¹ Luenyelu enue mudi mvuma delenu enji mudikuetesa mazo mukunda nu pashi mba jimejila. ² Imvama yenu ya pola, mulele yenu ya diye gua sualala. ³ Usolo wenu nu gibende gia funu udi no ukelenge. ukelenge unyi mbo hano gitemu mukunda nu enue. Mba mudia omisungi yenu eletshiya. makungile gimvuma gienu mukunda nu gilumbu gia suga. ⁴ Talenu kufutu lua asadi o ilanga mua kuatle mudile gua ahua ndo, enji gudila gua akunineguaguya fumu ya matha. ⁵ Mu jingile holo dia mavu nu gubonga guabalega gitesu, mu hamudi hana ya balega, mikala yenu ya zalele to nu ima muake mukatula muyilanga. ⁶ Mubelele enji mwa shiyele athu amasonga. wake mudinanesago. ⁷ Kangenu mutshima, phangi ti nu gu vutuga gua fumu. Athu ono dimano kinga mbuma jia mavu, ono kinga kaka mvula ya thomo inoge no ya suga. ⁸ Enue nji kingilenu buisenu mitshima yenu tululu mu kunda gu vutuga gua fumu pene pene. ⁹ Mubogotago pangiami enue nenue mukunda egi mba mumbe sewago talenu mangambi amagano ha mufulu. ¹⁰ Talenu mbandu jia pashi jia ba thumua nu ba profeta azulele mujina dia fumu. ¹¹ Talenu lumu zangula usanyi akangele mitshima egi asagu muine, muavule ako muzuela go gudinda mana gua yobo mujiya kalelo dia fumu wa khala mu nya khenda. ¹² Uvi apangiami mudi madi ndifigo nga gosa nga haksi ata mulushilu loku ndo. uvi ndo yaye ikadi ndo eh yaye ikale eh. Ngenyi mbashigo misambesago. ¹³ Kano mungoshi ha katshi dienu udi mumueneseya pashi, asambe kana momoshi udi nu kiese avue kiese? ayinibe nugukumisa. ¹⁴ Kana mumoshi ya katshi dienu udi mukata atamege ma mbuta adi bundu amuhage mago nu gu mulombela Nzambi mukunda na gulomba gua athu a masonga guana belula mbefo amakunge ma futa mujina dia fumu. ¹⁵ Isambu ya gutshigina mba mubela mbefo inji fumu mbo mono zugisa luko kanawa salele masumu, Zambi mbo mumu fila khenda. ¹⁶ Tubilenu masumu enu enue nu enji dilombele nu enuenenue mukunda egi mubeluge isambi ya ngolo gufubidila idi nu ngolo jia vula. ¹⁷ Elia usa kadi muthu gifua eye waka mulonga nu gudindamana mukunda mvula gunoga ndo enji mvula ya nogele hoho dia mavu gitesu gia mvula jitatunongo nda ji sambano. ¹⁸ Apangiami kana mumoshi ha katshi dienu watota muyima ya masonga enji muko wa muvutula. ¹⁹ Uyegi muthu uno mbo vutula muthu wa masumugu lukwikilu. ²⁰ Bo mugulusa monyo yenji enji masumu enji mba tota.