¹ Enwe enya gu galatiya, mudi mwa ikata, nganyi wa mi lowa? Mwa amonele enwe ha khetu gu meso Phila Yesu Kilisto a file ha khulunji. ² Nga tshiginile gu mi leza egi, keti mwa zudile pheve ya Nzambi mukunda mwa batele shigo to idi mukunda mwa vile Sango ya bonga nu gu I kwikila? ³ Mudi genu mwa ikata? Ha guyandiga mwa hagele mitshima mu ngolo jia pheve, lulu ngagi mudi mu manesa kaka mu ngolo jenu. ⁴ Mwa monele genu phashi jia phamba? Ya kielega jia khalele sha jia phamba? ⁵ Giteso gi moshi, yonu wa mi hwile pheve mwene wa kitile ndaga jia koma mu katshi dienu. Keti wa nu kita nganyi mukunda nu gu hata isalo ya shigo Nga mukunda nu gu hata gwenu gwa Sango ya bonga nu gu I kwikila? ⁶ Mu phila: " Abalayama a hagele mitshima gwa Nzambi, hene Nzambi a mu tshiginile." ⁷ Jiyenu egi wanyi Adi mu kwikila Adi Ana a Abalayama. ⁸ Mikanda ya santu idi mu jiyisa egi Nzambi mba udi mu sambesa aphagano mukunda nu shigo. Sango ya bonga ya longeye ha thomo gwa Abalayama egi: " Ikanda ikima mba idi mu zula Lusagumunu mu jina diaye." ⁹ Hene, wanyi mu lukwikilu mba a sagumuga nu Abalayama yonu wa khalele nu lukwikilu. ¹⁰ Wanyi Adi mu yindula ndaga ya shigo, MBA Adi mu shinjiya mukunda ya sonegeye egi: " Muthu yonu udi mu jinga konda gu hata ndaga jia sonegeye gu Mikanda wa shigo, enji gwa shi go mu salela shigo jene udi wa shinjiya." ¹¹ Lulu ngagi idi pwelele egi Nzambi gwa nu nungisa to muthu mukunda nu shigo uvi mukunda: " Muthu wa masonga mba u jinga mukunda nu lukwikilu." ¹² Shigo ya nu katuga go gu lukwikilu, uvi ndo: " Yonu udi mu lemvuga gu ndaga jene jia shigo mba udi mu jinga mu katshi dia shigo." ¹³ Kilisto wa tu katudile gu gushinzama gwa shigo tangwa a katudile gushinzama mukunda nu etwe, mukunda ya sonegeye egi: " Muthu yonu wa shiyiya ha mutshi udi wa gu shinza." ¹⁴ Gikuma gia khalele egi gu shinza gunu gwa khalele gwa Abalayama gu khale mukunda nu aphagano adi mu yesu Kilisto, mukunda mba tu zule lukwikilu gu laji dia tu hwile Pheve. ¹⁵ A phangia'mi, ngu mu leza egi ndaga jiji jidi mu gi muthu. Mu phila athu a nu di visa, gushi nu muthu go wa jiya gu katula laji dia Nzambi nga ha gu iga gima giko. ¹⁶ Lulu ngagi ma laji akima a hwiye Abalayama nu anenji nu ajigulwenji. Ya sonegeye go egi: " Gwa ana nu ajigulu", ha gu talela gwa athu a vula, uvi ata nganyi ndo, kaka gwa muthu mu moshi phamba: " Gwa anaye, nu mujigulu udi mu Kilisto." ¹⁷ Lulu ngagi ngu mu mi leza egi; gudi visa gwa tshiginile Nzambi gushi mu tala go laji dia tunyile mu shigo jinyi jia salamele gu balega mvula khama ji wana nu makumi a tatu. ¹⁸ Mukunda gula gifugo gie jile mu njila ya shigo, nga gie jile mu njila ya laji, uvi Nzambi wa hanele gifugo gwa Abalayama mu njila ya laji. ¹⁹ Mukunda nu ikhi shigo ya khalele gwene? Shigo ya yigiye mukunda nu gubwa gwa athu, ti nu guza gwa gikanda gia Abalayama yonu laji dia haneye, enji shigo ya tangeye gwa ba wanjio mu njila ya ngambi. ²⁰ Lulu ngagi, Nzambi mu moshi udi mu vugisa athu a vula. Uvi Nzambi udi kaka mu moshi. ²¹ Hene keti shigo idi mu tuna laji dia Nzambi? Ndo sha. Nga shigo ya nu hana lujingu, nga lujingu lwa haneye kaka nganyi enji masonga nga ejile mu shigo yene. ²² Gula ishi nganyi go, ndaga ya sonegeye idi mu haga ima ikima goshia gifumu gia masumu. Hene, laji dia Nzambi dia tu gulusa mu lukwikilu lwa Yesu Kilisto lwa haneye gwa wanyi adi mu kwikila. ²³ Uvi gu twama lukwikilu mu njila ya Kilisto luze, ta khalele mu bologo, ta kwateye mu shigo ti nu mu tangwa ta yambele lukwikilu. ²⁴ Hene, shigo ya khalele mu tu langidila ti nu ha guza gwa tangwa dia Kilisto mukunda tu khale ta nunga mu lukwikilu. ²⁵ Lulu ngagi, lukwikilu ludi gwene,tu shi nji go mu langidiya gwa muthu. ²⁶ Tudi khungietu akima ana a Nzambi mu lukwikilu lwa Kilisto Yesu. ²⁷ Enwe akima mwa zudile mbotiga mu jina dia Kilisto, mudi mwa sudiga Kilisto. ²⁸ Gushi nji go nu yuda, greki ndo, muhiga ndo muthu wa yala nga mukhetu ndo, khungi tudi muthu mu moshi mu Kilisto Yesu. ²⁹ Gula mudi mwa kangama nu Kilisto, mudi mwa ana nu ajigulu a Abalayama, ana a gifugo ha gu talela laji.