¹ Kashi pheve ya zuelele mvubonga egie mutangwa dia suga , athu avula mba bebesa gutshigina gwawo mukunda nu guya mukangama nu yipheve jia gusebulula. ² Nu malongi a satana. ³ Mukinda nu luvunu lumilezeya gu matangi. ⁴ Atunine gukwela nu gudia ima inyi ya salele nzambi mukunda azudiye nu matondo mukhati dia akwidi akumine gugujiya masonga mukunda ima yagaswe ya salele nzambi idi ya bonga , ata gima lo tenudia mu matondo ishi go ya gubishila. ⁵ Mukunda ima ya gaswe idi ya guwova mu menga a yesu mu ndjila ya ndinga nzambi nu isambo . ⁶ Kana heye wa longa ima gwa apanngi , mba ukhala musadi wa bonga wa yesu kilisto wa gudisa ndinga ya lukwikilu mu malongi abonga wa landele. ⁷ Kashi bishila ishima nu jiso jenu kumbula akhetu a kolela gale tagwedi kamba gutshigina mukunda gunyigisa mwila gudi nu funu a zonda , kashi gutshigina gudi nu fumu ya gubalega. ⁸ Ndji gumukwata lazi dia luzinzo lulu nu dia luzingo mba luza. ⁹ Malongi wawa adi awaha nu masonga a gukumbudiya. ¹⁰ Mukunda nu ene tumulwa nu gusala ngolo mukanda tahagele matangi gudi nzambi wa monyo , udi mugu lushi wa athu agaswe , wanyi a mu kwikila. ¹¹ zwela ema iyi ndji ilonge. ¹² Mwabonga muthu gusagisa alenge lo , kashi kala mbandu mukunda nu wanyi a mukwikila , mu makalelo , mu gutshigina mu lukwikilu nu gubonga gwa mutshima. ¹³ Nu haguza gwami , dihane gugutanga , gu gulonga nu mugilongi. ¹⁴ Guzangela lo dikapo di udi nadio diguhwiye guguhageya gwaye gwa mago gudi athu akulu adibundu. ¹⁵ Tala ima iyi, kala mukatshi dia yo mukunda ngolo jiaye mba jikale jia makhidia gwa athu agaswe. ¹⁶ Dibambe eye akhaye thomo , ndji numu malongi aye , wenda mage - mage mu ima iyi , mukunda usadi ngenji mba ugulushiya nu eye mba ugulushiye athu enoguvila.