¹ Mvula kumi nu jiwana jia balegele nga vutugile gu yelusalemi nu balanabasi nu Tito. ² Nga kandugile mukunda nu ndaga imoshi ya gimona meso ya ngu monesele nzambi nu ngu leza ha guya. Nga a jiyishile Sango ya bonga ya nzambi nga khalele mu longa mu katshi dia aphagano, uvi Nga zwelele mu gingenga gwa athu a jiyana a nu twalesa. Nga tshiginile gu kwikila egi nga mbo zula phushi go, Nga ndo gu tuna gu zula phushi jia phamba. ³ Ata Tito futa diami mwenia gu greki, wa ngu sumbigile, gwa lezeye go mu gingolo ngolo ha gu mbiya gu mukanda, ⁴ ata aphangi a mitshima ya bola a tumiye muza mu tala mi giswegi ngemba yetu tudi nayo mu Yesu Kilisto. A tshiginile gu tu haga ahiga a shigo. ⁵ Ta a hwile go njila ata fioti, mukunda masonga a Sango jia bonga a beta a konda gu balumuga mu katshi diawo. ⁶ Uvi wanyi a khalele mu hageya gwa athu egi Adi a twadisi a batele go ata gima. Phila yawo a khalele ishi mu ngu leza ata gima go mukunda Nzambi wa nu zula athu akima giteso gi moshi. ⁷ A jiyile egi nga tamegeye ha gu longa Sango ya bonga gwa aphagano, Philadelphia Piele a tamegeye ha gu longa Sango ya bonga gwa wanyi a kwikila, ⁸ mukunda kaka Nzambi mwene wa salele mu tangwa dia malongi a Piele gwa athu wanyi a kwikila, udi mu sala nji nu eme gwa aphagano. ⁹ Tangwa amonele khenda jia Nzambi jia ngu hwiye, Jake, Piele nu Yonasi a khalele mu monega ule makunji a dibundu, a ngu hwile giyega nu gu ngu hwa ngolo jia mago, Balanabasi nu eme a tu tshiginile mu gimvuga giawo, mukunda tuye ha gu longa sango gwa aphagano nu gwa wanyi Adi a kwikidi. ¹⁰ A tu lezele nji egi ha guyindula a sugami hene Nga batele ngolo jia gu kita nganyi. ¹¹ Tangwa Piele a kumile gu Antiose, Nga mu balele gu meso a athu mukunda wa jiyile ndaga jia bola. ¹² Gu twama athu a ngu tumiye gwa Yakhobo eze a ngu kumile, Piele wa khalele mudia Hama ha moshi nu aphagano. Uvi tangwa athu a tumiye a kumile, wa katugile genji nu gu tuna gudia nu aphagano ene, mu woma wa athu wanyi a tshiginile gu zula luyotisi. ¹³ Aphangi ako a ba yuda a kangamele ha guhata Piele gu ndaga jenji jia bola, nganyi Balanabasi nji wa batele ndaga jene jia bola. ¹⁴ Tangwa Nga amonele egi ashi mu hata nji go njila ya masonga a Sango ya bonga, Nga lezele Piele gu twama diawo akima egi eye udi muyuda, uvi ole udi mu jinga ole aphagano, uvi ole ushi muyuda go, Philadelphia khi wa jiya gu zwela gwa aphagano ha gu jinga ole ba yuda? ¹⁵ Etwe tudi ba yuda a gu butuga, uvi tudi getu aphagano go, ¹⁶ tudi mu jiya egi muthu gwa nu tshiginiya go mukunda nu isalo ya guhata shigo, uvi mukunda nu lukwikilu gwa Yesu Kilisto. Netwe ta hagele lukwikilu gwa Yesu Kilisto, mukunda mba tu nungishiye mu lukwikilu lwa Kilisto, kansi lwa isalo ya shigo ndo, mukunda ata muthu mba gwa nungishiye go mukunda nu isalo ya shigo. ¹⁷ Uvi gula tudi mu kamba njila ya Nzambi mu Phila egi a tu nungise mu njila ya Kilisto, tudi mu bwa etwe ha khetu mu masumu. Nganyi Kilisto udi mu monega ole mwenya masumu? Ndo sha! ¹⁸ Mukunda gula ngu mu hata njila ya shigo, njila hene mba idi mu ngu bwisa, ngu mu kituga eme ha khami muthu udi mu shiya shigo. ¹⁹ Mukunda nu shigo hene Nga file, haha ngagi ngu mu jinga mukunda nu Nzambi. ²⁰ Nga hageye ha khulunji nu Kilisto. Hene ishi nji go eme ngu mu jinga, idi Kilisto udi mu jinga mu katshi diami, hene lujingu ngu di nalo Lulu ngagi ludi mukunda Nga hagele mitshima gwa Muna Nzambi yonu wa ngu tshiginile nu gu ngu fila. ²¹ Nga jiyile go gu tuna khenda jia Nzambi, mukunda gula ngu mu jinga mukunda nu shigo, nganyi Kilisto wa file phamba.