¹ Gubalela ndo mthu wa mbuta uvi mu bondila mu phila inyi wana solula nu shaye bondila anamala mu phila wana solula nu aphangi aye a mala . ² Bondila akhetu ama mbuta mu phila inyi wana bondila ginaye ; ana akhetusaleze mu phila wana solula nu aphangi aye a akhetu. ³ Hana lukumu gwa mifidi ya akhatu , wanyi adi diago mifidi , ashigo nu athu a gu asalesa go. ⁴ Uvi gula mufidi mu moshi gwa shigo nu ana to nu ajigulu mu fweti longuga thomo ha gusale sa familia yenji , inyi idi gisalo giene akilisto nganyi mba avutuka fuga ya lusadisu lwa akhakha nu ibuti , enyi idi ndaga nzambi adi mutshigina . ⁵ Mukhetu wa mufidi wa kielega gwa shi go nu muthu wa gumusalesa , udi mu haga mutshima wenji gwa nzambi , gwa nu huila go ha gusamba ,wana lomba lusadisu phipha nu muanya. ⁶ Uvi mukhetu wa mufidi udi mu jinga nu kiese , ata udi mujinga , udi wafile gale , ata udi mujinga. ⁷ Iyi idi ndaga jinyi,wa fuete zuela mukunda athu mba amonigo ndaga jia gutonga. ⁸ Gula muthu yonu gwa shigo musalela athu a gikanda gienji ,nu wanji a vumo dienji go , watotesele gale lukwikilu , udi muphagano sha. ⁹ Mukhetu yonu mba usonega gu mukanda ule mufidi muene gulungisa mvula makumi nu sambano mukhetu muene ufwete khala mukhetu wa makwela. ¹⁰ Wa fweti khala yonu wa khalele musala ndaga jia bonga ndaga jiene jidi gutala ana mwa bonga ,guyamba nzenza , guwova malu a akilisto gusalela athu akhalele nu phashi , gusala ndaga jiko jia bonga jia phila nu phila. ¹¹ Uvi mifidi inyi ya ana akhetu ashi go anuna guaso nega ndo, mukunda adi gudi hana gu ndaga jia ha mavu , nzala ya gukhala nu mala , adi mubemba njila jia kilisto. ¹² Hene ndaga mba ji bwa holo dia mitue yawo ,mukunda a shiya lusilu lwa thomo. ¹³ Adi mu zula gifu gia guya muwenda inzo nu inzo nu gusala ima ya bola bola akituga athu a songi songi , gungila mu ndaga jikima jishi mu atalela go hene nji adi muzuela mwa vula adi muzuela ndaga jinyi adi muzuela mwa vula adi muzuela ndagajinyi afwetele go guzuela. ¹⁴ Nga tshigina egi mifidi ya phila inyi a zudiye mu mabala , abute ana , ayidige inzo , ùukunda ha gula gu hwa ndo mbene njila ha guzuela ima ya bola. ¹⁵ Mukunda avula ajimbile njila ya bonga ha guhata satana. ¹⁶ Uvi gula mukhetu wa mu kilisto udi nu mufidi ya akhetu , muene wa jiya gu asalesa mukunda dibundu di zule ginemo gia gusalesa wanyi adi mifidi ishi go nu gima. ¹⁷ Gwa mambuta wanyi adi mu twalesa dibundu nu wanyi adi mukita ngolo ha guhana malongi ana zula lukumu. ¹⁸ Mukunda wa nzambi udi muzuela egi ukangi go kanu dia ngombe tangua idi mu diata mbuma enji muthu wa gisalo guzula lufutu mukunda nugisalu gienji. ¹⁹ Guvua ndo ndaga jidi muza mufunduya mambuta a dibundu , kaka gula gufunda gualungisa mbala jiyato jitatu nu matenu. ²⁰ Katula athu a masumu gu twama dia athu , nganyiathu govu woma. ²¹ Nga gu hwa nyila gu twama dia nzambi nu gutwama dia kilisto yesu nu gutwama dia ma wanjio aphoneye , nga guleza ha gusala ndaga jiji ! hata malongi wawa. ²² Guhaga ndo muthu mago phushi phushi mukunda nu gisalo gungila ndo mu ndaga jia masumu a muthu khala mutshima phe. ²³ Gunwa ndo khuta meya , uvi nwa ndambo ya vino mukunda nu gusalesa vumu diaye mukunda nu gukata guaye. ²⁴ Masumu a athu ako mba amonega gu matwama ha gusambesewa. ²⁵ Giteso gimoshi , isalo ya bonga mba idi mu monega uvi iko ya bola mba ikhala ya guswega.