¹ Apangi ami, tushi go nu thalo ya malongi avula mukathsi dienu, ngu mujiya nyi mba tu musambeseya mwavula. ² Mukunda tumubwenu mbala jia vula eswe agaswe mu pila jia vula. ³ Kana muthu gwenubwa go mu guzwela guendji go, zwelenu nyi na udi muthu na wakula, wa lunga gubamba mwila wendji. Tanwedi kana tahaga ibende mukano ya punda mukunda itulemvugile, tajiya ndji gubamba mila yawo ya gaswe. ⁴ Tangiza masuwa ata adi akoma amupushiya gudi mupepe wa ngolo, wowo amutwaleseya gu gama gagabibila gouvernail talela luzolo lwa wa masuwa. ⁵ Mutshindo umoshi nu didimi didi gama gagabibila mu mwila wa muhtu mu kano kashi dieno dishimana mukunda nu ima ya koma. tala, gatshiya gagabibila geno konda gishitu gia koma. ⁶ Dimi didi ndji tshiya, gifutshi tshiya, gifutshi gia masumu giahageye mukatshi dia athu gia hageye mukatshi dia athu. Gimubebesa mwila ya muthu wa gaswe; umu lemesa gukola gua lujingo. Lujingo lwene kakhalo lwa mbiye tshiya twa gu milungi. ⁷ Makanga agaswe jia mbiji jia gishitu, tunjila nyoga nu ihangela iko unyi ya mu meya, muthu wenu isetula gudi mwene endji wa isetudile gale. ⁸ Kashi muthu mumoshi gua lenda gusetula nga hgumba dimi ha muzulu. Gudi gubola gua lungile go guhangiga, gubola gugu gudi gwazala nu ndikila ya lufa. ⁹ Ha dimi, tudi mutumbwisa fumu, Tata wetu nundji mu njila ya dimi tu mushinga athu akalegeye mu gifanyi gia Nzambi. ¹⁰ Mutshindo umoshi nu kano umuzola lusagumunu nu gushinzama, apangi, ikala go ngenyi mukunda nu enwe. ¹¹ Mba, muta umoshi wenu zola mbala imoshi meya a bonga nu meya a lula. ¹² Mutshi wa fige, apangi ami, wa lenda gubuta mabundu a oleve ngando vinu dia fige? Nu meya a mungwa a lenda gikituga meya a bonga agunwa. ¹³ Nanyi mukatshi dienu mu ngangu nu gutema? aleze mbandu ya lujingo mu njila ya isalo ya gudikulu misa imuza mu gutema. ¹⁴ Kashi kana udi nu gikenene goshia mutshima nu matangi a bola gudishimana lo, gumba mambo lo. ¹⁵ Gutema gwenuza go gosa gudi nandu guabonga enendji gudi gutema gwa hamavu, gwakonda peve mundji gwa Satana. ¹⁶ Mukunda hanyi kadi gikenene nu matangi abolu, hanyi ndji hadi ima mwamwa nu makalegelo a ndaga jiabola. ¹⁷ Kashi gutema gwa gosa gidu guabonga, gwa guhwima, gua guswanguluga, gua gutagenesa athu mukunda gudi gua khenda, gwa mbuma ya bonga, gwa konda gubola mu katshi mundji gwa masonga. ¹⁸ Bundu dia masonga dienu kuniya mu guhwima mukatshi dia hathu amukamba guhwima.