²⁹ yogo tushi mujiya go umuza guyi? ³⁰ Muthu wasageya meso afua wa avutudile egie : " Ngadi hula mwavula kana mushigo mujiya guma gumukatuga muthu munu . Kashi lulu mwene wangutugula meso wa asaga . ³¹ Tumujiya nyi nzambi guenu va gulomba gua anyia musumu go ; kashi kana muthu udi mudihana nu gutshigina gwavula nzambi wenu muvila ." ³² Yandiga ha gusendesa gua mavu nu dilu khenji tuva gale go egie muthu wa tugudile mesa a gifofo gunyima wa asaga . ³³ Kana nga muthu munu ale gutuga gudi nzambi lo , gwa mbolo kuwa gu gusala ndaga inyi go. ³⁴ Ene a mu lezele egie : " eye wa butugile mumasumu , lulu umuku mbula gutulonga ? " Gunyima amukayele amuzola honze. ³⁵ Tangwa yesu avile egie amuzolele mu inzo ya nzambi , wa tagenene nenji hene amu lezele egie : " eye umu kwila muna muthu ? " ³⁶ Muthu munu yesu asagele wa vutudile egie : " fumu nguleze udi nanyi mukunda ngumu kwikile gami? ³⁷ Yesu wa mulezele egie : " Wana monene , lulu ngagi mwenyio umu zwela nenji. ³⁸ Muthu munu wa mulezele egie " fumu , nga kwikila" tangwedi muthu munu wa mufugamele. " ³⁹ Yesu wa zwelele egie : " ngejile hadia mavu haha mukunda mu gilumbu gia suga mba ngusambesa athu , wanyi adi ifofo a kwikidile mba amumona , meso mba adisaga ; wanyi enumona keshi akwikidilo go mba akituga ifofo ". ⁴⁰ Afarize ako akalele hene nenji , gu guva jindaga jinji amu hudile egie: " eswe nji tudi ifofo ? " ⁴¹ Yesu wa avutudile egie :" kana nga mukalele meso afwa ifofo , nga mwasalele masumu go.Kashi lulu mu muzwele nyi " tumu mona" hene masumu enu adi kaka amijingidila.