¹ Yezu , gu nyima dia guzwele ndaga jinyi ja gaswe , wa tupudile meso gosa wazwele egie" Tata , tangwa dia lu , ngu , swangudisa munaye mukunda munaye agu swa ngudise " . ² Mutshindo wa muwhile gifumu hodia mvila ukhima mukunda nu guhana monyo wa mayilago gudi athu agaswe wa muwhile . ³ Monyio wa mayilago mukunda athu agu jiye , ye nzambi mu moshi wa makhi dia yenu watumine , yesu - klisto . ⁴ Nga gu swangudishile hadia mavu , nga manesele gisalo wa ngu while. ⁵ Tangwedi , Tata nguswangudise gutwama diaye nu guswanguluga nga kalele nago gutwama usale ima ikhima . ⁶ Nga jiyishile dijina diaye gudi athu a mavu wa ngu while . Akalele athu aye , eye hene wa ngu while nawo . a kwatele malongi aye . ⁷ Tangwedi wowo a mu jiya egie ima ikhima wangu while imukatuga gudi eye. ⁸ Mukunda nga alongele malongi wa ngu while . Ha azudile , nu gutaya egie nga katugile gudi eye nu eji eye wa ngutumine . ⁹ Ngenu samba mukunda nu ene .Ngenu samba go mukunda nu mavu , ngenu samba mukunda nu athu wa ngu while , mukunda adi athu aye. ¹⁰ Ima ikhima idi yami , idi nji yayen hene ima yaye idi yami. Ngenu kala nu guswanguluga. ¹¹ Ngushi go mu lujingo lua ha mavu , ene adi athu a ha mavu , mukunda ngu mukatuga gudi eye. Tata wa longo a bambe mujina diaye , jina diwa nguwhile mukunda akale muthu mumoshi , masonga hangenyi eye nu eme mutshindo tudi hamoshi. ¹² Tangwa nga kalele nawo, nga abambele mukunda nu dijina diaye wangu while .Nga abambele ata muthu mumoshi mukatshi diawo gwa file go , kaka mu na muthu wa gumwanga , mukunda malongi a nzambi alungise luzolo luaye nzambi . ¹³ Lulu ngu muza gudi eye , ngumu aleza ngaga jiji ha mavu mukunda akale nu guswanguluga mukatshi diwo. ¹⁴ Nga awhile malongi a nzambi hene athu ha mavu a atunine gaho mukunda eshigo athu a makhedia ha mavu , masonga mukunda eme ngushi go muthu wa ha mavu . ¹⁵ Ngushi mugu lomba go nyi eye wakatule hadia mavu , ngumu lomba nyi wabambe mukunda satana gua asumbi go. ¹⁶ Mutshindo ngushi go muthu wa wa ha mavu , ene eshigo athu a hamavu go. ¹⁷ Mu masonga a wove nu menga aye mukunda malongi aye adi masonga . ¹⁸ Mukunda wa ngu tumile ha mavu eme ngumu atuma gudi eye . ¹⁹ Ngumu di hana mukunda nu ene adi hane mukunda nu masonga . ²⁰ Ngenu samba go kaka mukunda nu ene pamba. ²¹ Mukunda nu wanyi agaswe enu ngu kwikila mu njila ya ndinga ya nzambi akale ha moshi hangenyi eye Tata udi nu eme , eme ngudi nu eye . Ngumu samba akale ha moshi mukunda athu ha mavu akwikile egie eye wa ngutumine . ²² Nga awhile guswanguluga guwa ngu while mukunda akale hamoshi ha ngenyi eye nu eme. Tudi hamoshi . ²³ Eme nawo , eye nu eme mukunda akale sha hamoshi mukunda akale muthu mu moshi , mukunda athu hamavu ajile egie eye wa ngutumine , wenu ngukumbula mu gutshigina umoshi nu ene. ²⁴ Tata wanyi wa ngu while ngumu kumbula ene akale hama ngudi , amone khembo yo ngudi nayo inyi wangu while gu matwama usale athu aha mavu. ²⁵ Tata wa khenda , athu ha mavu a gugihile go eme nga jihile , ²⁶ athu wawa amujiye egie eye wa ngutumine nga alezele jina diaye , mba ngumu isale nji mukunda gutshigina guaye gudi eme gukale , nu gudi ene mukunda ngu kale nawo.