¹ Guhwi gwenu za gulwa nu gudisagisa mukasthi dienu? ishigo mukanda mu jinzala jienu jia mwila imubata kembe gua athu enu. ² Mudi mu nzala ya ima kashi mushigo ma yo. Mu mushiya endji mu muhaga enzala ya ima kashi mushigo nu pila ya guzula Mu muhwa, mu mugudisagisa. Mushigo nu gima mukunda mweno lomba go. ³ Mweno lomba kashi meno kwiya go mukunda mweno lomba mwabola, mukunda nu guswangulusa nzala yienu jia mwila. ⁴ Athu a uthambi mudi mushi gujiya lo nyi gifuta nu athu a hamavu gishigo gifuta mukunda gi mutuna Nzambi. Muthu umukumbula gifuta gia mukidi umu kituga mbenyi wa Nzambi. ⁵ Kana lo, tangisenu nyi ndinga ya Nzambi imuzwele nupamba kana ya zuela egie : Peve ya hageye mukhatshi diami idi nu gikenene gia vula. ⁶ Kashi Nzambi wenu hana ojikenda jia balega gubonga. Mukunda malongi a Nzambi amuzwela egie Nzambi umutuma athu alulendo. Kashi umusala mambote umusala mamba a bonga jiendji gwa athu ahima. ⁷ Lembugenu gwa Nzambi tunenu Satana mba alenge gwaleha. ⁸ Pasunenu jia Nzambi nu mwene mba pusana gua enwe wovenu mago enu, anya masumu, bongesenu mutshima yenu, enwe athu a luvunu nu mambo kalenu nu gikenene, nyongotenu, dilenu. ⁹ Bemba gulela gwenu gubalunuge nu mukenene gia lufa, ndji giese gienu mu pashi. ¹⁰ Diku lumwisenu gutwama fumu, mba umu mizugisa. ¹¹ Pangi, guzelela gubola lo gubola gwa mukwenu udi latugu. Muthu umuzwela mwabola mukunda nu muko, enji gumusambesa umu zwela mwabola mukunda nu shigo, nundji usambesa eshigo. Kana wasambesa e shigo, ushigo mubambi wa shigo, kashi udi nzuji. ¹² Muthu mumoshi wenu mba eshigo endji weno sambesa. mwene hakhendji udi wa lunga gu gulushiya endji nu gushiya shigo. Aye udi nanyi, umusambesa pangi aye? ¹³ Venu, enwe mu muzwelw egie : mamino kana lo hamena mba tu muya gu dimbo dia koma, mba tusala mvula imoshi, mba tumudiga, nendji mba tuzula nuta. ¹⁴ Nanyi umuziya fima mba giza hamene endji mwila waye ikhi mba igujila? mukunda udi kangenyi mupepe umuzoga gu gima dia tangwa ndambu, gugima wa bila. ¹⁵ Mwambolo zwela nyi : Kana fumu wa tshigina, mba tujinga nundji mba tusala gima gigi nu ginyi. ¹⁶ Tangwedi, dishigisenu mu ndaga jienu jia lulendo. Gudshigisa gukhima gwa pila inyi gudi guabola. ¹⁷ Nundji muthu ujiya gusala gima mwabonga, kana wa gisalele go wasadi disamu.